|
|
السلام . بنات ..
عيد زواجي يصادف 31 عشره ..
والمشاكل ..
إنه ما عندي نيزانيه حق شيء مميز .. يعني كان ودي أخذ السويت اللي خذيته بليلة عرسي..
بس غالي علي ومو حلوه أقوله عطني . خخخخخخ يعني حدي 60 دينار.. بس ..
والمشكله الثانيه ما في وقت … لأنه بعد 3 أيام و اليوم خلص … يعني باقي يومين ..
3 شيء …
يمكن يصادف يوم عيد زواجي يوم عمليه لي .. بسويها .. للحين ما تأكدت .. عملية تنضيفات بالرحم ..
بيشيلون بيبي متوفي..
يعني شسوي … أنا قايلتله بروح أنفس أسبوع أو إثنين عند أمي …
يعني العمليه الثلاثه و اليونيفيرسري الأربعاء ؟؟؟
شسوي ؟؟؟
فكرولي. .
أسويله عشا فبيت أهلي .. صغيرون لي وله ؟؟ ويجي يتعشا معاي… أف كورس بيكون بدون .. ( … )
تعابنه .. ونفاس …
أبي أفكاركم ..
والله يعووضج بالي فقدتيه خير
حبيبتي انا من رايي سوي حفله بسيطة بينج وبينه في بيتج
وتكون قبل عمليتج
منها تفاجأينه مايكون متووقع ومنها قبل العمليه واللويه
اشتري كيكة وسوي عشااا رومانسي وحطي لج شمووع واشتري له بهال 60 ساعة ولا قلم ولا بوك ولا جوتي تكرمين ولا شماغ
وبس مجرد انج ذكرتي هاليوم واحتفلتي فيه هذي احلى هدية واحلى احتفال اكيد لمن تصيرون مع بعض
او تقدرين تأجرين ليموزين وتحجزين لكم عشا بفندق يعني اي شيئ بحدود ميزانيتج بيصير حلو
وعلى فكرة اسمه يونفيرسري مو يونيفيرستي :d
مو شرط هدايا غاليه ترا ورده كافي والله العظيم
بس انا عندي سؤال ليش الريال ما يفكر في عيد الزواج
بس الزوجه اهي اللي تفكر
؟!!
وروحي اشتري له اي شي مو شرط غالي تقدرين تاخذين له قطعه خام بما ان الشتا على الابواب وغتره ولا شماغ الغتره ارخص من الشماغ
عندج غتره دنهل حلوه وبحدود 12 وتقدرين اذا ماتبين جذي تاخذين قلم عندج قطوف الي بشرق يبيع اقلام حلوه وفي اسعار رخيصه مو غاليه وايد وتلاقين عندهم خصومات وبعدين زيني البيت وييبي باقه ورد وفرشي مفرش على طاوله ووزعي شموع وحطي الاكل والكيكه والباقه والهديه واستانسوا مع بعض لان ما اعتقد 60 بتكفي عشى برى وهديه وجذي
والله يوفقكم يارب ويعوضج خير من الي فقدتيه وبعدين ترى نفاس الي تنظيفات بس 15 يوم واصلن انا سويتها مايكون فيج الى العافيه انا قعدت عند اهلي يمكن يومين ولا ثلاث ورديت لانه مافيني شي وموفقه يارب
<<مستعيله ناطره شنو هديتي لووول
وانا اقول لج احسن شي انج تسوين حفله زغنطووطه بينج وبينه وتيبين كيكه ومعجنات وعصير مع كت مكتوب فيه كل الي بخاطرج
وبالاخير سامحني على القصور وجذي
أنا خلصت عمليتي .. و الحمدالله صج سهله و خفيفه وما حسيت فيها. .
بس بنفس 20 يوم عند أهلي..
وبعدها برجع … ما سويت شيء.. لما أرجع و أتفرغ .. بسويهله شيء حلو …
وخذيت أفكار حلوه من ردودكم …
وكنت بحجز في فندق اللي سكنت فيه ليلة عرسي..
بس طلع115 دينار.. خليته يولي هههههه للغرفه
وشكرا …