|
|
السلام عليكم ورحمة الله وبركاته
بعد عمري عيالي يكسرون خاطري الحساسيه لاعبه بويهم لعب عيزت وانا احط
بهالكريمات ليل ونهار
ولدي الحساسيه اللي بويه لونها احمر ومرات تخف مع الالفاكورت بس ترد تطلع ثاني يوم
وبنتي حساسيته اللي تكون روس بيضا وحرام منتشره بكل ويها غيرت الحليب وهم ماكو فايده
ابي دكتور جلديه اطفال زين او كريم انتو مجربينه وياب نتيجه
وجزاكم الله خير
حبيبتي عيالج يبيلهم دكتور جلديه يحدد اسباب الحساسيه عقب يحدد العلاج المناسب
الالفاكورت ماينفع لهالحالات يمكن تكون نوع من أنواع الأكزيما
بالنسبه للعيادات كثيره بس أنصحج بعيادات المستشفيات المعروفه مثل السلام ودار الشفا أرتاح لهم وأنتي استخيري
والعويد عنده كريم حق الحساسيه كنت اشتريه حق ولدي لان فيه اكزيما والحمدالله خفت
وراقبي اكلهم في شغلات تزيد الحساسيه
روحي مبنى اسعد الحمد مستشفى الصباح عند دكتورة هندية اسمها آرتي
عطتها كريمات بس اوقع واحد منهم فيه كرتزون خفيف
ويه بنتي و جسمها كان كله نااااااشف متقشر و احمممممر و كانت كله تبجي مسكينه يحكها
حمدلله الحين صار صافي بس انا خايفة اذا قطعت الكريمات يرد
عندها موعد الشهر الياي بتشوفها مرة ثانية
و صارت تشرب حليب خاص للحساسية
جربت اس 26 للحساسية كانت تشربه و زين لها بس ريحتها تبط الراس لووعه جنها شاربة حنه الريحة تطلع من جسمها
غيرته شربتها نان للحساسية و حمدلله احسن مكتوب عليه Nan HA
انا بنتي كذا طلعت عيوني من الاحمرار
راسها كله مع جبهتها كلها حبوب حمر مررا
وكسرت خاطري ماظل شي ما أستخدمته لها
بس جاء ببالي شغله قلت بجربها
وبالفعل جربت زيت الجسم من سيباميد او سيباميد هو طبي المستحضر وماكو ريحه فيه او معطرات
يعني يريح
أحط على وجهها وراسها والحمد لله بدأ يخف الاحمرار ومستمره عليه بالليل وبالنهار
وثالث يوم بدأ يتقشر وهلحين خف كثييييييييييير ولله الحمد
بس انصحج لاتستخدمين أي معطرات او كريمات بها روائح خصوصا للي فيهم حساسيه من الكريمات المعطره
اغلب الدكاترة يعطون كريمات فيها كورتيزون .. وهي مضرة ..
دايما رطبي مكان الحساسية بـ فازلين الأصلي .. مب جونسون
بس ديري بالج لاتعطرينهم يأثر ترا
وراقبي اكلهم اذا كبار … لاتعطينهم فراولة وبيض ومنجا وحليب ككاو لأنهم يزيدون الحساسية
حاسه فيهم لان انا معاناة مع االحساسية :/
خذيت لهم كريمات من الصيدليه وان شاءالله تييب نتيجه
واذا مافادت بوديهم مركز احمد سعد