|
|
السلام عليكم
بدخل بالموضوع على طول لان حدي منغثة
ترى الغلط اللي قاعد يتكرر في بناتنا اهوا اللي يخلي الريال يتمادى
يعني اذا الوحده شافت على ريلها شيء تسكت وتقول لا حرام يمكن موقصده لا اهوا يحبني وماراح يروح لغيري
والله اذا شفت عليه شيء ما اخليه حتى لو شيء سخيف بالعكس اواجهه واذا فيها افضحه عند اهله قبل اهلي علشان يتوب ويحرم وبتقولون يمكن يتمادى خلوه يتمادى العمر مرة بس الريال غيره الف واحد اهم شيء عندي راحتي ووناستي ومثل ماحبيته راح انساه
واذا عن العيال والله اذا اهوا مايبيهم ابركها من ساعه لا احره فيهم ولا شيء اصلا مو كفو يربي عيالي
وخلوه يروح لغيري فضله من بعدي
على شان جذي الوحده لازم تمص الريال مص وماتقول حرام ومسكين مافي ريال مسكين انتي المسكينه والله
لا ويقولون فقير اهوا وين والخرابيط وين والله خافي من هالفقير مو الفلوس اللي تييب البنت لا اذا بغى يطلع الفلوس من تحت الارض
اوكي يحبج وموفر لج كل شيء بس اهوا عنده طاقه لشيءاكبر من جذي استغلي هالشيء لازم تاخذين كل شيء علشان لي راح حق غيرج الا انتي شبعانه منه
اوكي استانسي معاه وشيلي فكرة انه يبي يخونج او انه يفكر جذي ترى يمكن مو الحين يروح لغيرج لا بعدين بعد ماتكبرون مع بعض وتتعودون على بعض
حزتها والله انتي بروحج بتقولين اخذتك لحم وقطيتك عظم
لازم تفكرون ترى الدنيا تخوف والله
نفسج اللي اهيا نفسج ماتضمنينها
وبعدين بيت ابوج موجود
كفايه اهانات لنفسكم كفاية
حدي منغثة من الخيانات الي ماتخلص
الله يكافينا الشر
ومثل مافي رياييل جذي اكيد في رياييل كفو وينقال عنهم صج رياييل مو بالاسم بس
والله انا اشوف ابوي وعمامي وافتخر فيهم ويزيدوني امل بالرياييل الله يخليهم لنا انشاء الله
الله يخليلي ريلي ويحفظه ومايخوني يارب ولا اشوف هاليوم اميييييين
والدعاء مثله لكم يابنات
الله يخليلج ابوج وريلج يارب
ساعات احس الحريم يقدسون الريال استغفر الله ياربي جنه الي خلقه ماخلق غيره !!!
اهم شي عليكم نفسكم يا بنات .. صج ان لازم تهتمين افبيتج وتحاولين كثر ماتقدرين ان تخلين حياتج ناجحه … بس مو على حساب نفسج ..
لو كل مره تفرق وتوفق بين الشيين بتعيش مرتاحه ..
اكره ماعندي الي تشوفه يخون ويهينها ويطقهاا وفوق هذا كله تقوووول ……….. احبه ………..
على شنو هالحب
والل الرجال اذا خان المره وذلها ومد ايده عليها شنو معناااته .. اكيد عايفها ومايبيهااااا
اعرف وحده من جمااعتنا زوجا مو باقيه بنت بالديره مو مغازلها ومو متحرش فيهااا … راعي خراابيط بشكل مو طبيعي
حتى زوجي يقولي مااحب اقعد واسوالف معاه … وهي تدري وسااكته
قبل مده خطب ويبي يتزوج بس الي خطبهاا رفضت وماوافقوا اهلهااا ..
تدرون شنو سوت ………….؟
راحت وغيرت غرفتها النوم وخلت عيالها اسم الله عليهم الصغاار بو سنتين وبو سنه
يناامون بغرفه بعيده عنها
تققول عشان الاخ يأخذ راحت ومايتضااايق
يعني باعت عيالها وبعدتهم عنها عشااانه
والبنت الي خطبهاا للحين يتردد عليها ويبيهااا
مو كفو الوحده تقعد عند هالاشكال
كيكة توفي ويخليج لاهلج يارب
صح لاتهملين بيتج وخليه جنه بعيونج وبعيون ريلج بس كلش ولا الخيانه
لازم نسوي حملة توعيه ترى البنات ضاعوا ومافي احد يوعيهم
الله يحفظ رياييلنا يارب ويحفظنا
يا ريت تفكير كل الحريم نفس تفكيرج
الله يهدى ازواجنا و يسخرهم لنا 
صراحه هذا اول مشاركه لى بالمنتدى وانا صراحه رأيى من رأيك ماحب موضوع ان زوجى يخونى واعديها وحرام وماقصد
لانى لو سويت نفس اللى سواه حتى لو يموت على راح يرمينى شر رميه وبعديله الاشياء فقط اللى هو ممكن يعديها لى
وربنا يبعد عن حياتنا بنات واولاد الحرام
وموضوعك حلو جدددددددددا وعجبنى وماحبيت يمر بدون ما ارد عليه لان كثير يقولون حرام واهو رجال وعادى بلاش تخربى على نفسك
والاولاد والخخخ والرجاجيل تعرف ان الحريم يفكرون بهالشكل عشان كذا ممكن جدا يسوى اى شى وهو عارف انه راح يمر بشد بسيط
وينتهى الموضوع ولكن لو الزوجه سويت نص اللى هو يسويه قبل يطلقها راح يفضحها عند كل الناس وياخد كل حقوقها
عشان كذا أأيدك الرأى فى موضوع ان الحرمه ماتجى على نفسها بشى
لا وبعد خاصة ان الكويت مع المرة يعني من حضانة ومن نفقه ومن خدامه وسكن وسايق الحكومة ماخلت علينا قاصر شاللي حادج على المر
اتمنى البنات يتفكرون شوي
وعلى قولتج كيتين الله يبعد عنا بنات الحرام
مرت الايام اسعدني مرورج
كله اقول جذي
لو اهم شافو عالوحده شي ما يقعدها عنده دقيقه
صج الحريم مساكين
وانه هالمره بتطوفينها لانج تحبينها بس ااذا تكررت بتصير ليلة سودة عليك
لانه اذا فظحتيه عند اهله من اول مره يمكن يحقد عليج وتحرجينه وتسبب طلاق
فاول مره حاجيه بهدزوء على شدةةةة ولانج ساكته عشان عياله وتحبينه
وصاجه لازم ماتفوت اذا شافت ريلها يسوي حركه مو حلوه بحقها عشان مايتمادى لانه الريال ما ينعطى ويه
اهوا شوفي صح مو من اول مرة افضحه اذا كان شيء عادي وبسيط بس اذا سوا شيء ماينسكت عنه عاد يعتبر هذا اخر يوم بحياته
والمشكلة ان في بعض الحريم مايتناقشون في هذي المواضيع لا تسكت وخلاص لازم تناقشينه وتعرفين الاسباب مع انا كثرهم ماعندهم اسباب
والريال لازم ينقرص قرصه جايده