|
|
السلام عليكم ،،،
بنات بليز الي تعرف اي شي ترد علي لاتحقروني نفس كل مرة اسأل فيها وما القى رد من احد باجر عندي مقابلة بالاوقاف بإدارة التنمية الاسرية وحدي متوهقة مادشيت مقابلة قبل جذي هذي اول مقابلة لي ومادري شسوي ولا شلون لازم ارد وشالأسئلة الي بيسألوني اياها بليز الي عندها اي معلومة تفيدني والله ماعندي احد غيركم اسأله الله يخليكم ردو علي .gif "Eh S(16)")
up
up
up
لا تحاتين مقابلات الوزارات ما تخرع اهم شي الثقه و اكيد بيعلمونج وين بتشتغلين و طبيعه الشغل و جذي لان انتي مبدئيا
مقبووله 
الله يبارك فيج هني الفال لج يارب
المشكلة انا ولا مرة دشيت مقابلة مادري شالوضع الي سمعته بمقابلة البترول لما يقولون لج عرفي عن نفسج لازم ماتقولين اسمج بعرف اهم نفسهم ولا لا مابي اتوهق
الرد على الاسئله بايجابيه
الابتسامه
اللبس المرتب والمكياج الشفاف لاتلبسين جينز
عرفي نقاط قوتج
عرفي اكثر المواد الي حبيتيها بمسيرتج الدراسيه
هواياتج
مو كل الاسئله الي يسئلونج اياها لازم اتجاوبين عليها
مثلا حسيتي سؤال شخصي قبل لاتجاوبين سئليه ليش لانه مرات تصير لقااااافه ويطلعون من حوار المقابله :@@
بس سئلي ليش مع ابتسامه مو معصبه ههههههههههههه
واخيرا وليس اخرا
لاتركزين انج بمقابله تخيلي انج قاعده تسولفين مع احد بشكل طبيعي وقاعد تعرفينه بنفسج
بالتوفيق ان شاءالله
بالنسبه لمقابلات النفط
كل مكان له طريقه بالمقابله ولانه المكان قوي فيكون صعب :d
العفو ولو لما تخلصين قوليلنه شسويتي :d
وعقبالنا
الله يسلمج منورة والفال لج الله يرزقج بالوظيفة الي تناسبج