عندي مشكلة وابي راي واقتراحات ونصايح كل بنات هالمنتدى بلييز

السلام عليكم و رحمة الله وبركاته
شلونكم يا بنات عساكم بخير

عندي مشكلة بالجامعة واتمنى اقتراحاتكم عشان احل هالمشكلة اللي عندي

مشكلتي هي اني وااايد استحي في الصف
وطبيعة جامعتي كلها رياييل ورياييل كبار أكثر من البنات
وفي بعض المحاضرات أكون البنت الوحيدة في الكلاس
وفي هالمحاضرة طبعا اقعد في جانب بروحي ومهما استغرقت مدة المحاضرة انا ما لي صوت ولا حس

ما اقدر اتكلم جدامهم ما اقدر ما بيهم يسمعون صوتي
وحتى لو بتكلم يعني الكلمة موصلة الى بداية حلجي ما اقدر ما عرف

وإذا عندي سؤال أو شي مو فاهمته اروح الى الدكتور او الدكتورة وقت ثاني غير وقت المحاضرة
عشان اتكلم على راحتي وإذا ابي يصححون درجاتي ما اتكلم يعني لو ممكن يرفعون درجاتي ما اروح للدكتورة اقولها

وحتى اسمي إذا ينادوني لتسجيل الحضور ما اقدر اقول هذا انا
استحي
وإذا البنات يكلموني انا ساكتة لأن في رياييل والله إذا الكل يتكلم انا ساكتة
حتى لو أتكلم يطوف رجال اسكت

وغير هذا في اثنين ما ارتاح لهم في الجامعة انا قبل ما عندي عليهم شي
بس واحد منهم لحق وراي بالسيارة من الجامعة للبيت ومن يومها كرهته كره وماني طايقته ومن اجوفه اضيج فيني الوسيعة وهالسالفة من شهر رمضان العام لحين مو قادرة انسى
في ذمتكم أحد يلاحق شهر رمضان وهو صايم

والثاني ما ادري من وين طلع رقم موبايلي واتصل وفي الجامعة وين ما اروح يطلع في ويهي والله يطل علي ويضايقني
هذا وانا في حالي ومالي علاقة في أحد وعن جد من اجوف هالثنين تلوع جبدي
ماادري شسوي

ومو قادرة اتقبلهم بعد زيادة

يا ربي ماني قادرة أتعود على الوضع و لا قادرة أطلع صوتي
قولوا لي شسوي
نصحووووووووني
دلوني على الحل
انتظر ردودكم ابي الكل يرد علي

امممم عادي حبيبتي الحياه الجامعيه تتعودين عليها بعد فتره
انا عندي اختي كانت نفسج تدرس طب مساعد
وطبيعه دراستهم انهم دايمن خلط شباب وبنات وكانت تستحي بس مع الوقت بتحسين انه الوضع بصير عادي
لان طبيعة الشغل بعدين بتكون جذي مشاركه بينج وبين زميلج
موفقه

انا مريت بهالحاله بولى وثانيه جامعه عقب قمت ب2 الكورس ال2 لماتخصصت قمت اشارك مع الدكاتره وشفتهم يتفاعلون معاي شجعوني ..

بس محاضراتنا ماكانت مختلطه..

ب3 جامعه ضطريت اقدم برزنتيشن جدام شباب وكنت احاتي لما قدمت الحمدالله قدمته بثقه ومن غير اي خوف..

بس ماحب المحاضرات المختلطه احب اللي كلها بنات اشارك ع راحتي وحتى لي صادفت الشباب بالممر وصار موقف اتدوده.

احنا لانه مو متعودين عليهم..

بس مع الدكاتره انا غير اشارك واناقشهم بدرجاتي ..

وقليلين الادب خلج منهم حقريهم بيملون انا صادفت وايد 4 يمكن وكلهم حقرتهم وملوا..

وموفقه يارب..

وضحت العنوان..

وموفقه يارب..

سارونه 87
مشكورة حبيبتي على الرد وان شا الله أتعود في أسرع وقت
وانا طبيعتي خارج الجامعة عادي اتحجى مع شباب إذا استدعى الموضوع يعني إذا محتاجة شي أو اكو سبب يعني عاد اتكلم إذا في السوق اوكي اسال إذا مو مدلية أو اسال الموظف او في الشارع
بس اللي في الجامعة صعبة علي

رونه
مشكورة حبيبتي على الرد وتعديل العنوان
لا وقليلين الأدب على قولتج جان زين صغار وحلوين إلآ شكبرهم
وانا تحتهم ياااااااااااهل

الله يسمع منكم ويتغير كل شي

حبيبتي شي طبيعي الرهبه و الخوف بس دايما اقري بقلبج و استغفري هالشي سبحان الله يريح و تحسين اعصابج المشدوده بدت ترتخي و تصيرين ريلاكس عادي

Pettita

مشكورة حبيبتي على هالنصيحة الحلوة
ان شا الله من باجر اجربها
والله يعطيج العافية

هم انا استحي بس مو نفسج انتي حيل

بس شوي شوي قمت اتغلب عليه

مشيت ع طريقة

لي عوده

في انتظار عودتج يا المهندسة
وان شا الله تعطيني الطريقة اللي مشيتي عليها

امم انا عشان اتجرا قمت اقعد جدام..

وترا الدكاتره يحبون البنت اللي تشارك وتثبت نفسها..

انتي بجامعه الكويت؟؟

لانه انا حسبالي كلنا اول سنتين عادي واذا صادف مواد تخرج وفي شباب خريجين يدخلونهم معانا..

المهم الحل قعدي جدام بالنص مو ع الطرف و انتبهي للشرح وانسي اللي حولج لي قعدتي تفكرين فيهم بتستحين..

انا جذي لي فكرت انه فشله معانا شباب استحي واتدوده عكس لما احس عادي مو مشكله اتكيف شويه وترا الدكتور له دور..

اهو اللي يريحج بالمحاضره..

وبعد عشان تكسرين هالحاجز جربي مره تشاركين ومرتين و3 ليما تتعودين ع الوضوع وبتحسينه شي طبيعي..

وموفقه يارب..

مشكووورة يا رونه
على هالرد والتشجيع
الله يجازيج خير

وينكم بناااااات

توقعت منكم ردود أكثر

؟؟؟؟

حبيبتي عااااااااااااااادي شعور طبيعي لان احنا مومتعودين نقعد بكلاس واحد مع شباب بس بعدين راح تعودين,,

يعني انا هالكورس اول مرة اصادف محاضرات مكس اول شي قلت ابييه شكثر شباب وجذي وفشلة بس عقب راح تعودين

وانتي لاتدققين جنه كله بنات..

والي يلحقون اغلب الشباب جذي ماعندهم شغل انتي حقريهم اهم شي ولاتعطينهم اهمية..

والله شقوووول وشأتكلم
كلما اقول بتعود ألاقي نفسي أستحي
الحين تعودت على الوضع
بس في تيجر حاطة بالها وبالي
تدري اني استحي دايما تبي تحرجني
ومعطتنه مواضيع تبينه نشرح
مو هذي المصيبة
شلون أقوووم وشلون أشرح وأتكلم
ما أقدر صعبة علي
ماني عارفة شلون أهيئ نفسي
وهي حتى لو قررت تكنسل أو تنسى
ما بتنساني حاطتني ابالها
وأكيد بتقومني أول وحده
قولوا لي شسوي وادعوا ليي

احلى وحده .

بالبدايه اكيد في خوف وربكه .
لانه جو الجامعه يختلف عن باجي المراحل .
سوالف الشباب ماعليج منهم حقري واهم بيملون بروحهم .

اما الشرح . عادي انا اذكر اول مره شرحت مع قروب وماكنت مجهزه عمري لانه ماتوقعت دورنا وتفاجأت .
والشعبه فــــــل .. والدكتور قاعد بالاخير ويطالع كان حدا الوضع توتر .
خذيت نفس وتكلمت وماكنت ادقق بوجيه البنات ولا الدكتور مامرت دقيقه الا انا اتفلسف عليهم وخلص دوري وانا مكمله عجبني الوضع

والحين عادي بأي وقت اقوم واشرح .