|
|
السلام عليكم
بنات شلونكم شخباركم
بنااااااات ابي خبرتكم وافكاركم
عندي عيد ميلاد رفيجتي وودي اهدي شي مميز 
^
^
^
ملينا من الاشياء التقليديه .. 
بنااات ضروري ابي مساعدتكم وافكاركم ..
واكووووووون شاااااااااكره لكم
جم عمرها وشتحب مثلا ؟؟
واشكثر ميزانيتج ؟؟
موبايل
نظاره شمسيه
ست عطورات مع دب غلفيهم مع بعض بطريقه حلووه
كفر من دبنهامز او ايكيا
مجموعة شموع ومواعين اذا تحب هالسوالف من سنتر بوينت
طقم فوط من دبنهامز
مداليه حق تلفونها او سيارتها من غوتشي اسعارها حلوووووه
اذا متحجبه اخذيلها لفه من فولار عندج موسكينو وايس بيرغ وااايد راقين وحلوين
فاوجار مساااج من المهلب فووووق تختارين اللي تبينه والسعر اللي يناسبج يبدي من 22 لي ال60 واكثرر بعد وتلقين اسعار مناسبه
روحي الغانم اخذيلها ايبوود او دي في دي احسن شي واسعارهم الزين الزين مايتعدى ال50
او اخذيلها استريووو
او ماكينة نفيش وشعر بنات ووافلز
او سوااار على اسمها من داماس وصيهم يحفرون اسمها عليه
عزميها على مكاااااان راقي فندق مثلا او دشي قسم السياحه بالكويت وشوفي تقارير المطاعم وفاجئيها بصديقاتكم او خواتها وكيكة على صورتها
طرشيلها بوكيه ورد حلوووووو ذرب عندج المحلات اللي يم الصالحيه مع عطر وكيكة
اذا ضعيفوونه اخذيلها بجايم من اووشو المارينا او الافنيووز بجايمهم تهببببببببل
اذا متزوجه اخذيلها لوشنااااات وشمووع غريبه عجيبه
روحي ايكيا تلقين شغلات حلووووه
لووووووووول امبيه احس طلعت طاقتي كلها بموضووعج
بس المشكله ماني عارفه لاعمرها وشتحب وشنو وضعها متزوجه مو متزوجه وجم ميزانتيج بس انشاءالله قدرت افيدج
موفقه
يا بعد عمري .. قسم حلوه افكارج كلها
هي مو متزوجه وعمرها بالعشرينات
وينكم يا بنات بعد ابي افكاااااااااااااااااااااار
انزيين ماقلتي اشكثر ميزانيتج عشان نعرررف ؟؟
50 اقل اكثررررر
كل فكره ولها سعرهااا لوول
يالله عيل فوووووووق لعيووووونج حبيبتي
يعني تقريبا 100
او افتري على القسم التجاري تلقين اشيا حلووووه حبيبتي
او او او اشراااايج تفاجئينها بلوموزين 35 الساعه وترووحون تتعشوون بفندق مثثلا انتي معاها ورفيجاتكم وتشتريلها فاوجاااااار مساج من المهلب جذي انتي سويتيلها 3 اشيا بشي وااااااااحد
اتفقي مع البنات ولنفرض انتي واختها او احد من معارفها اذا تعرفينهم عدل او جم بنت من صديقاتكم تسوون حطه حق الوموزين وتعزمونها عالعشا وكل وحده تقدملها هديه وروحي الافنيووز عندج tous عندهم سواااالف تهبل فووق يم برووي محل اكسسوارات وعنده جناط حلوه واسعاره حلوووه بعد
او شوفي اهيا شنو هوايتها وعلى حسب اللي تحبببببببببه اخذيلها اشياا
قوولي تحب المكيااااااااج روحي ماك او بدي شوب او الافنيووز فافافووم او سيفوورا اخذيلها مجموووعه كبيره من المكيااااااج وحطيهم حقها بكرتووون حلوووووووووو راااقي ويغلفوونه حقج
اذا تحب العطورات نفس الشي شووفي العطورات اللي تحبها وشي يديد مع لوشنات كودييلها صدقيني راح تستانس لان المبلغ اللي بتحطينه وااااااااايد حلووووو زين
او اخذيلها مووبايل اذا موبايلها قديم
اذا ضعيفه اخذيلها من lv او غوتشي او ديور او بربريز حزاااااام عالخصر
يهبلووووون واسعارهم حوالي ال100
اذا تحب تلبس دشي مقع بوولوو او لاكوست او روحي رالف لورين الفنار او لاكوست الافنيوز واخذيلها قميص او بلووزه
اذا ودها تعدل غرفتها مثلا اخذيلها استريوووووو كبير حلوووووو تلقين ب80 هالحدود
او كلش كلش حطيلها قووطي حلوووو مرتب وداخله ال100 دينار وغلفي القووطي اشكثرهم مكودين عند بوابة الهدايا او سنتر بوينت و هالاماكن يمكن تكون محتاجه الفلوس اكثر من الهديه يمكن وراها سفره او بتقضي شغله عاد اذا تمونين عليها تعطينها وبسسسسسسسسس
شوووووفي حبيبتي انا يمكن طولت علييييييج بس كل اللي قلته لج ياا ياني بعيدميلادي يا انا سويته حق صديقاتي كللللللللللله يدون مبالغه كل شي سويته او صااارلي يعني موشي من تأليفي لوووووووووول
عشان جذي شاده حيلي معاااااااااااج احب سوالف الهدايا وجذي
والاسبوع الياي عيد زواجنه جان اشترتي له مجموعة ملابس وعطور وساعه وتكرمون نعال نفس لون الساعه وبعد بشتري له جم شغله وبحطهم في صندوق (يعني دزه صغيرونه) وتقريبا ميزانيتي نفس ميزانيتج
حلوه فكرتها
اخذيلها مثلا عمرها 25 اخذيلها 25 شغله وتعمدي تعدهم وتعرف انهم بعمرها
اكسسوارات مكياج عطوورات لوشنات شموع لفه من فولار وبجذي تسويلها سييييييت كامل بعمرها
مشكورين حبايبي على الافكااااااار
سوار من داماس اللي محفور الاسم عليه
تخيلت انه ياني هدية وااايد استانست خخخخخخخخخخخخ
<< مسكينة محد اهداها شي قبل عاشت الدور خخخخخخ
شوفي حبيبتي نص جمال الهدية بالتغليف بدعي فيه
ورد وحركات ومثلا خل اقولج اشياء انا مسويتها قبل
رفيجتي اهديت لها عطر ودهن عود باسمها
حطيته بعلبه على شكل قلب ..العلب اللي بالمكتبات كرتون مقوى وجذي
انزين
وحطيت سكارف ناعم اول شي داخل القلب
بعدها العطر + دهن العود + نثرت ورد مجفف
وحطيت شوي كاكاو
لا تضحكون والله حلوة لافكرة
جواهر جلكسي
وحطيت قطعه خام حلوة صغيرة معطرة عشان لما تفتح العلبة تفوح ريحه حلوة
وغلفت القلب بشريط عريض وحطيت كرت وظرف تدرون بنات شنو كتبت فيه …………..؟
(عليج واحد)
ههههههههههههههههههههه تخيلت شكلها وهي تفتحها وتضحك
المهم
كل هذا طيته بجيس كشخه
واهم شي الكرت والكلام الحلووووو بنااااات
هو اللي يبقى للذكرى
مثل الشوكلاته باتشي أو شغله مميزة
ونوصلها لك بعد