عندي أصداف البحر بس ماعندي أفكار :(

السلام عليكم ورحمة الله وبركاته

شلونكم خواتي عساكم بخير

أنا عندي أصداف بحر تقريبا ترس جيس الجمعيه وشريت مسدس الصمغ بس ماعندي أفكار حلوه أسويها

فكرت وعصرت مخي ماكو شي طلع أتمنى تعطوني أفكار حلوه أتسلى فيها بدال قعدتي بالبيت وضيقة الخلق

ومشكورين وعيدكم مبارك مقدما

في عندي صورة تونّس حق الاصداف
شوفيها يمكن تعجبج فكرتها

وفي عندي بعد جم فكره ..
انج تسوين فيها عقود وسوارات

او انج تزينين فيهم برواز أوعلبه وتلونينهم

انا عندي اصداف بس كبيرة

ميمعتهم من بيننح بماليزيا

حاطتم بفاز فيه رمل ناعم وحاطه فيه الاصداف

اولزقيهم على سلال او صواني التقديم

سوان

شحلات الصورة ماشاء الله عجبتني

مشكوره عالمساعده

سوبر ماركت

حلوه سالفة الفازه ماطرت على بالي عاد عندي فازه كبيره وسلال خوش فكره يسلمو حبيبتي عالمساعده

ننتظر المزيد من الأفكار

تقدرين تاخذين كرتون ما تبينه واتقصصينه واتسوينه برواز وتلزقين عليه الاصداف عشان يصير برواز من الاصداف. واتسوين علبة حق الكلينكس هم من الكرتون واتلزقين عليه قواقع ، عشان يصيرون طقم ، وتقدرين اتسوين نفس الطريقه كلوحه اتلعقينها بالطوفه واتلزقين على البرواز الاصداف ، والصوره اللي داخل البرواز خليها ناعمه وعباره عن صدفه وحده حقيقيه بارزه بالوسط ولونيها أزرق سماوي مثلا وبس

صديقة الدكتورة شريفه

والله فكره حلوه وبسيطه وسهله

مشكوره فديتج

لزقيهم على باب المطبخ او تكرمين الحمام بحركات معينة

سيلفر روز أذا لزقته على الباب العيال ماراح يخلونه لازم يشلعونه هالفكره حلوه بس يبيلها بيت فيه عيال كبار

يسلمو عالمساعده يالشيخه