عندما عرفت معنى التوكل الحقيقي وطبقته الاشياء الي كانت صعبه تييني بارده مبرده بفضل من

اشلونكم خواتي
في شغله عندي كنت مستصعبتها حييييل وكنت احاتيها والي زاد الطين بله امس صارت شغله تسكرت في ويههي حيييل وهم شغله بعد ثالثه كدرتني
وكنت اقول اذا الشغله فيها خير يارب ارزقني اياها واذا شر اصرفها وعوضني
بس مابجيت ولا انهرت ولا تحلطمت قلت اكيد ربي بيوقف معاي وماراح يخليني بس خلاص بخليها على الله
وامس كلمتني امي تحاتيني عالسالفه وقلت لها يما انتي بس ادعي لي انا مو خايفه الله معاي ماراح يخيبني بعد عمري امي فديتها كله تدعي لي الله يشفيها ويطول بعمرها
مع ان السالفه الي صارت لي تخلي الواحد ينقهر ويبجي ويحاتي بس مابجيت ولا نزلت دمعه جنه مو صاير شي اصلا طاااااااااف كملت يومي عادي وبداخلي توكل على الله فهو نعم الوكيل
قمت اليوم تفاجات بالفرج الحمدلله الحمدلله ربي مايقصر
نصيحه بنات ادري صعبه بس حاولوا ادعوا بلي تبونه وانسوووواخلاااص لا يصير تفكيركم فيه
حتى اذا بغيتي شخص تحبينه انسيه يركض وراج بعدين كل ماتغافلتوا عن الشي اييكم فجاه من حيث لاتعلمون
ونصيحه يابنات عطوا حق روحكم قدر هذا اهم شي حبوا نفسكم وعطوا روحكم قدر دايما رددوا ما انذل الى لربي
ما اخضع الا لربي سبحانه
مايذلني بشر وربي موجود
الي يبيني اييني انا ما ايي حق احد
الحين عرفت معنى التوكل الحقيقي

دعواتكم يا بنات ان ربي يعجل لي في تحقيق امنياتي المهمه الي راح تصير باذن الله وراح اكتبها طبعا عشان ابشركم
شوفوا ما قلت تحقيق امنياتي المهمه الي لو صارت
قلت امنياتي المهمه الي راح تصير عندي ثقه بربي انها راح تصير

عسى ربي ينولكم مرادكم

حبيبتي الحمد لله. وانا والله يابريتي اعزج وانا مااعرفج. بس من مواضيعج حسيتج مثلي
الله يوفقج وينولج اللي ببالج. انا وياج وجميع بنات المنتدى

جزاك الله خير

حبيبتي فديتج الله ينولج مرادج حاسه فيج انا قاريه مواضيعج حبيبتي قطي كل شي على الله صدقيني شفت ايام ما اتمناها لعدوي حتى الانتحار فكرت فيه مصاااايب مصااايب انذليت وانهنت وانجرحت حياتي اختربت بس الحمدلله يمهل ولا يهمل بديت اشوف حوباتي
صبري وانسي وبتنولين

ماشاء الله تبارك الله
كلامك حيل اثر فيني يالغاليه
كنت احتااااااااااااااجه حيل
تسلمين ياقلبي
الله يعطيك يالغاليه ضعف ماتمنيتي

جزاك الله خيروالله يجعله في ميزان حسناتك ولايحرمك الاجر ياقلبي

حبيبتي اجمعييين فديتج اهم شي لاتشطين روحج بس ادعي ابجي بالدعاء وخلاص عيشي يوج ولا كانه فيه شي

فديتكم الله ينولكم مرادكم

الحمدلله رب العالمين..

والله أنا ساعات احس بحيرة.. ماعرف شسوي .. ادعي كذا مرة وعقب اقول مادري ادعي بعد ولا لا..
مادري افكر بالموضوع ولا لا.. مادري أنساه أو لا.. ساعات اقول لازم كم مرة ادعي.. وكلما انسى الموضوع شوي،، اقول يمكن مايصير جذي أنساه..لازم أفكر فيه.. وساعات تتراكم داخلي أشياء،، ودي انفجر وابكي واريح نفسي شوي،، والله احس بحيرة ساعات ومادري شسوي ،، وساعات اقول خلاص بطنش مواضيعي ،، بس اقول يمكن ما يجوز.. مادري هل أنا متوكلة بشكل صح ولا لا..

احس أني تعبت..

ادعوا لي وفيديوني..

ماشالله

من توكل علي الله فهو حسبه

جزاج الله خير حبيبتي

وربي ييسير لج امورج ويحقق لج اللي ببالج وسبحان الله صج اللي يتوكل ع الله ربي بيوقف معاه وما يخذله

مريت بحيرتج انا ادعي وخصوصا بالسجود وبصلاتج وبصلاه الليل وخلاص انسي عيشي حياتج لاتفكرين في الموضوع طنشي سبحان الله الاشياء الي اطنشينها تتسهل لج بارده مبرده وكلى قولي على الله وكلت اموري وخلاص
عسى ربي يفرجها عليج