|
|
السلام عليكم ورحمة الله وبركاته
كلنا بهالقسم نحوس ونطل بالمواضيع الي نحس ان ممكن نفيد أو نستفيد منها
وانا مثلكم احووووس واتمشى بين هالمواضيع..
بس اليوم قاعدة وافكر دام ماشاءالله في هالكم من الامهات مهتمين بقسم الطفل
ليش ما نسوي استفتاء شامل يفيدنا كلنا باختلاف اعمار عيالنا
من تجربتج شنو اكثر عمر للطفل متعب؟؟
اذا كنتي من النوع الي وايد حريصة شنو الضغوطات الي تواجهج من عيالج؟
لما تتضايقين من عيالج تشتكين حق احد و منو ؟
هل تعليقات الناس علئ عيالج تأثر فيج؟وشنو نوع التأثير؟
طبعاً باب النقاش مفتوح مو محصور بس على هالأسئلة..
موضوعج مميز ومفيد وانشالله نستفيد من بعض
لي باك
موضوع مميز
يعطيج العافية
انا توني اول بيبي وعمرها 3 شهور الله يحفظها ويخليها والي متعبني ان نومتها مخربطه وبسرعه تستعسر وتصيح وخصوصا اذا رحنا نزور احد تظل تصيح استحي اخذها مكان من صياحها
بريك تايم
اسيمان
حبيباتي نورتي الموضوع واشكركم عالمرور ان شاءالله نستفيد من بعض
اسيمان الله يحفظلج البيبي
حبيبتي بهالعمر طبيعي العسارة اهم شي
نظني نومتها يعني لا تنام عقب ست المغرب لعبي معاها لا تستسلمين خلاص عقب ست المغرب ماكو نوم بتنعس لا تطيعينها ولي صارت الساعة عشر وتص اهدعش سبحيها ولبسيها داخل الحمام عشان لا تبرد ولفيها عدل ونشفي راسها وتكونين مسوية رضعة دافية على طول شربيها وطقطقي ظهرها خل تطلع الهوا وان شالله تسخبها نومة لي الصبح
عالطلعات لازم تستغرب هذا عالم يديد بالنسبة لها
بس انتي عفية عليج انج تطلعينها بتتعود عالالوان والاضاءة والاصوات ومع الوقت بتستانس ماراح تتعسر عليج
|
المشاركة الأصلية كتبت بواسطة Melazlaza
 من تجربتج شنو اكثر عمر للطفل متعب؟؟
من الولادة لي عمر السنتين اذا كنتي من النوع الي وايد حريصة شنو الضغوطات الي تواجهج من عيالج؟ لما تتضايقين من عيالج تشتكين حق احد و منو ؟ هل تعليقات الناس علئ عيالج تأثر فيج؟وشنو نوع التأثير؟ طبعاً باب النقاش مفتوح مو محصور بس على هالأسئلة.. |
.gif "Eh S(2)")
وااااااااااخ من هاليهال .. والله يعينا على تربيتهم.gif "Eh S(11)")
مشكورة على عرض تجربتج
وبالنسبة للعناد عندنا وعندج خير بس على فكرة الطفل يقلدنا يشوفنا نعانده ونعصب فيعاندنه جربي تحقرين او تسايسين وبتشوفين تغيير بسلوكها بس يبيله صبر والمشكلة للصبر حدوووووود
صح كلامج تعليقات الناس تسوي احبااااط وتحسسج بالتقصير بس المهم مانخليهم يأثرون علينا
والله يحفظلج الوالدة
كل ماكبر الياهل كل ماكبر تعبنا معاه ..، لا من السهر ولا المرض ولا الاكل والدراسه واخر شي حياته الزوجية والله يعينا
اذا كنتي من النوع الي وايد حريصة شنو الضغوطات الي تواجهج من عيالج؟
حريصه وايد علي صحة طفلي وعلي اهتمامه بشكله ونظافته والصراحه الضغوطات اللي قاعدة اعيشها هالفترة مرض ولدي اللي تكرمين صارله شهر كامل كله سهال وماياكل ووزنه حييييل صغير
لما تتضايقين من عيالج تشتكين حق احد و منو ؟
بعد عمري والله .. امي شايله همي وهم ولدي
هل تعليقات الناس علئ عيالج تأثر فيج؟وشنو نوع التأثير؟
احس بنظرة الناس اتهام لي بالاهمال مع ان وايد مهتمة فيه وفي صحته بس ولدي عسر بمعني الكلمة
حبيبتي الله يشافي وليدج لا تحاتين ان شاءالله ربي يبرد قلبج وجربي الطريقة رديت عليج بموضوعج مرة ثانية
عالاسهال لا تحاتين ترى الاسهال نعمة يطلع الفيرس من جسم البيبي لا تحاولين توقفينه لكن عطيه اكلات ماتيهل البطن مثل الموز وعيش بماي زايد مع روب وبطاط مفيوح ولا تحاتين فترة وتعدي
حجي الناس مايوكل خبز والي يعلق عنده نقص
والله يخليلج الوالدة
اسم الله عليه عود على قعدة الليل راقبي اكله و راقبي شنو يطالع بالتلفزيون يمكن يشوف شي في شد فيحلم بالليل ويقعد
الله يهديه لج ويهدي كل عيال المسلمين
اكثر عمرررر متعب ؟؟
من الولاده لعمر السنتين
واكثر شخص اشكيله امي الله يحفظهااا ويطوول بعمرهاا واختي الله يخليهاا لي
وبنتي اسم الله عليهاا عسرره تعااسر من كل شي حتي امي تقوول في بناتي كلهم وعيال بناتي كلهم ما مره علي ياهل عسر كثر بنتج
بس ما اقوول الا الله يهديهااا ويصلحهاا يااارب
وهل تعلقيات الناس تأثر فيني ؟؟
اتأثر دقايق بس بعدين اقوووول اللي ما يطووورل العنب يقوووول حااااااااااامض ههههههههههههههه
واااي فديت لولوتي
من عمر السنة ونص لي قبل الروضة
اذا كنتي من النوع الي وايد حريصة شنو الضغوطات الي تواجهج من عيالج؟
النظافة … و العناد … عدم الفهم ساعات
لما تتضايقين من عيالج تشتكين حق احد و منو ؟
امي و خالتي لأنه عندهم خبرة
هل تعليقات الناس علئ عيالج تأثر فيج؟وشنو نوع التأثير؟
يعني لما اروح عند احد ويقولون عن الصغيرة وايد عبثية و ماتقعد منيي انحرج
لما يقولون هذي احلى من هذي اعصب ( ماحب التفرقة بينهم )
ومشكوورة ملزلزة على الموضوع الحلووو
|
المشاركة الأصلية كتبت بواسطة melazlaza
السلام عليكم ورحمة الله وبركاته
كلنا بهالقسم نحوس ونطل بالمواضيع الي نحس ان ممكن نفيد أو نستفيد منها من تجربتج شنو اكثر عمر للطفل متعب؟؟ من يبدي يمشي الياهل ويتحرك ويفهم هالعمر وايد متعب تتعبين وانتي تدورين وراه وتحاتينه والمشكله ان اذا تصرف تصرفات غلط او عاند ان ماوصل مرحله النضج الكافي عشان تفهمينه وتعلمينه بعده صغير على مرحله الثواب والعقاب والمكافأه والحرمان اذا كنتي من النوع الي وايد حريصة شنو الضغوطات الي تواجهج من عيالج؟ الهواش والغيره الحنه..تعلقهم الزايد فيني شي حلو ومتعب بنفس الوقت..تعب باللبس بالأكل واكثر شي بالطلعات او السفر احب اخذهم معاي واستانس بس اكبر مشكله تواجهني ازعاجهم بالطلعات مع ان بالبيت وايد اهدى من برا مادري ليش؟؟يحتاجون طوله بال وصبر الله يعينا على التربيه.. لما تتضايقين من عيالج تشتكين حق احد و منو ؟ حق ابوهم او امي والحمدلله يهدوني و ساعات اوصل مرحله ابجي لأن اسم الله عليهم كلهم صغار وفوق بعض هل تعليقات الناس علئ عيالج تأثر فيج؟وشنو نوع التأثير؟ والله ماصادفت لي الحين تعليقات تضايقني دايما اسمع مدح واعجاب بلبسهم باشكالهم طبعاً باب النقاش مفتوح مو محصور بس على هالأسئلة.. |
موضوووووووعج وايد روعه ويفتح مجال للنقاش وفضفضه الأمهات
مشكوووووووره
بس انه ماادري ليش كله بقلق
انه ولدي عمري سنه وخمس شهور بس ابي
يكون احسن الناس وناجح
ابي اعرف شنو هوايته واشجعه عليها
ماابيه متفوق حيل بس ابي يكون ناجح في مجاله
والله يعينا على التربيه