|
|
السلام عليكم ورحمة الله وبركاته
شخباركم؟
بعد انتظار طويل اخترت الدكتور بشار لاجراء جراحة تجميل الانف
لان خشمي بعد جراحة الفكين صار طويل وعريض والارنبه نازله والجهه اليمين غير اليسار وانحراف بسيط
قصيت التذاكر 2-1-2011
طيارتي كانت الصبح الساعه 10 ونص بتاريخ 3-1-2011
وصلنا هناك ورحنا سكنا بفندق الماجد .. نظام شقق والشقه زينه ماعليها اخذوا تقريبا 13500 ليره ل3 ليالي
والمغرب رحت لعيادته وصوروني وفحصني ونفسيته كانت حلوه ويضحك ويفهمني
وقال حرام اسوي لج العظم لان مو واضح والانحراف بسيط قلت اوكي
وقلت ابيه طبيعي وقال طيب
وعمليتي كانت الثلاثاء 4-1-2011
رحت الصبح الساعه 9 ودشيت واستقبالهم حلوو سويت تحليل دم والنتيجه كانت زينه
ورحت لغرفتي الخاصه الدكتور قال غرفه خاصه والغرفه كانت زينه .. وقعدنا ننطر لين الساعه 12 او 1 مو ذاكره بالتحديد
و عطوني ملابسي اول مادشيت وبدلت ولبست الروب والذي منوو .. ومافصخت بنطلوون بجامتي قلت بخليه علي ليش افصخه كان قطن خفيف وقالوا عادي
العمليه نص ساعه وانا خاصه بنج مشترك ( بنج موضعي + مهديء ومنوم بالوريد )
رديت لغرفتي اسولف واحمد ربي وانا مو بوعي اقول الحمدلله وحاجيت امي تلفون وهم انا مادري عن الدنيا
عقب قعدت بالمستشفى 3 ساعات او 4 وكنت اتابع التي في لين ارتحت وقدت امشي
وقلت لهم ابي شوربه وجابولي لان كنت صايمه ما اكلت
وحطوا لي فتايل بخشمي
قعدت اتمشى شوي بالغرفه وبعدين لبست عباتي وشيلتي وطلعنا رحنا الفندق
رديت صليت ونمت وماحس بشي الحمدلله لاتعب ولا شي
اليوم الثاني رحت اشيل الفتايل قال كيفج تبين الصبح او المغرب
رحت المغرب بالعياده وشلتهم وشال اللزقه اللي على خشمي وحط لزقه ثانيه وكان خشمي متفوخ حيل ووارم
وقعدت ابجي اخترعت قال انتفاخ ويروح واشوى هديت ..
واليوم اللي بعده قعدنا نتمشى شوي بدمشق على الاقدام زهقنا من التكاسي 
واليوم اللي بعده طيران عالمطار مشتاقين للكويت ..
صار لي الحين 16 يوم
الورم خف بس مو حيل .. بس احس للحين الصوب اليمين غير اليسار مادري يمكن من الانتفاخ
وفي شغله ضايقتني بخشمي من جدام بالوجه بالغضروف احس في خفسه او طعجه جنها داشه داخل مادري هالشي طبيعي او لا؟
وشلت الغرز بمستوصف الفردوس عادي
وكنت امسح خشمي بالمره وانظفه بعود الاذان واستخدم البخاخ اللي صرفه لي الدكتور
وعطاني ادويه اخذهم بعد العمليه انا استمريت عليهم 5 ايام تقريبا وقطعتهم كانوا يعورون معدتي
وكنت اشرب مره بعد
وبس هذي قصتي .. دعواتكم لي امانه ان النتيجه تكون احلى واحلى
مع السلامه
التذاكر اخذت 3 تذاكر .. بقيمة 250 دينار تقريبا
السكن 13500 ليره .. بس لو تبون سكن احسن روحوا المزه ارخص واقرب لجرمانا .. انا قص علي التاكسي يقول بعيده واخرتها طلعت اقرب للطبيب من قلب دمشق
السفره بتكلف عليكم 500 الى 600 دينار .. بكل تكاليفها
الدكتور بشار نايف رباح العياده بجرمانا
والعمليه يسويها بمستشفى الراضي بنفس المنطقه
حساب التحاليل قبل العمليه 350 ليره
وانا انصح اللي بتسوي عنده تسوي اشعه قبل لا تسافر احسن .. لان ندمت لو خليته يسوي الانحراف يمكن ماظلت المشكله نفس ماهي ان الصوب اليمين غير اليسار 
وبس اظن جاوب عن الكل الاسئله اللي بيسألونها البنات
والاكل شغلات خفيفه وبسيطه .. عقب اسبوع اسبوعين عادي تاكلين اللي تبين
الانتفاخ والزراق ماصار واجد بس حاشتني حراره وحرقه بعيني لفترة اسبوعين تقريبا بشكل متقطع
) وان شاء الله تجوفين نتيجة تعجبج يا رب
حبوبة عادي تحطين صورة خشمج قبل وبعد
واذا ما تبين يعني بالعام
ارسلي لي خاص ضروري بقتنع بدكتور
ومشكورة
تطمني مثل ماقالت البارونه بس بالبدايه جذي بعدين كل شي يصير اوكي ان شاءالله
|
المشاركة الأصلية كتبت بواسطة elbarona
 حبيبتي انا بالبدايه كنت مثلج بالضبط جنب غير عن الثاني لان اهوا يسوي المنظار من صوب واحد وهذا الصوب اهوا العوي انا الحين مادري شكثر صارلي بس من شهر 8 مسويتها والحين مافي شي حلو واينن وعلى سالفة الخفسه هذي مثلي جنه مكسور بس هذا لان العظم ما اكتمل وانشالله بتشوفين نتيجه ترضيج يارب بعدين انا جذي كنتاحاتي مثلج بس لاتحاتي انشالله كل شي اوكي والحمدالله عالسلامه حبيبتي
) |
حبيبتي وين كنتي مسويه العمليه ؟
بس بسال اهو شاطر بنفخ الخدود لان ودي اسوي عنده
ومشكوره مقدما
البارونه حيل طمنتيني الله يجزاج خير
…
ريهام البارونه نفس دكتوري
___
louis
والله مادري ماسألته بس البارونه مجربه عنده وتمدحه
…
إيمي ابشري بحطهم بس مو الحين
وانشالله يارب تشوفين النتيجه اللي ترضيج
استغفر الله الذي لا إله إلا هو الحي القيوم واتوب إليه
عدد ما كان وعدد ما يكون وعدد الحركات والسكون
وانا سويت عملية انف عنده طبعا من 6 سنين اول مره عملية لبروز العضم والثانيه رتوش للانف
وتكلفة العمليه الاولى 90 دينار وكانت بنج كامل
والثانيه رتوش بعد ما مرة سنه من العملية الاوله سويت رتوش تكلفته خمس دنانير لانها كانت بنج موضعى
وبصراحه دكتور شاطر واثق من نفسه والحمدالله خشمى طبيعي طبيعي كل من شافنى قال مو مبين انى مسويه عمليه
وبحش شوى ماشاء الله عيادة مليانه من البنانيات وكلهم يسونها بنج موضعى اقل تكلفه زوجى يقول يدشون ويطلون كل وحده رابطه خشمها ما سمعت لهم صرخة …. إإلا انتى هو شنو سوى فيج تصارخين وصوتج عالى هههههههههه وسسترات يقولون دلع كويتى ماتتحمل شئ هههههههه
اهوا يقول قليل اللى يطلبووا منى بنج كامل لعملية الخشم انتوا شوفوا… فاتح غرفتين للعمليات الصغرى ويسوى فيهم ,,,,,, ماشاء الله الله يبارك في ايده والعياده مليانه
بس تعالى ترا نفس الفندق اللى سككنت فيه الماجد ههههههه يامحاسن الصدف هههههه
بس انتى شفتى بنات جرمانه شوى وينطون على الرجال ترا منطقه مشبووه ههههههههههه
يوه بس اذنبت فيهم لوووووووول
دعاء كفارة المجلس ,,,,
واستغفر الله استغفر الله استغفرالله لاحوله ولاقوة بالله سبحانك اللهم و بحمدك..أشهد أن لا إله إلا أنت..أستغفرك و أتوب إليك
ووسلامى لج خيتووو
وكانت جنبي وحده مسويه عمليتها عند دكتور بشار وتمام زينه وحتى تقول قريبتها مسويه عنده وتمام
موفقه
