|
|
بصراحة انا ضايقة فيني الوسيعة و مو عارفة وين افضفض فقلت اكتب هني بين خواتي بمنتدى كويتيات
و ارجوكم كل الرجا ما تقصرون معاي
بصراحة انا عندي عملية تكميم المعدة يوم الاحد الجاي عند الدكتور عبيد الحربي بمستشفى الفروانية
و حدي خايفة لانها تجربة يديدة و سمعت كلام واجد من البنات اللي سوو العملية ان عقب العملية تتحسفين من الالم
اللي راح يحوشج .. الخ من الكلام
بنات بليز طمنوني و اذا في اشياء لازم اسويها قبل العملية عشان ما اتالم وايد فيدوني فيها
و شلون العوار اللي بعد العملية و شلون الدكتور عبيد الحربي اذا احد يعرفه
بليز بنات لا تردوني على الله و عليكم
ماشاء الله نص اهلنا مسوينها
لاتخافين العوار عادي يومين ومافيج الا العافية
محد يعرف شي عن الدكتور ؟؟؟
و شنو اخذ معاي المستشفى من ملابس ؟؟ بنطلونات و لا شنو ؟؟
|
المشاركة الأصلية كتبت بواسطة تختخ55
 مشكورين بنات طمنتوني الله يطمنكم
محد يعرف شي عن الدكتور ؟؟؟ و شنو اخذ معاي المستشفى من ملابس ؟؟ بنطلونات و لا شنو ؟؟ |
لالاتاخذين معاج بناطيل لان احتمال يحطولج بربيش اخذي دشاديش وسييعه احسن عشان لاتتضايقين
ادعولي انا الحين بالمستشفى و باجر الصبح عمليتي
عسى الله يقوومج منها بالسلامه ان شاء الله
انا سويت عمليتي عند دكتور عبيد الحربي بالفروانيه ولااااااتحاتين لا عوار ولا شي مافي شي راح يضايقج كلش كثر شكشكت الابر وهذي الشغلات احنا متعودين عليها بدون عمليات
بالنسبه لدكتور عبيد صراحه ممتاز وماعليه كلام حتى الدكاتره اللي معاه كلهم نفسهم حلوه ويريحونج واخذي معاج دراريع واسعه علشان البربيش مايضايقج وتقدرين تدشين الحمام براحتج واهم شي تاخذين معاج شحاطه تكون مو من النوعيه اللي تزلق لانج راح تمشين بالممرات علشان ماطيحين او تزلقين لانهم دايم ينظفون الارضيه وتكون رطبه شوي
حبيت اطمنكم انا اليوم رخصوني من المستشفى
طبعا التعب اللي بعد العملية موجود مع شويه عوار و صعوبة بالحركة
حبايبي اللي سوت نفس عمليتي انا مادري شنو اشرب هالايام و شنو نوع السوائل المسموح فيها
و عندي استفسار بالنسبة للخياط متى يفتحونه و وين ؟؟ و هل لازم اغير الغيار من فترة لي الثانية
و الادوية مالت الحموضة و ابر السيولة و حبوب الترجيع متى ابلش فيهم ؟؟ من اول يوم اطلع و لا ثاني يوم
ياريت تساعدوني حدي ضايعة
السوائل المسموح فيها الماي حق شوربة الذرة والدجاج (السوائل الشفاافه) وروب ولبن خالي الدسم
وعصيرات بانواعها ماعدا المانجا والجوافه لانهم ثقال ع المعده
والخياط يفتحونه بعد اسبوع من العمليه والغيار خليه الدكتور اهو يشيله ويقولج اذا تغيرنه ولالا ؟
واذا الدكتور عطاج الحبوب بلشي فيهم من اليوم
واذا حسيتي بترجيع ولووعه بلشي بالعلاج مالهم
يلا ان شاءالله كلنا نوصل للوزن المثالي