|
|
االسلام عليكم
بقولكم تفاصيل عمليتي
انا من 4 سنين وانا احاول بالريجيات اصعد وانزل تحت ال 85 وزني ما ينزل واذا نزل بسرعه البرق يرد يصعد كنت شايله من بالي سالفة العمليات بس شفت جم وحده منه رفيجاتي ناويين يسوونها سويت عنها سيرج وبسسرعه بسرعه قررت واقنعت ريلي ورحت حق الدكتور احمد الشرهان بالبدايه دقيت على الدكتور خالد العنزي حصلت موعد بعيد وانا مستعيله فرحت حق الدكتور احمد الشرهان طبعا كلمني بكل بساطه شنو تبين قلتله تكميم خنشوف وزنج تعالي الميزان تمام وزنج 89 طولج 161 رديت قعدت العمليه راح انقص 75 من المعده واندبسها ريلي قاله مافيها خطوره الدكتور قاله لا ان شاء الله لاتحاتي هاج التحاليل سويها بالاميري ومتى تبينها انا قلتله الخميس كان تاريخ 8-3 قالي اوكي سويت التحاليل ورحتله عطاني ورقة دخول السلام قالي دخوج 10 بالليل رحت ركبولي المضاد الحيوي بالجف هذا بالنسبه لي كان اكبر عذاب لانه عرجي مايبين بسرعه فوايد دخلوه وطلعوه المهم الصبح جهزوني حق العمليه وقالولي فوق ال 12 بالليل ماكو اكل
العمليه سهاله تغشمرو معاي السسترات قامو يظحكوني وسميت وتشهدت غزوني ابرة البنج قعدت الدكتور ماسك التليفون قالي هاا شلونج ريلج معاي عالخط يتطمن عليج الحلو بالدكتور انج تتواصلين معاه دايركت على مو بايله بس صعدوني فوق واشتغلو علي مسكنات وتنويم يومين ما شربوني شي ولا وكلوني طبعا يالي الدكتور شاف الجرح قالي كل شي اوكي حاولي تمشين شوي وانا كلمن امشي ارجع دم نسيت اقول عطوني 3 ابر سيوله وكتبلي على ابر غيرهم لمدة اسبوع كل يوم وحده وحبتين كل يوم وحده صبح وحده بالليل وادول
قالي اذا حسيتي بعوار قوي ابطنج دقي علي اذا مليتي من الشوربه والعصير والماي دقي علي واذا ارتفعت حرارتج دقي علي هال 3 اشياء مهمين اليوم رخصوني طبعا انا بموت من عوار الجرح اللي بجهة اليسار وشوية عوار بسرتي بالغصب اقوم واقعد وانا الدوره كنت مخلصه منها قبل العمليه اب 4 ايام بس عقب ابرة السيوله رد ينزل علي دم خفيف حيل قالي امم عادي بس قاعده احاتي
عفيه بنات قولولي العوار اللي فيني طبيعي؟
وبعدين دكتورج قالج عادي ان شاءالله مافيج الا العافيه ولا تحاتين حبوبة
الكتروني اللي ينحط تحت اللسان..عشان اتابعين حرارتج اول بأول…وصلي وانتي قاعده عالكرسي لا تجندسين وايد موزين
والله يقومج بالسلامه يارب وتصيرين سمبتيك 
الف الحمدالله والشكر انا اليوم فرق عن امس فيه عوار بس اخف بواايد
وبديت اليووم اشرب شوربة الدياي صافيه وعصير توت فيه دوخه خفيفه حييل
الحمدالله يااارب
عصير البرتقال ممنوووع قالي يسوي غازات وحامض عالمعده تو الناس
واختي عوار السرة ما صار فيني عندي اعراض ثانية ذكرتها في موضوعي والله يكافيج الشر
انا ليلحيني اخذ ابر السيوله اخاف اوقفهم معنه معطيني واحد خذيت 3 وانا بالمستشفى والحين معطيني حق اسبوع يعني 10 ابر
تغث الابره
اليوم الحمدالله وايد خف عوار العمليه وصرت اتحرك شبه طبيعي
زين لقيت وحدة مسويا تكميم ..
اختي نشاء الله شهر ٦ بسوي
شنو ملاحضاتج عليها ؟؟
تنصحيني ولا متحسفه عليها
ياريت تساعدوني بنااااااااااااااااااااااااااااات
بليز الي عاملة عملية جراحية للسمنة ( بالون معدة – تكميم …. الخ )
تجاوب على اسبيان ماياخد منها دقايق … محتاجه اكبر عدد
استبيان لبحث تخرج …….. وربي يوفق الجميع