|
|
أعضاء المنتدى الغالي ياليت تفيدوني بأي معلومات عن عملية شد البطن أنا موعدي قريب عند الدكتور خالد العنزي في المستشفى الأميري
هل الألم بعد العملية محتمل ؟
شكثر المدة اللي احتاجها للتعافي من العملية وممارسة حياتي الطبيعية ؟ نتائجها تستاهل التعب اللي فيها لأن انا عندي ترهل من الولادة وهذا ما يروح برياضة
في أحد عنده اي معلومات عن الدكتور خالد العنزي يقدر يفيدني فيها ؟
صدقوني اي معلومة ولو بسيطة تساعدني في اتخاذ قراري المناسب
هل
ولكم مني جزيل الشكر
فيها الم والالم فيها محتمل ويروح بالمسكنات
وتستاهل النتيجة التعب
باول اسبوعين يبي لك راحه مع مشي خفيف
المتعب فيها انك ماتفردين ظهرك عدل شوي ينحني عشان بس الشد والخياط الداخلي يبرا
والباقي سهالات
الله يسهل لك وما علي شر
لما تشوفين ان مافي بطن …وواااي .. وبس
ودكتور خالد العنزي وااااااااايد ناس يمدحونه
وانا بطريقي له عن قريب انشاءالله
توكلي على الله وسويها حياتج راح اتغير اصلا عقبها
والالم عادي
الله يعافي المسكنات
وعشان تردين حق حياتج يبيلج 10 ايام اسبوعين
وعقبها جنج البخت
انا سويت عمليه شفط وشد لبطنى من تقريبا 5اشهر
ومع ان الجرح التهب والدكتور ماكان بذيك الشطاره بس بس ابدا ماني ندمانه وفرق كبير عن اول فى الشكل واللبس
بس نصيحه خليه ينحت الخواصر زين ويشد العضلات حقت البطن
واذا الضهر فيه شحوم خليه يشفطها علشان يطلع الخصر اجمل
الله يسهل عليك
وانا من تجربه انصحك فيها
نحن السابقون و انتم اللاحقون 
حياج بتجمعنا و أي سؤال لايردج الا أصابيعج
اذا سويتي العمليه علمينه
والله يقومج باالسلامه يا رب
يعني مافي الم منها لانه كله بيعطونج مسكنات
اللهم الا الحركة الي ما تقدرين تنامين على جنب على طول
كله على ظهرج
وعقب 4 ايام تقدرين شوي تلفين عالجنب
وعقبها بجم يوم تنامين على بطنج
يعني شوي شوي ترد عافيتج
واهم شي انج ما تشيلين شي ثقيل عشان الخياط
بس صدقيني النتيجه بتعجبج لانه فرررررررررررق
والفرق تشوفين من اول ما تقعدين يبين انه بطنج مشدود سيده وعقبها بعد بيرد يستعدل احسن
وسلامتكم،،،