|
|
بنات طحت لكم على عملية جديده للسمنه قريبه من التكميم وبنفس النتايج بس باختلاف القص واهي طي الانحناء الكبير للمعدة وهذي العمليه لها 8 سنوات موجوده واللي اخترعها دكتور ايراني وحاليا بحثت في وطنا العربي ما يسووونها الا بسوريا وانا طايره لسوريا يوم الخميس يعني عقب باجر وفي احتمال اكبير اسويها شرايكم
انا اللي مشجعني لها ان جزء المعدة اللي ينقص بالتكميم ينطوي بالعمليه هذي وينخاط بدال ما يقطعونه واقدر ارجع معدتي مثل ما كانت متى ما بغيت بس التكميم مافي مجال للرجوع انقصت المعدة واللي كان كان
شرايكم عطوني راي
اهاااااااااااااااا شغله ثانيه بعد بغيت انسى
العمليه هذي يسونها بمستشفى جديد توه مفتتحينه بـ 2024 يعني معدات واجهزه جديده وحسب ما قريت متعاونين مع دكاتره زينين ومتخصصين والمستشفى مسيحي ادارته مسيحيه وبمنطقه مسيحيه وسياحيه ((صدنايا)) ((مستشفى السيده)) كل هالمعلومات تقدرون تتاكدون منها عن طريق قوقل للي يهمها الموضوع وراح انقل لكم بعض المقالات المكتوبه بهالموضوع وياريت تعطوني رايكم بسرعه اذا كان يهمكم امري انتوا خواتي واحب اتناقش معاكم ……… احبكم……….
عـمليـــة طــي الانحناء الكـبير للمعــــدة (LGCP)
Laparoscopic Greater Curvature Plication
أو التكميم (السليف)دون استئصال.
هـي مـن العمليــات الجديدة المحـددة لحجـم الطعـام تشــبه عمـليــــة تكميـم المعــدة ولكــــن دون الحـاجــة لاستئصـال جــزء مـن المعـــدة.
وبـذلك نحقـق نتـائــج جيـدة تتلخـص بمـا يلــــي:
إنقـاص الـوزن الـذي نحققــه بـربـــط المعــــدة والتكميـم.
إنقاص مـن المضـاعفـــات الخطـرة كالانـزلاق و التنخـر فـي ربـط المعــدة أو التسـريب مـن خـط قطــع المعـدة فـي التكميــم كمــا أن زمـــن العمــــــل الجـراحــي أقـل و الرض الجــراحــــــي أقــل.
التكلفــة المـاديـــة أقـل لعـــدم الحـاجــــة للسـتابلــر أو حـــزام المعـــــــــدة.
مخترع هذه العملية جرّاح إيراني (محمد طالبور) و بدَءَ في إجرائِها منذُ حوالي 8 سنوات و السبب في ابتكارها هو المقاطعة الإيرانية للمنتجات الأمريكية فكان البحث عن بديل لأجهزة الستابلر التي تحتكرها الشركات الأمريكية و لا يمكن إجراء أي جراحة من تحويل أو سليف بدونها.
قدم الجراح المذكور عمليته في عدة مؤتمرات عالمية و حازت على اهتمام واسع .
حديثا قدم الجراح نفسه دراسة هامة عن 100 حالة تمت متابعتها مدة 7 سنوات بعد الجراحة بنتائج باهرة لا تختلف عن نتائج عملية السليف المعروفة و اختلاطات قليلة جدا.
قام العديد من الجراحين بتبنيها و اجرائها في كل من اليونان و الهند و تركيا اضافة لعدة دول في أمريكا اللاتينية و المكسيك و حديثا في الولايات المتحدة الأمريكية حيث تم البدء بدراسة سريرية واسعة في كليفلاند حول هذه العملية و هي تجرى هناك.
واللي حابه تشوف صور او تاخذ معلومات اكثر ممكن عن طريق قوقل وراح تعرفون كل شي عن هالعمليه
ترى في احتماااال كبييير اسويها السبت انشالله 1/1/2011 ادعوووووووولي وعطوني رايكم قبل لا اسافر
الله يطلعها بالسلامه
بس استخيري الله قبل
وبالتوفيق انشالله :**
شلونكم
رجعت لكم بعد غيبه وابشركم سويت العمليه يوم الاحد 2-1-2011 ورجعت الديره يوم الثلاثاء 4-1-2011والحين صارلي خمس ايام مسويتها والحمدلله وانشالله اشوف النتايج ادعووولي واللي حابه تعرف تفاصيل تسال وانا حاضرة
بس على ماظن المفرووض تكتبين تجربتج بقسم العمليات الجراحيه احسن
ماعندي مشكله اكتبها وين ماتبون لو حبيتوا بس المهم ان اللي يبي يستفيد
وان شاء الله تضعفين بصحه وعافيه
موفقه
آآآآآآآآآآآآآآآآآمين
بالنسبه للالم والله اول يوم بعد العمليه كان قوي بس مع المسكنات وسوائل دافيه شوي شوي كان يهدى نوعا ما بس طبعا كان في ترجيع بعد بس الحمدلله من ثالث يوم تقريبا وقف معاي الترجيع وهدى العوار وصار يحتمل مع المسكنات حاليا انا مو منتظمه على المسكن لان احس ماله داعي والعوار خفيف بس ملتزمة بالسوائل من ماي وعصاير وشوربه خفيفه مو ثقيله او مع شعرييه يعني شوربة الماجي مثلا اصفيها بعد ما تجهز واشرب بس الماي