عملية تكبير الصدر 2024

انا مشتركة جديدة وبصراحة كنت زائرة منتظمة على هذا المنتدى لكن بعد ما صار عندي موضوع حابة اشاركم فيه و افيدكم و استفيد سويت لي اشتراك اليوم وان شا الله نستمتع مع بعض.

اليوم الثلاثاء الموافق 13/3/2012 هو اليوم الثاني لي بعد عملية تكبير الصدر
بس انا ابي اسولف بالترتيب
دقيت على رويال حياة و سألتهم عن الدكتورة الالمانية الزائرة متى بتيي و قالولي يومين من كل شهر و موعد زيارتها الاسبوع الياي و خذيت موعد 19/2 و رحت لهم و الا الدكتورة وايد سمحه و مريحة نفسيا فحصت و سالت ليش تبين تسوين العملية و يابت لي السيليكون مقاسين مختلفين و انا نقيت الاصغر 275 قلت لان ابيه ناعم و طبيعي اكثر
سالتها وايد اساله و سالتني وايد اساله بعد و اتفقنا على ان اذا ابي اسوي العملية اتفق مع مركز كوزموسيرج يحددون العملية على زيارتها الياية
وقالولي بعد 3 اسابيع تقدرين تسوين عملية اذا التحاليل و كل شي تمام
قلت اوكي
خذيت موعد التحاليل (دم) وسونار على الثدي و دفعة اولى 50٪ من المبلغ و توقيع على الاوراق كلها

خلصنا دقو علي يأكدون الموعد يوم الاحد 11/3 الساعة 9 و لازم اكون موجودة الساعة 7
قعدت من النوم خذيت اغراضي و رحت المستشفى و اتفقت مع زوجي انه ايي المستشفى بعد العملية لان ما ابيه يقعد بنتي و الوقت وايد مبجر خل ينامون و يريحون و ماكو الا العافية
دشيت و تزهبت للعملية مرتني الدكتورة و سالتها عن المقاس للمرة الاخيرة لان انا لما قريت موضوع هيكارو في هالمنتدى قريت ان حشوتها 325 و مقاسها صار بين البي و السي فحطيت في بالي جنه انا وايد صغيرة حشوتي سالت الدكتورة و قالت خل اشوف صدرج مع ال 275 راح يصير شبه سي وسط قلت لها ابي فل سي قالت تبين اكبر عيل قلت لها خلاص ناخذ 300 قالت اكيد مو مشكلة الحين انزل المركز اييب منه المقاس اللي تبينه

8:15 دخلوني العمليات و انا حمدلله ريلاكس و فيني النوم من الابرة اللي عطوني اياها يت دكتورة البنج و سولفت معاي شوية بعدين قالت لي سمي بالرحمن و اخذي نفس عميق
و ما وعيت الا و اهم يلبسوني الكورسيه و يقولون لي بليز رفعي جسمج عشان نحطج بالسرير الثاني
نقلوني الافاقة كنت انام شوية و اقعد شوية و ما يدخلون علي الا شخص واحد كانوا يتناوبون زوجي و خواتي
خلصت العملية 9:30 لكن قعدت بالافاقة لي 11:30 لاني طلبت مسكن و اهم قالو اذا بنعطيج المسكن القوي لازم تقعدين عندنا تحت الملاحظة خذيته مرة وحدة و بعدين سالوني تبين بعد و الا انزلج الغرفة قلت لهم نزلوني
كنت بين الالم و الدوخة و الادوية بس حمدالله مر اليوم بسرعة و بالليل مرتني الدكتورة تتطمن علي و تعطيني التعليمات و انا طلعت نوته كنت كاتبة فيها اساله سريعة و الحمدلله طاح حمل العملية و الحين بقى حمل مرحلة العلاج ان شا الله
ادعولي و للمسلمين ان الله يمدنا بالصحة و العافية
انا ما خضت بالتفاصيل حابة ارد على اسألتكم

اقتباس:

المشاركة الأصلية كتبت بواسطة dandon87 الحمدلله على سلامتج حبيبتي جم كلفتج العملية ؟

الله يسلمج من الشر
كل شي من اول موعد استشارة 2600 مع 3 اشهر مراجعة و 4 جلسات مساج

اقتباس:

المشاركة الأصلية كتبت بواسطة ام عبد العزيز م اب اب

الله يعطيج العافية
شي ثاني نسيت اذكره انا نمت عندهم ليلة و طلعت من باجر (الاثنين) بس شالو بربيش واحد و خلو الثاني ليلحين موجود و طلبو مني تفريغه و تسجيل جم مل نزل كل 24 ساعة لمدة يومين (الثلاثاء و الاربعاء) و الاربعاء باجر عندي موعد مراجعة في كوزموسيرج طبعا دكتورتي سافرت المراجعة عند احد دكاترة المركز المختص.

اقتباس:

المشاركة الأصلية كتبت بواسطة اسرار70 الحمدالله علي السلامه بعد العمليه لما راح البنج حسيتي بعوار وايد وشلون الخياط يبين

الله يسلمج من الشر
انا كنت قارية على لسان وحدة هني في كويتيات ان العوار جنه داعمج هاف لوري بس انا اقولج فيه عوار بس تقدرين تتحملينه يعني واايد اهون من اللي تخيلته ربي لك الحمد والشكر اول ما فجني البنج قلت لها ابي مسكن بس مو اللي تقولين بجي و صراخ لا وااايد عادي
و الخياط تجميلي ما يحتاج اشيل غرز و الجروح طولها 4 سم صوب ثنية الصدر و الحمد الله وايد زين بس قالت لي ترى ما يروح بيضل خط ابيض ضعيف

اقتباس:

المشاركة الأصلية كتبت بواسطة Preity الحمدلله على السلامه انا حيل خاطري اسويها بس اشلون عن حكمهاا الشرعي تجوز ولا لا ؟ ومشكوره

والله اختي ما اجذب عليج ناس اجازت وناس حرمت انا حطيت في بالي دام السعودية دولة ملتزمة و يسونها معناته ما فيه حكم مؤكد انها محرمة هذا و انتي و اجتهادج اذا حابة تعرفين اكثر عن حكمها

اقتباس:

المشاركة الأصلية كتبت بواسطة دآنة آلرشآيده الحمدلله على سلامتج جم صار لج مسويتهآ؟ في عوار تحسين فيه ولا عادي ؟

هلا والله الله يسلمج من الشر حبيبتي
صارلي 3 ايام مسويتها
ايه احس فيه بس حيل يذكرني بالنفاس لما يحتقن الحليب بعد وايد اهون لان ماكو حرارة ولوية النفاس

اقتباس:

المشاركة الأصلية كتبت بواسطة Sparkle حمدالله على سلامتج

الله يسلمج حبيبتي مشكورة عل مرور

انا الحين بالطريج رايحة المستشفى للمراجعة و ان شا الله خير