عملية تجميل المنطقة الحساسه .

بنات عقب ما دورت بالقسم ومالقيت موضوع بهالعمليه قلت اسوي موضوع نستفيد منه كلنا عقب ما ولدنا و ترهلنا و صارت الامور عايمه على بعضها

انا من زماااااااان ودي اسويها و ما سالت فيها الا مره وحده عند دكتور اسامه صالحه بدار الشفا و قالي انها عباره عن تجميل خارجي للمنطقه الحساسه و تضييق داخلي و البنج يكون عام و الخروج من المستشفى حسب الحاله و عادة تكون ثاني يوم من العمليه و لو حتى بنفس اليوم هم عادي مثل ما قلت لكم حسب حالة المريضه …

المووووووهم بالنسبه للسعر قالي 320 شامل البنج و الغرفه و العمليه و كل حااااااقه …

عندي اثنين من رفيجاتي سووها بعد الولاده على طول يقولولي اسووره شي مو طبيعي جنج بنت و شكل المنطقه صارت جنهم بنات اعمار على 14 و 15 سنه ماشالله تبارك الرحمن

و بالنسبه لي سالت دكتور اسامه صالحه عن انه شنو الافضل العمليه مع الولاده ولا بعد الولاده فقالي الافضل بعد الولاده بفتره لانه يكون الامور ردت حق وضعها الطبيعي فيكون الشد و التضييق و التجميل افضل وادق 100% من لمن تكون المرأه توها والده و كل حااااقه داخله مع كل حاقه

و قالي انه الحريم يفضلون يسوونها مع الولاده عشان يفتكون من الخياط و العوار و الاذيه و انا وحده لو ذيج الحزه كنت اعرف هالسالفه جان سويتها مع ولادتي ولا اذية الخياط و حتى لو ما اطلعت 100%

و بالنسبه للاسعار اللي اهم سووها وحده سوتها ب 70 دينار بدار الشفا قبل 5 سنين و الثانيه ما تذكر بالضبط بس تقول بحدود ال 100 دينار بالهادي و طبعا بتقولون ليش الفرق بالسعر

بقولكم لانه اهم سووها مع عملية الولاده يعني شيلوو حساب البنج و الغرفه و الادويه لانهم بكونون محاسبينهم عليها مع حساب عملية الولاده

حبيت اقولكم اللي انا اعرفه و اسمع منكم اللي انتو تعرفونه و اللي ما سوت العمليه تستفيد و اللي سوت العمليه تفيدنا و لها الاجر …