عملية الانابيب والالم والبنج طبعا

السلام عليكم

انا طبعا حالي من حالكم تأخر حمل
والاسباب غير معروفه

والحين بسوي عمليه الانابيب بس الله يرزقكم ويقر عيونكم بالتوأم يارب للي ترى علي

بعرف :

1- العمليه مؤلمه وتستاهل اخذ بنج ولا عادي؟؟
2- انا سويت اشعه مصبغيه من غير بنج والحمدالله على كل حال تعذبت وكان حالي مايعلم فيه الا الله وتعقدت منها فابي اعرف اهي طريقة الانابيب نفس طريقة الاشعه المصبغيه ؟

الله يجزاها الف خير ويرزقها اللي ترد علي

لاحبيبتي اكيد اخذي بنج لانها فيها عوار وانا وحده مجربتها وان شالله تكون فالها التوام يارب

ما ادري والله
الله يرزقج ان شاء الله

السحب لازم بنج اما الارجاع سهالات وبدون بنج والله يرزقج

انا سمعت انه البنج ممكن يسبب خطوره ؟؟ يعني اهو السبب في تسمم بعض البويضات وعدم صلاحيتها ؟؟؟ احترت

يا قلبى فى منتهى الرقة
اشعة الصبغة فعلا تعوووووووور انا مجربتها الله يكتبلنا الاجر
بس عملية سحب البويضات عوارها شوى مو ذاك الزود اذا قارنتيه باشعة الصبغة وانا اكلمج وانا شخصيا وايد حساسة واتعور من كل شى بس هذا راى الشخصى عموما الحين كل عمليات سحب البويضات تتم فى بنج كامل وانا سويتها جم مرة وولا مرة خيرونى تبين بنج كامل او بنج موضعى كله يسوونها فى بنج كامل واظن مالها علاقة بمستوى الاجنة الا اذا كان فيح التهابات ممكن تاذى البويضات وطبعا الدكتور بيكون متاكد انج ما فيج التهابات لما تسوىين العملية

وطريقة عملية الانابيب تتم بمتابعتج بالسونار مع اخذ ابر تنشيط ولما توصل البويضات للحجم المطلوب تخضع المراة لعملية سحب البويضات ومن ثم تركها تتلقح خارج الرحم ومن ثم ارجاعها للرحم بكل بساطه وهالشى يتم خلال يومين الا 3 من سحب البويضات وبعد الارجاع ترتاح المراة اسبوعين بعدها تبين نتيجة العملية بعمل تحليل حمل
واى سؤال انا حاضرة والله يرزقج

ماقصرت الاخت اللي قبلي كفت و وفت

ماسمعت وحده سحبوا بويضاتها بدون بنج
انا عطوني بنج كامل لا تحاتين كلها نص ساعه ويفج البنج
وبالنسبه لي ياني عوار ببطني و صوب مبيضي اليمين
حتى كنت ما اقدر امشي عدل
و تكرمين تنزل افرازات بنيه و شوي دم بعد السحب لا تحاتين

و الارجاع بدون بنج تحسين في ضغط عالرحم بس دقايق و لما تشيل اللي حاطته ماتحسين بشي الحمدلله

و الله يرزقج بالذريه الصالحه يارب

بالسحب لاازم بنج

اما الارجاع مايحتاج لانه مثل السوناار

عسى الله يسهل امورج ويرزقج بالذريه الصالحه

الله اثبته

الله يفرحج يارب ويرزقج

حياتي ماقصرتي جزاج الله الف خير ماتتخيلين اشكثر ساعدتيني الله يفرحج دوم

انتي بعد كفيتي ووفيتي جزاج الله خير يالغاليه

يعطيج الف عافيه الله كريم ان شاؤء الله ويرزقج باللي تبينه

بنت لوده

فلفل

و

درة هلا الطولات

الله يوفقكم على هالردود الطيبه