عمليات الشفط + الشد في مركز البابطين

للرففع عصله ولله الحمد

انا اصبعي وانا صغيره انقص من الباب
وحولوني للبابطين للتجميل وترا اهو شكله الحمدلله والشكر خايس ومأثر على نفسيتي تخيلو اول مادخلت
على الدكتور قالي اقدر اسوي تجميل بس انا مابي يقول انا مخي يقولي انتي مومحتاجة تجميل
تخيلو وبعها بفتره بسيطة شفته بمجلة كاتب انا اسوي عمليات تكبير وشد الصدر قعدت اقول حق امي اي اكيد عمليتي ماتسوى لانها شي مومهم الشد والتكبير اهم وترا اهو دكتور معروف حيل

حبيبتي البابطين صج يسوون عمليات شد وتجميل بس والله يبيلج واسطة عشان العملية

وفي وايد بنااااااااااات سووا عندهم على اساس فتاق

او العملية القيصرية كانت غلط

وتراني ما ابالغ بالحجي

اقولج يبيلج واسطة وشوفي شنو الحجة ولا العذر للعملية

مشكورين للي ردوا علي

بالنسبه للي قالوا يبيلي واسطه انا دقيت عليهم وقالولي اي عادي نسوي لج وقالولي حتى في ناس من الجهرا تجيهم ويسوولهم ببلاش ومن غير واسطه

بس انا اقصد مستواهم مو مثل المستشفيات الخاصه ؟؟؟؟؟؟

عشان جديه الناس تروح للخاص بدل البابطين اللي بلاش ؟؟؟

ما انصحج تسوينها ببلاش حط فلوسج بالشمس واقعد بالظلال المستشفيات العامه تخوف مافي اهتمام مثل الخاص

لا والله في دكاترة ممتازين بالبابطين

دكتور هشام

دكتور جمال عبدالقادر

وفي دكتورة ماني ذاكرة اسمها بالضبط بس اهي دكتورة كويتية

السلام عليكم
أنا عضوه جديده معاكم والموضوع يهمني وايد
أنا ودي أسوي هالعمليه بس شلون؟

يسوونها للحالات المحتاجه
يعني مثلا وحده جسمها حلو و ما في اي عيب بس عندها كريشه صغيرونه ما يسونلها
اما اتي وحد ضعيفه ووالده اكثر من بطن و بطنها صاير جلي و ما يترقع و حااولت برياضه و ما فادها و سوت رجيم و زااد الترهل هذي يسوولها

و دكااترة البابطين ما عليهم كلام و اغلبهم عندهم عيادات خاصه و ايوون البابطين الصبح و المسا يكونون بعياداتهم الخاصه و منهم د عماد النجاده و غيره وغيره وايدين

يعني انتي و حاالتج بس عييبهم الوحيد طوول المواعيد و كثرتها يعني موعد عشان يحطلج موعد و موعد يشوفج الدكتور و موعد يشوف الدكتور الثاني و مو عد حق الدكتور الثالث و موعد عشان يقول وافقوا و موعد وموعد و موعد و بالاخير موعد عشان يحدد موعد العملليه عاد شوفي متى
بس اذا لج بارض و محتااجه للعمليه و ماعندج حق الخاص روحي

مشكوووووووووووره

حبيبتي أصلا أنا وايد أسمع إنهم زينين ومافي أحد شكى منهم بس مواعيدهم جدا بعيده
وإذا إنتي بتقارنين الحكومة بالخاص طبعا لأ لأن الخاص غصب عليهم الخدمة بتصير ممتازة لأنج داخلة بفلوسج ،،فأما الحكومة الله يعينهم على الزحمة وبلاش من غيرماتدفعين ولافلس يعني العملية اللي ممكن تكلفج بالآلاف عند الخاص فعندهم ببلاش

البابطين عندهم إمكانيات أحسن من الخاص بس مواعيدهم بعد سنة

مشكوووووووووووووووووووورين كل اللي ردوا علي

صج حيل فدتوني ماقصرتوا

يبيله واسطه حبي