|
|
قوه بنات
اليوم رحت للدكتوره المفروض عمر الجنين 9 اسابيع يوم افحصت بين الجنين عمره 5 اسابيع وشافت بس جيس الحمل بالبدايه وقالت لي مو مبين الجنين بعدين قالت عمره 5 اسابيع
احد صارله جذي وبعدين كبر الجنين
توني مسووية عمليه تنظيفات
اناا نفسج بالظبط كنت مفروض بالاسبووع ال12 وكانت اول مراجعه لي لاني كنت منشغله بالدراسه ف رحت لان نزل علي دم خفيف لمن رحت عطيت اخر دوررة وقالتلي انتي مفروض الحين بالاسبوع ال12 ولمن فحصتني بالسونار قالتلي عمر البيبي 6 اسابيع بس وماكو نبض قالت راح ننطر لي الاسبوع الياي ونشوف اذا بين النض نعطيج مثبتات واذا لاا نسوي لج تنظيفات وفعلا عقب اسبوع رحت وسويت 3 انواع سونار العادي والداخلي وسونار ثاني مادري شينقال له والنتيجةوحده وطبعا الدم كان يزيد يوم عن يوووم وبسسس قررتلي عمليه من باجر وبنفس اليوم حاشني نزيف
ف انا انصحج اذا قالتلج تنظيفات لاا تنطرين على طول سويها علشان ماتبهذلين نفس ماتبهذلت انا
والله يعوضني ويعوضج ويعوض الكل بالذريه الصالحة
والحمدلله ترى بالامر خيرة وهالجنين يصير شفيع لج يوم القيامة ويدافع عنج عند رب العالمين
وطمنينا عليج حبيبتي بكل الاحوال
بس موشرط يالغاليه ان يكون جذي ان شاء الله يكبر ومافيه الا العافيه
لاتحاتين
النفسيه تلعب دور :/
طمنينا
الله يكتب لك الي فيه الخير يارب
على الجـــــــرح والله
حبيتي انتي نفس حالتي ولا ادري شاسوي ..
متكدرة وضاااايق خلقي حيييل
هذا اول حمال لي .. وعلى حسبتي من اخر دورة لازم الحين اكون بالاسبوع الخامس ..
اول مرة رحت المستشفى قالولي انا بالاسبوع السابع وعطوني موعد بعد اسبوعين
ولما رحت قالو لي انا همن بالاسبوع السابع !! وعطتني موعد بعد اسبوع ..
وقبل 3 ايام لما رحت قالولي للحين بالاسبوع السابع وكانوا يبون يسوون لي سونار داخلي بس مارضيت
سألوني اذا نزل علي دم قلت لهم لا .. قالولي ولا حتى شي بني بسيط قلت لهم همن لا !!
قالت لي بالسونار الداخلي يبين بس انتي ماتبين بس اللي نقدر نقوله لج ان 50 بالمية حمالج اوكي
و50 بالمية راح تسقطين !! وطلبت مني اسوي تحاليل حمل بس صكت بي الدنيا ولا رحت المختبر على طول ع البيت !!
على طول طلعت من عندهم رحت لعيادة خاصة لمن شافتني الدكتورة قالت لي يبين عمر الجنين بالاسبوع السابع والكيس بالاسبوع الثامن !! ومفيه نبض والبيبي ميت !!
قلت لها اكيد قالت لي اي مافي نبض وهذي الحالة تصير وايد 60 بالمية من اول حمال يصير جذي وكتب لي ورقة للمستشفى عشان التنظيفات ..
وهذاني الحين رابع يوم لا رحت المستشفى ولا سويت تنظيفات ولا حتى نزل علي دم !! ومو هاين علي قلبي .. حاطه امل يكونون مغلطين ..
اختي قالت لي بحمالها بولدها قالو لها مافيه نبض و وكتبوا لها للتنظيفات بس كانت مشغولة بالدراسة فماراحت الا بعد 10 ايام الموعد طلبت منهم قبل يسوون لها السونار .. لما سوته بان النبض !! ( سبحان الله لا اله الا الله ) !! والحمدلله تم حمالها على خير……! الله يخلي لها ولدها ياااااااااااااااارب
وان شاء الله بكرة راح اسوي تحاليل الدم وبسألهم عن تحليل هرمون الحمل يقولون يبين منه اذا كان البيبي حي والا ميت ..
ادعو لي بنااااااااااااااااااات ..
ان شاء الله هم انتي مافيج الا العافية وربي يتمم لج حمالج على خيررر ياارب
ونفس الشي اختي من السونار الداخلي باول فترة حملها طاح واهيا عساس حامل قومي ويقولون لها سافري كيفج كل شي زين يوم سافرت امريكا نزل عليها دم واهي بعد ماتطيع بس تمشي وماتدير بالها على نفسها لين نزل عليها دم اتصدقون قالو لها اذا البيبي اضعيف لا تسوين تنظيفات لان اهو بيطيح وصج عططوها بسحبوب تخفف الالم