|
|
آنا صارلي سنتيم وآنا اراجع بالجلدية مرة حكومة او مرة خاص عشان مسماري اللحم
او كل مرة يكوونه لي او اظل اعري جم يوم او الم بدون فايدة والمسمار الواحد صاروا مسامير يم بعض
بس تعبت
ذاك اليوم رحت الحواي او قتله ابي علاج
قالي اخذي لزقة عنزروت او دقيها شوي بالهاون ختصير بودره
او خلطي شوي منها مع الماي تصير لزجة او حطيها فوق المسمار مرتين باليوم او حطي فوقها لزاق الجروح عشان لاتوصخ الدنيا
او بالفعل الحين تقريبا صارلي شهر او نص مواظبة
والله انه تقريبا 95% منه راح او ليلحين مستمرة لمن يروح نهائيا
او قلت افيد اللي يعانون نفس مشكلتي
ان شاء الله بجرب شورانا احنا
طماط بس احس يسيح ويصير لوية 
مشكورة يالغالية
|
المشاركة الأصلية كتبت بواسطة مع حبي
 جزاج الله خير أنا نفسج وحيل يتعبني هالشي لدرجة ماقدر أمشي من الألم والطبيب سوالي كوي ورد مره ثانيه بجرب نصيحتج وبدعيلج
|
الله يشافيج ان شاء الله
او تفتكين منه 
|
المشاركة الأصلية كتبت بواسطة a7La_3eMeYa
وااااااااااااااااااااااااااااي ذكرتيني ايام الثانويه واي واي واي كل شهر اروح يجوونه لي جوي بارد 6 اشهر افف و ماراح اخر شي مليييييت شسويت لقيت بالجمعيه لزقه مال مسمار لحم حطيته عليييه لوول و طاح والله افتكيييييييت الحمد الله الله لااااا يعووووده قطييعه حاسه فيج انا واحد و صوب بع ريلي الصغيير و عواااار ماقدر امشي بس ترى في انواع مسمار لحم انا مادري ماعرف انواعه… الله يشافي روييلاتج حبييبتي
|
مشكورة حبيتي ما تقصرين 
الله يشافي الجميع
لما رحت الطبيب
اخترعت
قالت هذي حديقه لوول
المهم قالت لي كل اسبوع تيين تجوينهم
والحين صارلي شهر يمكن
خفوا بس ماراحوا
وعطوني دوا احطه لمده اسبوع مرتين باليوم
بجرب وصفتج بعد
يمكن تنفع وتسرع العلاج
|
المشاركة الأصلية كتبت بواسطة ورد الاوركيد
اختي انا كان فيني 13 وحده وتميت جم شهر ادويه وماكو فايده لما رفيجتي نصحتني بالثوم وحده بوحده الحمدلله راحوا كلهم . تاخين شريحه ثوم وتحطينها عالمسمار وفوقه لزاق ( اللزاق بالصيدليه مثل مال الدريب ) وتخلينه متواصل ليما الليل والليل تسوين مره ثانيه وتنامين فيه يعني مرتين باليوم ما صار اسبوع الى اهمه مختفين ( :
|
صح لسانج يا ورد انا اؤيد هالمعلومة و مجربة و انشالة فيها الشفى .gif "Eh S(15)")
و الله يشافي الجميع
والله يشفيج حبيبتي