علاج لغازات الطفل الرضيع ؟؟؟؟

السلام عليكم ..

مرحبا امهات ..

عساكم بخير يارب ..

ياليت تفيدوني بأحسن العلاجات لغازات الطفل الرضيع " الهوا "

سواء أعشاب او غيره و ابي شي سريع المفعول لأن بنتي حيييييييل تعبانه من الغازات ..

عساكم عالقوة ..

اهلين حبيبتي ..

عليج بالينسون الاعشاب والكمون تغلينهم وتحطينهم بمطاره وضيفي عليهم علج البان حبه وحده صغيره وعطيها رضعه باليوم ينسون وشوفي شلون ترتاح ..

الشغله الثانيه في دوا بالصيديه اسمه Gaz Bimbi

او الهمالايا وايد ممتاز بعد ..

وهم عليج بالمرقدوش بالجمعيات الي نفس ماي اللقاح وايد مفعوله سريع بعد ..

تحطين نتفه بالماي مالها وخليها تشربه بعد كل رضعه ..

وماتشوف شر يارب

ماي ريب من المستوصف

وينسون اخذيه من العطار او الجمعيه وفووووحيه بماي لين يسوي وبالرضاعه وسلامتج

يمدحون الحبة الحلووه تجي نفس قرشه المقردوش عليها صوره بيبي

gas bimbi من الصيدلية او ماي غريب المستوصف

ينسون مع حبه حلوه حطيه بغوري وخليه يطبخ بعدين شربيهاا
او ضيفي عليه قطعه من علج اللبان وخليه يطبخ معاه

وعندج دوى gaz او الهمالايا وايد زين انا عطي ولدي ثنينهم مره الصبح ومره بليل بس بعد الرضعه

وماي الغريب مال المستووصف وايد زين ..

ماي غريب
وينسون

انا كل اللي قالو عنه البنات جربته ومافاد مع ولدي ورحت حق د محمد سعيد عطاني دوا اسمه سالينال وحده بوحده صج صج ارتاااااح عليه ولدي كان لمن يشرب حليب يصرخ ويبجي وغصب يشرب لمن تطلع روحي الحين الحمدالله استعملته بس اسبوع وصاااار مشالله زين

جزاكم الله خير خواتي ما قصرتو

و اغلب اللي ذكرتوه جربته و للحين مو مرتاحه بنتي ..

up

up

up

حبوبه هذي شي طبيعي لغاية 4 شهوور كل الدكاتره راح يقولولج نفس كلامي بعد اربع شهور معدة الياهل تكتمل و تروح الغازات كل الي اذكروه الخوات ممكن يقلل بس ما يخلي الغازات اتروح خليها تنام على بطنها و طلعي الهوا عدل بعد ما اتشربينها الحليب و اذا شفتي حالتها وااااااااااااااااااااااااااااااااااااايد مو زينه او قام يصير فيها اسهال او امساك وديها الطبيب و مالها الا اعافيه

في دوا اسمه دسفلاتيل وايد زين عطيته حق ولدي يوم كان بالنفاس

الغازات بأول اشهر عادي
في ادويه بالصيدليه تنفع …
انا كنت استخدم ديسفلايتل ، وايد زين
بس لمن كملت 5 شهور كنت اعطيها مره باليوم حبة حلوه
وحاولي ان تسويلها مساج خفيف على بطنها ومعدتها بزيت زيتون دافي
وانشالله ماكو الا العافيه

الله يعين اليهال

انا استخدمت بونيسان مال الهمالايا اكثر شي ناسب ولدي

اهم شي الحليب لا تشربينها اياه باااارد يزيد الغازات ودهنيها بزيت زيتون دافي ودفيها راح ترتاح دهني بطنها عكس عقارب الساعه وادعييلي وعطيها ماي غريب يريح ولبسيها دلاق والله يشفيها

10 مل ماء مغلي و خليه يدفى
5 مل ماي غريب
1 مل قطور ديسفلاتيل
اخلطيهم مع بعض و عطيهم لبنتج و ان شاء الله راح ترتاح