علاج ترهلات البطن عند فوزية القطان او دلال التركيت او قنال الصايغ

بنات انا صج محتارة وين اروح لعلاج ترهلات البطن

انا دكتورة فوزية القطان ولدتني و توه قبل جم يوم شافت بطني عقب رالولادة بشهر ونصحتني اسوي جلسات عند الجلدية فوق عيادتها

انا الصراحة محتارة بين اروح عندها

ولا عند قنال الصايغ لان سمعت قنال بالتلفزيون تقول عندها حل لشد البطن عن طريق
النحت بالليزر او شي جذيه

ولا اروح عند عيادة دلال التركيت

انا اقولكم ليش محتارة

اولا حبيت اسوي عند فوزية عاشان اضمن ان الجلسات ما تؤثر على الرحم لانها دكتورة نسا

وأفضل دكاترة الجلدية لانهم ادره بشغلهم وادره بالجلد وطريقة شده

فاشرايكم يا بنات

الي مجرب اي شي ياريت ينورني

نصيحه من وحده مجربه جلسات المساج
انا جربته للعلم مو عندها جربته عند فيلا روزي
من الناحية الجسديه انا منطقه الافخاذ اهيه مركز السمنه عندي و بطني كبر بس مو وايد
فلما سويت الجلسات اهيه بلسانها قالت لي شوفي بطنج راح يروح و كأنه ما كان لج بطن اما الفخوذ هذي مسأله وراثيه و لو شنو ماراح تصغر اكثر من مقاسها الطبيعي و صج هذا الي صار يعني بطني انشد و رد زوين انا الفخوذ محلك سر و لا تحركت الا بالرجيم و الرياضه و لا بعد ترهلو ما اردي ليش صارو مو نفس قبل المساج اذا متنت يكونون مشدودين لا الحين مترهلين و يضيقون الخلق
هذي تجربتي و انتي و راحنج
اذا كانت منطقة البطن وراثيا انتي تكون مركز السمنه فيها لا تسوين مساج و اجتهدي بالرياضه و الرجيم و ترى آثار الولاده ما تاخذ اكثر من 6 اشهر و تصيرين نفس الاول بشرط الرياضه و الرجيم المغذي

زين بجم سويتي جلسات المساج هذه ؟؟

ولا وحده كله حجي فاضي بس خساير انا فوزيه خت 300 ومن اختي 500

شوفي حبيبتي أنا بقولج عن تجربتي الشخصية 00أنا كنت مسويه عملية منظار للمبيض وقبل لاادخل العملية كان بطني داخل بظهري والله ولما طلعت بالسلامة بطني صار يخرع من كثر الهوا اللي دخلوه في بطني وبعد العملية اضطريت أقعد بالبيت شهر تقريبا لأن العملية كانت تعور فزاد شويه وزني 000وبصراحة انا كل شي ولا جسمي يخترب 00فبعد اربع شهور من العمليه رحت لمعهد الفاء الصيني الصحي اللي بالسالمية والله العظيم لما خلصت كل جلساتي ورب الكعبة إن جسمي رد مثل أول وأحلى شي عجيب ما تصدقين خيال 000بس مشكلة المساج إنج لازم تستمرين عليه يعني تسوين شهر وترتاحين شهرين تقريبا وتسوين شهر وهكذا عشان إذا انتي من النوع السمين راح يفرش جسمج غذا تركتي بس والله لو تشوفين النتائج والله يسوى وكان سعرهم حلو بذاك الوقت كان 15جلسة يمكن 120 بس الحين مع الغلاء اللي صاير ما عرف جم 000بس فعلا أنصحج فيه

عبقرية كويتية سويته ب 80 لل 12 جلسه و سويته 3 مرات و بصراحه ماراح اسويه مره ثانيه احس الرياضه و الرجيم وايد احسن و هذي وجهة نظري

للتوضيح 3 مرات اقصد فيها 12+12+12 جلسه يعني 36 جلسه حزتها وايد فرق جسمي بس من خليته و صارت الامتحانات رد مثل الاول بعد 4 اشهر بالضبط و التمام و صار شكل الفخوذ مترهله مو مشدوده مثل قبل و احس نفس في كتل غريبة ما ادري ما حبيت الاحساس هذا و من بعدها قلت توبه ماراح اسوي مساج عندي اسوي عملية شفط و شد عند دكتور شاطر و لا العب بنفسي ند هواة ما يعرفون راسهم من كرياسه و لا يقولون لنا التأثيرات الجانبيه حق المساج

شيوخة بليز قولي لي ما عليح امر شنو سويتي انتي واختج عند فوزية… شنو صار معاج بالضبط.. عاد انا كلش ناوية ادفع 300 علشان اشترك.. وقالتلي راح تردين مثل اول

لشد البطن احسن شي الثيرماج

ودشي على قوقل وشوفي البلاوي شي شي

نتايجه خطيره بس السعر ايخرع !!!!!!!!وايد الجلسه ب1200 دينار وجلسه وحده كافي

بس احس وايد احسن من العمليات>>>>وجهة نظري