علاج الفطريات اللي تطلع بالفم نتيجه الحراره؟؟

قوه بنات

بنات منو تعرف االعلاج حق هالفطريات؟؟؟ تعبت منها حييييييييييييييل طالعلي على لساني وشفايفي صايرلي 10 ايام مااكل

بس اشرب ماي هالحبوب طلعتلي لان قبل اسبوع وصلت حرارتي 40 ودخلوني المستشفي وليلحني بالمستشفى ماطلعت

الحرراره راحت بس بلاعيمي ملتهبه

وقالولي الدكاتره ماتطلعين الا لما تخف التهاب البلاعيم

والتهاب البلاعيم مايخف الا لما اكل

وانا مااقدر اكل عشان الحبوووووووووووووووووووووووووووووووب

هييييييييييييييييييييييييلب تعباانه حدي

حبيبتي سلامات وما تشوفين شر وطهور بإذن الله

رفيجتي كانت مثلج … تقول على الله ثم على المره

تنقعها بالماي وتتمضمض

مشكوووره حبيبتي

وانشالله بجرب المره

تسلمووووا على الموضوع والله حبيبتي أنا بعد صار فيني التهاب في البلاعيم بس الله الله لا يعود الأيام اللي صار فيني جذي تعبت واايد و كنت مسافرة بالصيف عاد من أول السفرة لمن رجعنا كلا نايمة بالطبيب حنا باريس و لندن مستشفى باريس ماعرفولي من شنو وحاولو ماكو فايدة وكنت ما اكل ولا شئ أحس أبي اكل بس ماأقدر وحتى الشراب غصب لي درجة إني نزلت أكثر من 5 كيلوات ولندن واييد أحسن عرفولي وصرت أحسن . بس صج إلتهاب البلاعيم الفطريات وايد يتعب .

تمظمظي بمغلي قشور الرمان

عليج بالفيمتوووووو بس من غير لاتخلطينه بمااي

يعني حاولي تمررينه على كل الفطريات وتشربينه بس اكر من غير ماي

وماعليج الا العاافيه يااارب ترى انا اسوويها حق عيالي .. والله يشفيج يارب

الله يشافيج ومثل ما قالوااا البنات عليج بنقوع المرة حده زين..

مرحبا خواتي … انا بقولج عن معاناتي مع هالسالفه,, اولاً لحقي وعالجي الفطريات بسرعه ولا بتتأذيييين مثلي بعيد الشر عنج.. الفطريات هذي تصير من المضادات الحيويه,, لأنها تنشط الفطريات وتقتل البكتريا المفيده بالفم والبلاعيم.. واذا اهملتيها ممكن توصل للامعاء وهني عاد تعالي رقعي وصيري مثلي من دكتور لدكتور!!

اولاً وقفي المضاد الحيوي او اخذيه لحد ماتتعافى بلاعيمج,, عقب ماتوقفين المضاد اخذي جل مخصص للفم وللفطريات اسمه daktarin طعمه حلوو

تاخذين منه شوي وتدهنين فيه الفم وتخلينه لمدة دقيقه بعدين تبلعينه,, مايمر عليج 3 ايام الا والحبوب وطبقة الفطريات رايحه باذن الله