عقب اللي صار قررت اكتب سالفتي .() ماني عارفه

السلاااااام خواتي شلونكم

بادخل بالسالفه على طول لانها توها صايره صارلها ساعه تقريبا بس بالاول بعطيكم نبذه مختصره عن سالفتي

الله يسلمكم انا زوجي انسان حجر (( يغاااااار وايد وايد )) و هذا شي عادي و رياييل وايد يتصفون بهالصفه و احيانا الوحده تتضايق و احيانا تتعود و احيانا اخرى تطنش

بس احس مرات زوجي ينظر لي على اني اخته او تقدرون تقولون بنته

يعني على سبيل المثال لا الحصر برمضان ياتني تكرمون الدوره و كنت قاعده اكل اهوا تعجب شلون تاكلين جدامي قلت له عادي خو انت زوجي يقولي مادري بس انا ولا مره شفت خواتي ياكلون جدامي ؟!؟!؟!؟!؟

بالله انا شكو بخواته بهالسالفه ؟!!؟!

و هم مثال مرات اتغشمر معاه غشمره خاصه بين الزوج و زوجته ما يرضى ؟!؟!؟! عنده شلون اتكلم جذي شنو قلة الادب هذي ؟؟ انا زوجته شلون جذي اتكلم ؟ّ؟ّ

و هم بعد مثاااااااااال مره قلت له ابي اشتري عمود حق السترب تيز تصدقون ما رضى لوووووووول لالا مو جذي عااااااااااااااااااااااااد الظاهر خايف اني اغريه و يرتكب معاي الحرام

و الاسبوع الي طاف اختي دازتلي ايميل في نكت وصخه .. قلت له تبيني ادز لك ايميل في نكت وصخه ؟؟ يقولي منو دازلج ؟؟ قريتهم ؟؟ يالله حذفيهم بسرعه لا تقرينهم ؟؟

و اخر موقف صار و علشانه نزلت الموضوع الي اهو اليوم

شاريه مسرحية طارق العلي خاربه خاربه على اساس نشوفها .. و انا قاعده اطالع و ميته ضحك و اهو يطالعني بحقد شلون اضحك على شي وصخ و بنص الاندماج جان يقوم ياخذ السي دي و يكسره
و لا زعلان مني رايح ينام ^^ بالله انا شكو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اوف اوف مو قادره اتحمل جذي ملاقه شنو انا زوجتك يعني عادي ليش جذي يعاملني جني اخته ؟؟؟؟؟

و تدرون شنو المشكله ان ايام الملجه و اول زواجنا ماكان جذي كللللللللللللللللللللش كان يبيني ما استحي كلللللللللللللللللللش يبيني وحده فاصخه الحيا و بعد مرور 3 سنوات من الزواج صار العكس تماماااااااااااااااااااااااااااااااا لييييييييييييييييييييييش

ودي ادخل داخل مخه و اعرف شنو تفكيره احس وده اصير مثل خواته دينه و محترمه حتى وانا معاه بروحنا ؟!؟!

احس اني مو عارفه اشرح المشكله عدل لاني الموقف توه فريش و انا ظايق خلقي عالمسرحيه ودي اشوفها لوووووووول

بصراحه كان ودي من زمان اني اكتب مشكلتي الغريبه بس اقول ماله داعي بس موقف اليوم و الي سواه بالمسرحيه خلاني افضفض لووووووووووووول

ههههههههه

مشكلة زوجج
يغار
ويبيج
سنعه على طول
ويبيج مثاليه

عادي
طوفي
وعيشي بالطريقه اللي تريحكم اثنينكم

حبيبتي انا احس اني فاهمه ريلي اقولج شلووون

ريلج بوقت الجماع يمكن يحب انج تلاطفينه بكلامج انتي الي طالع من قلبج وتقوولين له كلام حب عادي

بس والله مايرضي تقريبن نكت وصخه او اذا طارق العلي قط كلمه وصخه انتي تقومين تضحكين عليه صح من حقه يزعل الصراحه

ومن ناحيه خواته مايقارنج فيهم يعني ها انتي مثل اختي

هو مستغرب يمكن عنده كل الحريم ماياكلون جدام ريال برمضان وقارنج بخواته لان عايش معاهم اكيد

بس تدرين مكروه تاكلين جدام صايم لوووووووووووول ادري مو وقت محاظرات ههههههههههههههههههههه

بس سمعي الحين طول هالاسبووع فنووووون عارضين المسرحيه والله باليوم يعيدوونها 3 مرات ليش ماشفتيها ههههههههههههههههههههه

:

حبيبتي الله يعنيج ياقلبي .,

بسسسسسسس عادي يمكن تغيييييييييير ,,

دام تقولين قبل الزواج غييييير ,, يمكن بداية تدين
او قعد مع جماعه غيرت من اطباعه ,,

لان عمي بالضبط نفس مشكلتج ان عادي
وتغير فجأة ونفس ريلج بالضبط
بالحجارة و الزعل .. شوي شوي الا صار مطوع ,,
يعني ممكن مثلة وممكن لأ ,,

انتي اللي عليييييييييج كلمية قوليله كلام بخاطري ودي تسمعه
ممكن تعطيني دقيقتين من وقتج ,,
عاد انتي استغلييييييها وقوليله ,, كل اللي بخااااااااااطرج

وفهمي انج انتي برا البيت راح تكونين على امرة
باللبس والحركات والصوت والضحك

لكن بالبيت .. هذي مملكتج اللي انتي تاخذين فيها حرييييييتج ,,

والله يهدي سره
ويوفقكم يارب ويبعد عنكم كل عيييييييييين ,,

انا قلت ان ما كان جذي مادري شصار له ؟؟
انا الي اعرفه ان الريال يحب زوجته تكون دلوعه و مغريه و حلوه مو محترمه و دينه برا البيت اي طبعا بس مو معاه !!

لووووووووووووول مذهله فنون ما تطلع عندي و بيوم يمعة بيتنا شفت شوي منها عجتني و شريتها علشان نشوفها مع بعض

و اذا على سالفة ما يصير اكل جدامه اوكي صح بس انا عايشه بشقه نتفه وين انخش اكل ؟؟ ميته يوع

و تصدقين احس لو ان خواته مثلا مثلا يقطون نكت و صخه عنده عادي بس انا لا ؟!؟!؟!

و في موقف مره كنت لابسه بجامه و اول زرار كان مبطل وولدي صغيرونو عمره سنتين بس لي الحين تفكيره تفكير بيبي يعني اسم الله عليه مو فطين المهم ولدي واقف يمي قاعد يطالع يقولي …. انتي شلون جذي لابسه جدامه يالله تغطي !!! اقوله شفيك ترى ولدك لي الحين ياهل ما يفهم حتى لو ولدي شدعوا يعني مو لابسه شي فاضح !!!

الله يعينج بس يبيلج وقت على ما يتسنع مع الوقت راح يصير شي عادي

الله يعينج قلبي مالج الا الصبر وانج ما تتنرفزين من هالسالفه وسوي اللي يريح ريلج

مشكورين على الردود

نورتوا والله

المسرحيه بيوتيوب هههههههههه السالفه هينه
بس ريلج يحب يشوفج الزوجه البريئه المثاليه
الله يعينج ويوفقج حبوبه ويسهل امرج
وعلى سالفه رمضان اكلي يالغاليه بعد بروحه شقه صغيره لازم تأكلين

كبري دماغج

طوفي

ترا المسرحية وصخة صج ومايلام ريلج غيور ورجال يغار علىيج

والنكت ترا مايجوووووووووووووز يامسلمين مايجوز وبعد وصخة >> صراحة زوجج راقي ماشاء الله !!

اما الباجي يمكن انتي غاثته شوي فصعونة حيل وبزياده ووده يحس انج تستحين منه وهو الجريء لوووووووووووووووووول

حاولي تغيرين الطريقة عشان هو يحس بجرأته اكثر منج

بعضهم يبي مرته حياويه ومو اي شي تقوله يبيها بالفراش فاصخة الحيا وبرا الفراش بيبي

رربي يسعدج انت وياهي يارب

اعتبني غروري ادري انها موجوده باليوتيوب بس قلت نشوفها مع بعض يعني بسوي اجواء عائليه و بصراحه ماحب اطالع بروحي و اضحك بروحي جني مينونه لوووول بس بيني و بينكم هذي مو اول مسرحيه يكسرها كسر من قبل مسرحية ما يصح الا الصحيح هم مالت طارق العلي لووووووووووووووووووووووووووول المشكله ان يزعل مني انا شكو انا مؤلفة المسرحيه ؟؟

و سالفة رمضان مو مشكله اكل و الا ما اكل بس مشكلتي ان ليش يقارني بخواته شكو ؟؟

و ثانكيو قلبي على مرورج الحلو

اكبر من هالدماغ بعد اخاف لي كبرته اكثر من جذيه ما يدش راسي

اتغشمر بس والله مكبرته و ما كلمته ولا كلمه بهالسالفه