عفيه لكم الجنه انشالله اللي تردون

خواتي عندي مشكله للنقاش واستفسار يمكن بهالوقت الاغلبيه تعاني منها

شتسوين لو طحتي على زوجك يدخل مواقع اباحيه بالنت
شنو رجة فعلك؟؟؟؟
بتواجهين؟؟ بتسكتين؟؟؟ وشنو الحل
خصوصا لما يكون مسوي مثالي ومصلي

والله عندي ثنتين نفس المشكله وموعارفه شقولهم اخاف اخرب بيتهم بس فعلا مشكله فحبيت اعرضها للجمع علشان نعرف لاقدر الله لو وحده واجهت هالموقف شتسوي؟؟؟؟؟؟

عفيه اب

و الله شوفي يا الغالية لا تصارح زوجها انها عرفت بس خل تضربله امثله
في الدين و ان وحدة من رفيجاتها جكت ريلها والا انقطع رزقهم بسبة هالاشياء و الصور
يعني تييبله قصص
و اذا مافاد تحاول تكلم احد كبير من عايلته
بس من غير لايدري ان اهي الي متكلمة يعني نصيحة
و اذا مافاد خل يولي
وحسابه عند ربه

مشكورة شقرديه بس صعبه تكلم اهله؟؟

مثل ماقالت اختي كويتيه شقرديه

وتضيف عليها انها تقط نقزات على مساوئ المواقع الاباحيه …او انها تقوله كأن السالفه صايره حق وحده

تعرفها وشنو ترتب عليه من خراب بيوت وجذيه يعني …

والله المشكله فعلا ماهي سهله او هينه والواحد اذا ادمن على هذه المواقع صعبه الحل معاه

لكن ماعليها الا الدعاء له بالهدايه

تكلم ابوه اخوه العود
شتسوي يعني
او مثل ماقتلج تضرب امثله
والا تدرين و الله خل تخرب الاب توب من غير لا يدري
تكت عليه ماي عصير اي شي
وجنه ماتدري

يااعمري ودي افيدج بس للاسف هذا حال اغلب الريايل الحين حتى لو نصحناهم ولا قلنالهم الي براسهم يسونه اذا على قولتج مصلي ومسمي ويعرف غلط ويطالع بيي بيخاف انه مرته تدري ولا لاا

اعرف وحده ريلهاا دين ومن مسيد لي مسيد وينصح وتقول لي لمن اقول له ريل فلان ولا ريل علان يقول لهاا هذا مو متربي ومايخاف ربه وبالاخير طلع ريلهاا عنده سوالف وخرابيط بالنت !!

انا اقول يا انها تواجهه وتحط حد او انهاا تسكت وتمشي الامور طبيعيه

للرفع
الاحسن بس انه ما يعرف انها صادته

اوافق شقردية بشغله وحده انها تضرب له امثال بالدين وهالشي حرام عن طريق السوالف ولا تبين له انها تدري عن شي

بس لا تخرب اللاب توب يعني اذا اخترب مافي غيره وبعدين بيعاند

وشغله ثانيه لا تقول حق اهله مو حلوة بحقه يعني الريال باجر بيحقد عليها لازم المرا تصير مثاليه ايه تحل مشاكل مثل هذي مو تروح تفضحه على ابو انها تبي تحل المشكله تزيد الطين بله

لا حبايبي انا ضد انها تسكت و تسوي نفسها ما شافت شي … ماصارت الصراحه كل ما صارت مشكله سببها الريال تقولون طوفي و جنج ما شفتي شي .. لي متى يعني ؟؟ الريال نوعه يتمادى و ما يرده شي الا لما ينقرص

فلازم المواجهة و تواجهه باللي شافته عليه .. و اذا قلب السالفه عليها و انها ليش دورت من وراه .. المفروض انها تسكته لأن اللي اهوا مسويه اكبر و اعظم من اللي اهيا سوته
و اللي اهوا يسويه حرام و شي كبير و يستأثم عليه .. اما اللي اهيا سوته عادي و ما تستأثم عليه

و وايد رياييل يسوون نفسهم بطلوا بس يردون مره ثانية حق هالشي .. و هني دور المره لازم اتم تنصحه و ان هالشي مو زين حقه بالدرجة الاولى .. و ان اهوا يرضا اطالع هالاشياء ؟؟!!

شسوي

ولاشي
فيه فضول ونقص وازع يديني
مدام من وراي يعني يدري انه غلط وقاعد يخالف ربه وخلوه يعيش صراعه بنفسه وتانيب الضمير يذبحه ويتوب خل يجاهد نفسه
ان كلمته بيعاند وبيركبني الغلط مو كويتي؟ شنو تتوقعون! يطيح علي راس المره ويقولها اسف
بيعفس الاكو والماكو ويتهاوش وياها ويطلعها غلطانه
وبعدين تنبيه
بنات انتو ناسين احنا باي زمن؟
شنو تتوقعون من الرياييل؟ وةالنت مفتوح جدامهم ترا احنا بزمن جهاد النفس
لاتستبعدون هالشي علي الرياييل
يعني متوقعين اذا سمع رفيجته يسولف واللاب توب جدامه ومرته مو يمه
ابليسه مايسيطر عليه؟
اكيد!

لا تكلم اهله لو شنو يصير لان اذا درى بيلعن خيرها
لو انا مكانها وبكل صراحة
اقعد معاه بهدوء وابتسامة
واقوله حبيبي انا ادري انك تسوي كيت وكيت وحز بخاطري حيل
واحس ان قلبي انجرح جرح كبير
وصرت ما انام الليل بس ابي اعرف انا بشنو مقصرة معاك
واذا اعتذر اقوله راح اسامحك بس هالمرة واذا دريت انها صارت مرة ثانية ماراح اسكت ولا راح اتحمل هالصدمة مرة ثانية ابد
من صجي عشت الدور خخخخخ
ولا تنسين هذا رايي فقط لا غير

انا معاها بكل كل كلمه خل تسوي قصه على ساالفه ان وحده من رفيجاتها صاار جذي معاها
وطلقت
يعني تخرعه شوي
عسى الله يهديهم

ياجماعه الخير
ترا سالفه "رفيجتي وريلها واااااااااااااااااااااااايد مااخوذ خيرها وكل الرياييل يعرفون لما الوحده تقول رفيجتي وريلها يعني انا وانت"