عطوني رايكم بهالفكره "الكل يدش بلييييز"

الموضوع اللي حاطته يخص رفيجتي وابيكم تساعدونها بلييييز ..

الله يسلمكم ملجة رفيجتي بعد اسبوعين حلو ..

فقاعدين انا وياها نخطط حق هاليوم وشنو الترتيبات اللي بتصير و وشنو الزفه
اللي بتحطها ومن ويين بتييب بوفي العشا .. وعاد واحنا قاعدين نتناقش ..

فطوم : كلير تصدقين في فكره كافخه براسي " خخخخ حلوه كافخه" وودي اسويها
بملجتي بس خايفه الناس تضحك علي ..

كلير : الله يغربل ابليسج شناويه تسوييين !! خو اعرفج مو صاحيه وتحبين الافكار الفصله ..

فطوم : لا لا والله هالمره فكرتي غير ووايد حلوه بس مادري اذا بتعجبهم ولا لأ ..

كلير : الله يستر من افكارج .. قولي وعقب يصير خير ..

فطوم : اوكي بس لا تقاطعين نطريني لين اخلص

كلير : ان شا الله عمتي

فطوم : شوفي حجيه "مادري عيوز جدامها" .. انا ما ودي البس نفنوف سهره ولا نفنوف
ابيض .. بخاطري تكون ملجتي على طريقة ايام اول .. يعني البس دراعه كشخه والبس
مضاعد ذهب و احط هاذي شيسمونها اللي عالراس .. اي اي الهامه .. انزين .. وريلي
طبعا دشداشه وبشت بس راح اقوله يحطله قفل بس مو خفيف .. علشان يبين جنه من ايام
اول "انهبلت رفيجتي" .. وحتى اللي يقدمون العصير والحلو بلبسهم لبس شعبي .. هاااااا
شرايج بأفكاري الخطيييييره ؟؟

كلير : كاااااااااااااااااااااااااااااااك وربي مينونه .. شاللي خلاج تفكرين جذي ؟؟

فطوم : تبين الصراحه .. من جم يوم حلمانه بمسلسل الفريه "شكو مادري" وجني انا
بومبارك و ….

كلير : لوووووووووووووووووووووووووول .. بس بس خلاص مو قادره بطنيييييييييييي .. ويعة
يدي انتي شماكله قبل لا تنامين .. شهالاحلام اللي مثل ويهج !!

فطوم : يا ربي بعد هالشي مو بيدي !!! يالله هبلووو قوليلي شرايج ؟؟

كلير : والله فكره مش بطاله بس يبيلها جرأه ..

مشكورين حبيباتي وما قصرتو على مشاركتكم ..