|
السلام عليكم و رحمة الله و بركاته
أخواتي الحريمات النحيسات
و النحاسة اللي انا ابيها بها الموضوع هي احلى نحاسه في العالم
طبعا كلنا نعرف ان النحاسة مو زينه , و النحيس الله ما يوفقه
بس بها الموضوع احنا بنصير نحيسات على ( ابليس ) !
اي ابليس
مو هو عدو الله ؟؟
مو هو عدونا ؟؟؟
قلعته !
يتحملنا عيل !
هذا الموضوع راح نجتمع فيه يوميا ان شاء الله اجتماعات النحاسة الايجابية
علشان نتفق على خطط النحاسة على ابليس , و اشلون نرفع ضغطه كل يوم و نتفنن في بط جبده ,,
موضوعنا : وناسة + و أجر + و نحاسه على ابليس
كل يوم ان شاء الله راح نتفنن و نرفع ضغطه ونسوي عكس اللي يقوله لنا , يوسوس بشي , احنا نسوي عكسه
مو بس جذي ,
الموضوع هذا راح نطلع فيه فضايح ابليس كلها ااااا
يعني : لما يوسوس لج بفكرة غلط ويحاول يخربطج , تعالي قولي لنا شنو قال علشان نغسل لج شراعه و نخليج ما تسوين اللي هو يبيه
و اذا حققتي انتصار عليه , تعالي قولي لنا … علشان نتشمت فيه ههههههه
عاد اللي فيها مثلي نحاسه على ابليس تسجل ويانا
بإذن الله كل يوم راح نتفق على بلوى نسويها بابليس و نخليه يفرررررررررررك من الحرررررررررررره
و نوريه الشغل عدل !!
مو هو عدونا ؟؟ و عدو الله ؟؟
مو هو يبي حياتنا تصير زفت ؟؟
مو هو يوسوس للناس يخليهم يضروننا و يخربون علينا حياتنا ؟؟
عيل خل يتحملنا
ان شاء الله اليوم بالليل بعطيكم اول درس في النحاسة الايجابية على ابليس ؟
وين النحيسات على ابليس ؟
وين العصابة ؟؟
والله ذبحني اعوذ بالله منه كل ما تفاءلت ان مشكلتي يتنحل يحبطني ويوسوس عليي بانها ماراح تنحل وراح تتعقد
اعوذ بالله منك يا ابليس ماراح تنتصر عليي ومشكلتي بتنحل بقدره قادر
وسوره البقره باذن الله بواظب عليها يا انا يا انت
وبتشوووووووف
يلا
خطتي اني بستغفر اكثر من 1000 مره باليوم وصلاه الليل وسوره البقره وصدقات وتسبيح وتهليل
يلا همتكم معانا
خطتكم وايد حلوة ,,
و الآآآن
طم طررم هههههه
مع الدرس الاول للنحاااسة
مستعدين ؟؟
نبدأ
على بركة الله
الدرس الأول : العنــــــــــــــــــــــــــــــــاد
في حياتنا العادية
اكثر شيء يطفرنا هو العناد ,, يعني لما تقولين لاحد شيء , و يسوي عكسه ,,
يرتفع ضغطج و يصك مليون صح ؟؟
خلونا نجرب اول انواع التعذيب على ابليس
بداية من باجر ان شاء الله :
ابيج تسجلين لي جم مرة عاندتي فيها ابليس ,,
و نتجمع باجر الساعة 8 , و كل وحدة فينا تكتب شنو صار لها و جم مرة عاندت ابليس بالتفصيل
مثلا :
1- قال لي : توه مأذن لا تقومين , ورحت ( ركككككضضض ) اتوضى و اصلي .
2- قال لي : فضفضي عن فلانة يوم تتطنز عليج و قولي صار لي و صار لي , و انا قعدت ( امدح ) بفلانة غصبا عن خشمه .
3- قال لي : لا تتعنين تروحين لام ريلج تراها بتغثج , و انا رحت لها و معاي ( حلو و قهوة )
و بشوف منو بتاخذ المركز الاول في رفع الضغط
و لكم مني بعطيها وسام
الحين ان شاء الله بفتح الفوتوشوب و بصمم لها الوسام ان شاء الله و بحطه طوااالي اهني ,,
و اتحدااكم انا باااجر بغث ابليس اكثر وحدة
ملاحظة: علشان ما تنسين , اكتبي بورقة او حطي تنبيه بالموبايل ان باجر يوم العناد العالمي
و طبعا ابليس راح يقول لج : ويه ! بصراحة ملاغة ! هب العطر ما عندها سالفة ! شنو يوم العناد العالمي !
عاد اللي فيكم شاطرة و ذكية تضمن لي ان يكون باجر اول شيء تكتبه لي
1- امس قال لي ابليس لا تحطين منبه ( يوم العناد العالمي ) جان احطه بتلفوني و اقول للي معاي يسوون مثلي .
نطروني شوية اصمم لكم الوسام
منو تنظم لحزب النحيسااات ؟؟؟
[COLOR="rgb(255, 0, 255)"]
يلااا منو راح تآآآخذه باااجر ان شاء الله
يمكن انا اللي آخذه عنكم
يصير ليش لأ ؟ اذا كنت اكثر وحدة عاندته ههههه
و خليكم معاااي ترا كل يوووم وساااام حق أحلى نحيسااات على ابلييييس [/COLOR]
مليت من منتدى تكميم الأفواه مافي حرية تعبير
اقول بسم الله من اوله واخره على شان يرجع بليس
لووووووووووووووووووووووووووووووووووول
ام النحاسه
بارك الله فيج اختي
وباذن الله راح اكووون معااااكم
انااا بععد بنضم معكم .. ونصيير احلى نحيساات < ع ابليس
.. والله يااني اتنااحس عليييه وش كثر.. ههههه
تقبلووني معكم ..
سجليني نحييسه
ياكثر مايوسولي هالبليس بس من الحين بتبدي النحاسه
وانا معاكم