عشت الدور أنى حامل ههههههه

السلام عليكم خواتى الغاليات
شلونكم اسعد الله يومكم وامسكم وباجر

مرات لما انحبط افصل ترى عادى
المهم انا الشهر للى طاف ما ياتنى دورة او بالاحرى ياتنى جم نقطة سودة ووقفت بس وانا ما سويت اى شى عشان اطمن عالهرمونات للحين علاجى الجدى ما بين تونى فى بداية المراجعات المهم كنت وايد ادعى هالشر للى طاف لدرجة انى بديت اتخيل انى حامل لا وبعد معيشة نفسى بالدور لانى كنت اسمع واقرا عن اعراض الحمل بس اسوى سيرج بالنت وكل شى اقراه تلقينى بعد جم يوم اتخيله واعيشه طبعا هذا مفعول الايحاء النفسى والرغبة الحقيقية للى من القلب وهالشى فعلا ياثر على الانسان المهم حتن ذاك اليوم بلليل قبل ما انام وانا كنت بروحى طبعا ولا احس بلوعه ودوخه وجنى برجع وانتوا بكرامه واروح عزكم الله الحمام غصب ابى استفرغ لانى مقتنعه انى حامل وفرحانه موووووووووووت وكل يوم ابى اروح اشترى تحليل الحمل واسويها مفاجاة للدنيا كلها واوقف عند الصيدلية واخاف وارد وولا مرة اشترييته لانى اتذكر حالتى قبل لما كنت اشترى شكثررررررررررر واخشهم وكل شهر اسوى مره ومرتين وثلاث قبل موعد الدورة من اللقافة والخساير لا تعدون ياما انتفعوا منى هالصيدليات …. فكنت افكر يا ان هذى لخبطة هرمونات ولا انا حامل بس كنت ابى غصب اعيش نفسى بالدور ومتخيلة انى اشوف خطين وطبعا كنت اسوى بحث بالنت عن كلمة مبروك انتى حامل والقى مواضيع عن حريم ومواقفهم لمن عرفوا انهم حوامل والله واقعد ابجى ليما راسى يعورنى وانام وهذا حالى طول هالشهر بعدين اقول لا انا حامل انشالله واقرا على بطنى وحاسه نفسى غير المهم امس بليل قعدت انظف البيت وكنت احرك الكنب وانا ناسية الموضوع كله اقصد سالفة الحمل مندمجة حدى بالتنظيف وخلصت كلشى واليوم الساعه 4 قعدت للصلاة الصبح ولقيت على نقطة دم هذا كبرها ولانها مجدمة قبل موعدها ب8 ايام تقريبا خفت بس استوعبت ان هذى الدورة وتحريك الاثاث نزلها قبل ووقتها وخاب ظنى واملى والله ثم والله ما تمنيت شى كثر انى اكون امل لو مرة وحدة بس بعد كل هالسنين وانا لازلت انتظر والله كريم اهو الرزاق مستجيب الدعاء الله يرزقنى واياكم يا خواتى الغاليات والله صج صايبنى احباط وحاسه نفسى مابى اشوف احد او اتكلم مع احد بس الله كريم

الله كريم يا قلبي..
هالشهر نخيلتي الشهر الجاي ان شاء الله حامل..

يا حلوووج ..

بتصيرين أم بإذن اللي ما تنام عينه ..

و التفاؤل حلو .. بالعكس اللي أتسوينه بيجذب لج الحمل بإذن الله ..

توكلي على رب العالمين .. وكثري أستغفار .. ومرآح يعدّي وايد و بتبشرينا بـ حمالج .. إن شاء الله ..

حيياتي انشالله ربي يفررح قلببج وقلبي وقلب كل وحده محروومه

ما ادري ليش عندي احساس قوووي جدا انج بتحمليين قريبا جداا

بس اوصيج بالعلاج مو تتحبطيين وتتركين العلاج اوكي

اعرف سوالفج ترا اجييج اطقج طق لاتقهريني موناقصة قهررر >> من خوفي عليج موتزعليين

باذن الله بتحملين وتقر عيونج بشوفت وليدج

يا رب يا كريم يرزقج بالذريه الصالحه ويرزق كل محرومه يا رب قادر على كل شي سبحانه

بإذن الله الواحد الأحد يرزقج ان شاء الله

ان شاء الله يا ربي هالشهر انتي حامل

انا نفسج قبل موعدها ٩ ايام
نزلت بقعه دم
وثاني اختفت
استغررربت

يوم جت مووعدها حللت
وطلعت حامل الحمدالله
يمكن بقعه بسمونها بشاره حمل
عسي الله يرزقج

ان شاء الله خيالج يصير حقيقه

الله يرزقج ويفرح قلبج

الله يرزقج انشالله وانتي بالذاات انا عله طووول ادعيييلج تستاهلين كل خيير

الله يرزقج ياقلبي

أختي عليج بالجماع يوميا في ايام الاباضه وجهاز اختبار الاباضه يبيعونه في اي صيدليه

بإذن الله الواحد الأحد يرزقج ان شاء الله