|
|
السلام عليكم ورحمة الله وبركاته
شلوونكم حبيبااتي ؟؟
بنااات انا عرووسه بحرينيه قاعده تجهز و كل ما اسأل احد قالو لي الكويييييييييييييييييت وبس وانا تقريبا من 10 سنين ما طبيت الكويت بس اعرفها انها ما شاء الله ديرة الذوووووق
واللي يسلمكم كتبو لي وين الاماكن اللي اقدر اتشرى منها و تنصحوني فيها و خاصه السايزات الراهيه لاني بعافيه
و شنو تنصحوني اشتري و شنو اخذ و ووين اروح و كلشي
بليز بنات لاتبخلون علي بردودكم
ابي اخذ كلشي من طأطأ لي سلام عليكوو
و بكون شاكره لكم
و حياكم عرسي هالصيييف +_+
انا بقولج بشكل عام وانشالله في يوم ثاني راح احطلج بالتفصيل
عندج الافنيوز=====> مجمع تلاقين فيه كل شي من سوالف ملابس بيت وملابس طلعة شيلات ماركة وانتي بكرامه جوااتي
ونفس الشي عندج المرينا و المهلب و الفنار والبستان
حق سوالف نفانيف سهرة==============> عندج ليلى غاليري
وحبيبتي صدقيني سوي سيرج بالمنتدى بتلاقين كل شي يطيب خاطج وتلقين العناوين والارقام
الله يهنيج ويوفقج 
وحياج بديرتج الثانيه الكويت
حبيبتي
عندج مجمع الافنيوز ( عنده محلات حلوه وراقيه وهو مجمع اكبير حيل تلقين فيه كل المحلات العالميه
زارا ومانجو وغيرها من محلات الملابس المعروفه وحيل حيل راقي وتعالي الحين لان اغلب المحلات تنزيلات
وبعد فيه محلات حق العطورات والمكياج وكلها ماركات وبعد فيه محلات حق الجناط وتكرمين النعال وانصحج
اتروحين له حيل حيل راقي )
والحين انروح حق الدراريع (فيه عندج مجمع العربيد بالفروانيه وهي عباره عن عمارتين جنب بعض وكلها دراريع
مرات تلقين عندهم شغلات حلوه ومرات لا بس انتي لازم اتفرينه عدل عشان تلقين واذا مالقيتي جيبي اي صوره موديل عندج وفصلي عندهم )
واذا تبين اعبي واشيال فيه مجمع جنب العربيد اسمه حمرا مول فيه كذا محل وعندج مجمع عربيد بلازا
وعندج الفحيحيل فيها محلات واجد حق اعبي حلوه
وعندج مجمع الكوت والمنشر بالفحيحيل وهم مجمع اجيال وعندج مجمع المارينا ومجمع شرق والمهلب
بعد حلو
وعندج الصالحيه كله ماركات
واذا عندج اي استفسار انا بالخدمه
وبالتوفيييق يااارب…
ماشاء الله ماقصروا البنات..
ونوسه عطتج الامااااكن اللي اغلب العراااايس يجهزون منهااا وقالت لج عن كل مكاان وشنو تخصصه…
يعني انتي عليج تفرينه عدددددددل مددددددددل وتدورين زييين وتلقين اللي تبينه..
وعندج المكياااااج (( مكياج المنصور)) <<< من محبين المنصور 
اكتبي الاماكن و شنو تخصصها مثل ما قالت لج نوسه ودوري فيها عدل..
في موضوع لتجهيز العرايس هنيه بالقسم..اذا عندج وقت وفاضيه
حاولي تقرين الجزء الثالث أو الرابع يعني اخذي فكره عن الاماااكن وكذا..
وقرااءه عن التجهيز بالكويت وسوالف عن تجهيزات العرايس
..كزيادة على موضوعج هذا…
موفقه خير يااارب
والبنات ماقصروا
بس انتو عندكم في البحرين وايد مجمعات حلوه ونفس مجمعاتنا
مثل السيف والمارينا والدانه
ووايد اماكن عندكم
سبحان الله انا اتعنى لي ديرتكم عشان اتشرى
ترا فيه بلاوي حق قمصان النوم
يزااكم الله ألف خير و ان شاء الله تجهزوون لعروسكم قريب و اللي جهزت الله يوفقها و يهنيها يا رب
بنات انا ناويه اجي الكويت على بداية فبراير باذن الله
و في شي يمكن ما انتبهتوا له 
اقدر القى سايزي في كل هالاماكن انا دبدووبه و بعافيه ..
بس ان شاء الله بفتر كل مكان قلتوه و بشووف باقي مواضيع المنتدى و اذا شفتو شي بعد قولو لي .gif "Eh S(7)")
و الله يعطيكم العافيه و ما قصرتوا و هذا العشم فيكم
يهبل كل شي فيه
تاريخ 24/1 و 25/1
قمصان نوم ومكياج وساعات وشنط وكريمات للجسم
ويشرفني حضورج
وحياك الله في الكويت