|
|
سلام بنات…
من زمان ما دشيت هني كنت كل ما ادش اقول لكم الريال مادري شفيه معاي لين ما يه اليون اللي كشفت ويهه القذر و كشفت العلاقه اللي كانت مخليته مو زين معاي..قلبي بغا يوقف
انا ليلحين ما واجهته بالشي اللي دايمان ينره لا و يحلف بالجذب بعد.
راح اواجهه بس تهقون شنو رده فعله؟ و شنو النتيجه؟
فكروا معاي ناطره ردكم
بس اهم شي سووووي اللي يريحك
لآ توآجهينه .،‘
آهوة آكيد مآ آتجه حق هالـ بلاوي الا من شيئين !
1/ قله الوآزع الديني .،
2/ مو حاس فيج و بوجودج و بأنوثتج
آنتي و ذكآئج .، * قربيه من ربه .. * و حسسيه بتوآجدك
و سويله كل الي يبي .،
عشان يخلي هالـ بلاوي و لا تنسين الدعاء ؛)
والله يعينج عليه
شوفي انتي ادرى
يا يقلب الطاوله عليج ويقعد على سوالفه وانتي ياترضين بالامر الواقع وكل شي يصير جدام عينج
او ماتتحملين الوضع وتطلعين من حياته وهو بيكمل سوالفه بدونج
او بيتاسف ويكون حذر بالمرات المقلبه
او الله بيهديه اذا حس ان بيته مهدد بالخراب
انتي ادرى بزوجج وبحياتج وطبعه وبظروفج احسبي الامور صح وسوي خطوه ماتندمين عليهاا
شغلتين :
– الاولى انه يتركها عشان ويتوب توبه نصوح عشان يحافظ على بيته وعليج .. ومادري ليش مستبعده هالشي وايد من طريقة كلامج عنه وانه بالاساس مو هامه وجودج
– الثانيه يعتذرلج او ينكر .. وبعد فتره ولما يظمن انج ظليتي معاه اتصير السالفه اشكره .. واتطيحين عليه مره ومرتين وثلاث وتكون ردة الفعل الاوليه اقل ويوصل لي مرحلة هاذا انا عاجبج حياج الله مو عاجبج الباب يوسع جمل
انا من رايي هالسوالف يبيلها حذر وكل ريال يختلف عن الثاني وردة فعل تختلف عن غيره ..!!
وافضل الاهل والكبار اهم الي يتدخلون ويتفاهمون مع الريال مو المره لو انا مكانج بخلي اهلي يواجهونه عشان يحس ان السالفه كبيره وواصله لي الاهل اما اذا المره كلمته بيقص عليها بجم كلمه ويقزرها عليهاا وماراح يخاف
ضامن بتزعلين يومين وتردينله
ثاني شي إنتي أكثر وحدة تعرفين زوجج
وتعرفين ردات فعله
على هالأساس يا تسكتين إذا كنتي متأكدة إن بيقلب السالفة عليج لأن ما راح تستفيدين شي
أو إنج تاخذين موقف قوي بدون ما تخافين من العواقب وهذا طبعا يبيله قلب قوي
لان لو سويتي سالفة بدون موقف قوي أكيييييد بيرد يعيد لين ما يوصل إن ما راح يحس إن مسوي شي غلط وراح يحس إن عادي وحق من حقوقه وبيقولج آنا جذي تبيني أهلا وسهلا ما تبيني مع السلامة وبيتمادى أكثر واكثر
والله يهديه يارب هذا رايي وإنتي بكيفج
الله يوفقج للخير كله ياااارب
وانتي تقدرين تحسسينه انج عارفه بدون ماتقولين اشكره
يارب الله يهديه لج . اللهم صل على محمد وآل محمد