عرسي من الالف الى الياء (())

حبيت اليوم احط لكم ديكور عرسي وابي افيد العرايس وهم ابي رايكم

اولا نبتدي بالصاله حجزنا صاله شيخه المرزوق بس على فكره يابنات الصاله فاضيه مافيها ولا شي يعني انتي الي تحطين الكراسي والمدرجات وغيره وغيره يعني الي يشووف صاله جاهزه احسله

https://www.almlf.com/get-6-2010-almlf_com_d9k653di.JPG

https://www.almlf.com/get-6-2010-almlf_com_k5qu0pku.JPG

https://www.almlf.com/get-6-2010-almlf_com_ok4n222j.JPG

ثانيا البوفيه اجرت كل صحوني ومواعين البوفيه بما فيه صواني الحلو والتقديم والقلاصات وكل شي من ,,,,,, لان لونهم نفس لون صالتي كله فوشي واسود وسلفر وبما انه كانو للحين مابلشوا فتقديم الطلبات فاخذت بوفيهي من الرايه طبعا مو الفندق المطعم بس المواعين والصحون منهم وكانو كله كرستال حتى قلاصات الماي والاطباق لونهم زجاج فوشي شكلهم عجيب وصحون السلطات كله دانتيل اسود بشفاف رووعه وينوا عليهم الناس بالعرس وحلو القهوه كان من اوبرا ووااو والخباز نوعنا بالصواني

ثالثا نوصل للبطايق البطاقه كانت عباره عن صندوق جلد اسود مكتوب عليه بالذهبي اللماع لما تفتحينه داخله بطاقه العرس هم نفس الطريقه جلد اسود وذهبي

https://www.almlf.com/get-6-2010-almlf_com_xeaanz2n.JPG

https://www.almlf.com/get-6-2010-almlf_com_i0x3k0p7.JPG

https://www.almlf.com/get-6-2010-almlf_com_276s8dx1.JPG

رابعا ديكور الصاله حجزناه من الشاعر اكبر مكتب نصاب بالكويت انصحكم ماتتعاملون معااه سوالي الكراسي والمدرجات وتلبيس الصاله والزوليه وتلبيس الكراسي بس الله لايوفقه خربلي الدنيا وعكر مزاجي بيوم العرس وفوووق هذااا سعره ناااااااار مو مثل الباقي وتصويره الفيديو مثل ويهه ويحدج ياخذ كل فلوسه قبل العرس وان قلتيله مابي هالشي مو حلو ولا مو مثل الي انا طالبته يقولج اسمحيلي ماقدر ارد الفلوووس

خامساا حجزت الموفي ميكر الي يغير الوان الصاله مع التصوير الفوتوغرافي من ادم وشغله سنع ورخيص فرق عن هالشاعر النصاب حتى صوروني 60 صوره زياده عطوني اياهم ابلاش ماخذوا فلوسهم

سادسا اخذت بدلتي من البوشيه وانا زدت عليها اشياء وديتها العثمان فوق وركبولي عليها اشياء انا كنت ابيها و نفسها كانت موجوده بدار بشرى بس ماخذتها من اهنااك لان اجارها بروحها عندها ب 1800 ولبسه رابعه بعد وسعر تكلفتها كلها مع الكرستال والدانتيل كلفتني 2180 والمكياج ناعم عند تشاوبيلا كان شغلها حلوو بس الشعر ماعجبني لان شعري بووي وماركبت شعر فالقذله ماضبطتها لي بس بالصور طاالع المكياج والشعر روعه وبنت خالتي كانت معاي مكياجها وشعرها كانو رووووووووووووعه لاهو ثقيل ولاهو الي تقولين جنج مريضه خفيف لاء وسط رووعه بس اسعارها غاليه شوي

https://www.almlf.com/get-6-2010-almlf_com_dmcvdbcu.JPG

https://www.almlf.com/get-6-2010-almlf_com_hfe4y0qp.JPG

سابعا الكوشه سويتها تفصال بالشويخ ولبستها وصبغتها بالضجيج كلفتني كامله 1000 دينار تقريبا وكرسيها بروحه 3 امتار وتتحمل نص طن يعني لي احد يه يبي يصور معاج يقدرون يقعدون عليها 6 او 7 اشخاص غيرج والورد امي وخالتي راحوا سووا الورد الي على جنب الكوشه والطاولات والمسكه عند محل يقولون عالبحر عاد شسمه مادري الي بتستفسر تقولي واسئلهم والورد كان كله صناعي احلى من الطبيعي بس شغله مرتب

https://www.almlf.com/get-6-2010-almlf_com_kn8pyfuk.JPG

https://www.almlf.com/get-6-2010-almlf_com_gjyqlvmz.JPG

ثامنا احلى مابالعرس عزكم الله جوتيي اخذته ب 7دنانير ونص ياريت كل شي رخيص بالعرس مثله