|
|
السلام عليكم يا بنات
والله الشاهد انى ما أزل عليكم بكلمه
انا خسيت من غير حبوب ولا شفط ولا خرابيط
بقولكم جدولـي اليــوم
بتعــانــون أول الايام بس بتعودون انشالله
بقولكم جدولي اليومي وانشالله تلتزمون معااي وتدعولي
انا اول ما اقوم من النوم
اشرب كمــون برووحــه وانطلق الى كليتي العزيزه
اجي الكليه اكل نص صمونه
مو كلهااااا …نصهاا ميخالف بتعز عليج تقطين الباقي بس تحممملي
واشرب عصير برتقال طبيعي << ضروري ومهم جدا
الساعه 3 العصر انام على جوعي بطني اسمعه يوغ وغ بس عادي
واقعد ليــن الساعه 6 المغــرب
عندي جهــاز مشي اذا ماعندج امشي بالبيت مو مشكله
وعندي حزام حراريي اذا ماعندج اربطي شيله عشان يطلعلج خصر
والله يابنات ان اول ماجاني الجهاز كنت امشي 3 دقايق واموت من الركض
اللحين صرت امشي ساعتين ونص عليه
واول ما اخلص آخذ شور وأِكل بسكوت نايس 3 حبات مع حليب زنجبيل
وعليها ليــن الساعه 12 بليل اشرب كــآس ماي وانام
اذا تحسين نفسج جوعانه ماتقدرين
اشربي عصيـر تفاح او اناناس بس الاناناس يقولون يضعف المبايض خلوه عنكم
ناهم شي تنامين خفيفه تقومين الصبح تلقين بطنج لازق بظهرج
والله بالله يابنــات انى حيــل حيــل حيــل ضعفت
بدون حبوب وبدون استاشريه ولا شي
قمت الصبح قلت ببدي رجيـم اليوم وبديته
يابنات الاراده الاراده الاراده
اذا عندج اراده بلشي معـاي رجيم قاسي
اذا ماعدج بليـز سكري صفحتــي وروحي لحبوب التخسيس والدهون
مــلاحظه (( مهــــــــمـــــــــــــــه ))
ايام الدوره يابنــات
اكلي لا تقطعين نفسج ترا موزين
انا اول ما اقوم اكل صمونتين محشيه بلبنه لان الجبن كله دهـوون
واشــرب حليــب مع مردود
وعندي مطــاره الاعشــاب ( الطبخه =ادويه الدوره )
والله انى اشرب باليوم 3 مطارات
واكل عصيــده واكب عليه المردود واللهوم
والتمر طاسته عندي مع مردود
دايما دورتى تقعد 4 ايام لاني اكثـر من الاعشاب والمردود واللهوم
ترا اذا قعدتي بدون اكل بايام الدوره تخــربين
انشالله اكون فدتكم يابنات
واضغطو على نفسكم هالكم شهــر
صدقــوني بتلقــون النتيجه اقل من شهر انشالله
تحيــاتي لكم
ادعولي يابنات
ب رجيمج كلش موو صحي يمكن تووج صار لج اسبوعين
بس بعد فترة بتبهت بشرتج ويحت شعرج ويصير مالا يحمد عقباه
هذا غير ضعف الدم ونقص الحديد والفيتامينات …
لازم يكون في بروتينات ونشويات وحبوب والحليب ومشتقاته واكلي كل 3 ساعات وجبه خفيفة
ونووعي واهم شي النظام الصحي انتي عرووس اهتمي بعمرج
والله يقدرج وتنزلين كل الوزن اللي تابين ..
والحين امبلشه نفس الرجيم بس زايده عليه كيوي وجريب فورت وايد حلو
حبيبتي لو ادشين حصة السباحه بالاسبوع مره وايد حلو قبل العرس لج
اي والله صادقه رجيمي مو صحي كلش بس شسوي
هذا عرس ووقت اللعب راح
وانا وزني اللحين62 بعد ماكان 70
انشالله لو استمريت شهرين بعد راح اوصل للوزن اللي ابيه
وعقبها اكل اكل صحي بس على سنع مو خبال
تسلمين عالنصايح فديتج
تقبلي تحياتي
انا بعد دايم اسوي رجيم
بس كل يوم يجيني وقت راحه
يعنى هالوجبه ماتاثر
هالاكله ماتاثر
بس هاليوم وبكره ابلش
عقب هالرجيم ولله اشوف الاكل قدامي تنسد نفسي
حتى مره ابوي جاب لي وجبه من ماكدو
انا غررررررررررررررامي ماكدو
والله بالله انى حتى ربعهااا ماكلت
بس لقمتين وقطيتهاا
والغازيات انا منقطعه عنها صارلي 4 شهوور عشان الكرش
من بغــى الزين ماقال اح
تسلمين على هالطله الحلوه
اي والله الارادة الارادة والارادة
اذا الارادة موجودة تلقين كل وحدة رشيقة
الله كريم
اللللللللللللللللللللللللللللللللللله عقبالي ما اخس مثلج ابي بس 10 كيلوو
ماشالله عليج والله يتمم عليج
انا ظروفي وبيئتي ماتسمح اني اشارك بنوادي
عشان كذا اهلي موفرين كل شي بالبيت جهاز مشي وقاري
وكل شي ابيه يجيبونه
تسلمين على الطله الحلوه وبجرب الكيوي
|
المشاركة الأصلية كتبت بواسطة أوشال
 حبيبتي الف مبرووك
ب رجيمج كلش موو صحي يمكن تووج صار لج اسبوعين بس بعد فترة بتبهت بشرتج ويحت شعرج ويصير مالا يحمد عقباه هذا غير ضعف الدم ونقص الحديد والفيتامينات … لازم يكون في بروتينات ونشويات وحبوب والحليب ومشتقاته واكلي كل 3 ساعات وجبه خفيفة ونووعي واهم شي النظام الصحي انتي عرووس اهتمي بعمرج والله يقدرج وتنزلين كل الوزن اللي تابين .. |
اضم صوتي مع صوت أوشال
حطي فوق الاراده
الفعل الفعل الفعل
واليوم اليوم وليس غدا
تسلمين عالمرور فديتج
فعلاً الموضوع ارادة وتنفيذ..
انا ماني بعيدة منش.. ويعينا ويعينش الله..
بس ليش انتي وراج عرس يعني المده عنج محدوده لازم تسوين جذي
بس اللي ماعندهم مناسبه او شي يسوون رجيم عالراحه يكون طبيعي