عرسي بالكويت والا السعوديه ابي حل :(

السلام عليكم ..

بنات انا بدش بالموضوع ..

انا بنت كويتيه تقدم لي واحد سعودي يصير لنا من بعيد .. امه تصير حق امي .. و وافقت عليه بعد ماستخرت وارتحت له ..

الولد على شهادت الكل خلوق و محترم .. بس يدخن وهذا الشي مضايقني حيل للاسف

و اهو حاليا بمصر يدرس وهذا اخر كورس له .. و احتمال العرس يكون هالسنه ..

خالتي الي اهي امه قعدت معاي اهي واخته وقعدوا يسولفون معاي على ترتيبات العرس وين راح اسكن و من هالسوالف ..

وقالت ان العرس راح يكون بالسعوديه بالدمام و ان العرس راح يكون رسمي مو حفله ..

لما قلت حق امي عن هالموضوع وان العرس بيكون هناك .. قالت العرس المفروض بالكويت ..
لان مو حلوه بحقج تنزفين هناك .. المفروض المعرس الي يجي وياخذج من بيت ابوج مو انتي تروحين.. !!

حتى خواتي الكبار و رفيجاتي لما قلت لهم قالوا امج معاها حق .. المفروض العرس اهني ..!!

بنات انتوا شرايكم؟!

صج يعني مو حلوه بحقي اني اروح السعوديه وانزف هناك..؟!

ابي حل يرضي الكل بليز ..

بنتظاركم ..

اي صاجيين .. سوي عرسج بالكويت واهوا ياخذج يوديج هناك ..
والله يوفقج

والله حبيبتي شوفي ما دام ان امه افتحت الموضوع معاكي ليش ما رديتي عليها وقتها بطريقة دبلوماسية بحيث ما تزعلينها ولا تبينين انك جريئة وكان قلتي لها: ياخاتي انا استحي اشيل نفسي واغراضي يمكم واذا كانو قصدهم انهم يبغون يعزمون احد بالسعودية قوليلها بعد الزواج نسوي حفلة بسيطة وتعزمين فيها كل اللي ما حضرو ا بالكويت
بس شوفي حبيبتي لو ما رضت وهذا الموضوع راح يزعلها وافقي وانتي كذا ولا كذا راح تشيل عفشك واغراضك وتدوينها للسعودية والله يهنيك ويسعدك ويرزقك بالذرية الصالحة والله يحيك بين اهلك

المفروض أهو جذيه

العرف والتقاليد تقول جذيه

يعني اهلج صديقاتج وعمامج وعوايلهم

مو كلهم يقدرون يسافرون للدمام اهناك

اذ ربي سهل امرج هناك عندهم

سوي حفل استقبال صغير لا بغو

لأن ولد اختي لما تزوج سعودية

عرسها وخطوبتها كانت بالجبيل الصناعية

ماسوه اهنيه بالكويت .. ومثل ماقلت محد راح

معانا من أهلنا الي القليل يعني كانت محفوفة من جانبنا

لأن مثل ماقلت مو الكل قادر يروح

بس تأكدي ان هالقرار مايخرب عليج حياتج وعلاقتج معاهم

يعني الأمر كله شكليات وعرف متعارف عليه ..!!!

بس سؤالي ليش ماكلمت امج بهالخصوص

يعني شكو ادخلج بالسالفة من غير ماترجع لمج

وهذا المفروض اصلا !!!

يكون التفاهم بين امج وخالتج

والله يوفقج ويسر امرج وأمر بنات المسلمين

هو المفروض والمتعارف عليه صاير عندنا واجد

الدخله بديرت العروس اولا اذا يبي بصاله او بيت اهلج حفله دي جي وكوشه وجمعت الاهل والاقارب

وهناك عندهم التحواله يعني هناك عاد على حسب في ناس لا والله تسوي صاله وعرس

وحتى العروس تلبس ابيض مره ثانيه

وفي ناس تكتفي بعشى لاشهار العرس

عموما انتي مفروض ما يدخلونج بالموضوع انتي العروس ما تدخلين كلش

وخلي الامر عند امج وامج اللي تكلم

والله ولي التوفيق

كبريها تكبر …صغريها تصغر!!!!!!!!!!!
انا عندي اهنيه و الا اهناك مو فارقه!!!!!!!!!
اهنيه بوسط اهلج و هناك بوسط اهلج……..والدمام مو من بعدها عن الكويت …يعني عادي!!!!!!!!!
الله يوفقج ان شاءالله…………قولوا امييييييييييييييين

العادة المتعارف عليها الزواج في المنطقة اللي فيها العروس،وخصوصاً حفلة الحريم لأن اهوه صعبة يعزم إذا مايعرف أحد فتكون الزفة يلبس البشت ويأخذك من الصالة وإذا يبي يسوي حفلة عرس هناك بكيفهم .

البنات اللي أعرفهم ماخذين سعوديين يسوون العرس هنيه (حريم فقط)، ويسوي حواله هناك . ومبروك والله يوفقك ويكتب لك الخير.

اخت رفيجتي تزوجت سعودي وسوت حفله الملجه بالكويت والعرس بالسعوديه لان حفله الملجه اهل العروس تكفلو فيها و العرس على حساب اهل المعرس فسووه بالخبر
وقالت الناس الي بالكويت الي ماقدرو يحضرون العرس بسوي لهم استقبال بعد شهر العسل

الله يوفقج حبيبتي

لاااااااااااااااا
شنؤ ترؤحييين الدمااام ؤانتي كؤييتيه لاا يبااا
الاصل ؤالعاداات ؤالمعرررؤف
العرس بيكؤؤن في الكؤييييت ؤمايتحررك عن مكانه بعد
ؤاذا رحتي لهم يسؤن لك عزيييمه اذا بغؤؤ
بس الاساس العرس بديرة البنت ؤين ماكانت ؤديرتك الكؤيت

بعدين امه غلطاانه ليش تناقشك انتي
مفرؤض تناااقش امك نفسها مؤ انتي
شؤفي اذا كلمتك قؤليلها بـ اسلؤب حلؤؤ ان كل النقاش مع امك مؤ معااااي
ؤخلي امك هي الي تتصرف ؤتقؤلهم العرس بلكؤيت مؤ بالدمااام
ؤنصيحه سمعي كلامنا ؤكلام امك لانها هي الصح

شوفي حبيبتي انا سعوديه ومن الخبر اقولك انه عاداتنا العرس بدير العروس يعني لو انا خطبني واحد من الرياض عرسي لازم يكون بالخبر مابالك ديره ثانيه
امك معاها حق لاحقه على الدمام بتملين منها
مبروك مقدما

اختي انا اقول خلي الوالده تتفاهم مع خالتج ام ريلج لانه هذا المفروض الي يصير من الاول

وانتي بجذيه تكونين بعيده عن هالموضوع احسن عن الاحراج معنه لو من الاول امطلعه نفسج من هالسالفه افضل

الله يوفقج

اي نسيت اقؤلك
مبرؤك حبيبتي ؤان شاءالله يتم زؤاجك على خيير ؤتتهنين في حياااتك يااارب ؤالله يسعدكم ؤيؤفقكم ياارب

الله يوفقج يا رب و يكتبلج اللي فيه الخير بس اتوقع الكويت و هناك اذا يبون يسوون مرة ثانية

حبيبتي ..
أهو المفروض في الكويت ..
يعني ياخذ من وسط أهلج .. وناسج ..

وان شاء الله تتوفقين يارب ..