عرايسنا وينكم ابي منكم استفسار وبذات المتكممات ؟ تقدرين تقولين لزوجج ولا لا ؟

صباح الخير

عندي استفسار صغيرر

البنات اللي مسويين عمليه التكميم قبل الزواج وضعفوا وبعدها تملجوا زوجج عنده علم بهالشي ولا لا ؟

ولا تميتي خاشه ها لموضوع

وشنو الأفضل أتم ساكته على انه موضوع خاص فيني ويعتبر شي وصار

لا أقوله بفترة الخطبه والملجه ؟

لانه رفيجاتي 2 مسويات تكميم وتزوجوا وعلموا ريا جيلهم وحده منهم زوجها شجعها على هالشي وكان يساعدها على انها تحافظ على وزنها

اما الثانيه زوجها يدقرها شووي

ابي رأيكم به الموضوع

انا الراحة عقب ماصار قبول قلت اني مسوية عشان ما اكون مجذبة صج قعد يطفرني فيها اول الايام اذا رحنا مطاعم وبس عقب صار الوضع عادي

نصيحه ياخواتي انا لي خبره متزوجه الزوج لاتعلمينه بسرج خصوصن الي يعيبج او يعيب اهلج ترا ماينسي وممكن باقل شي يجرحج افتكي ولا تعلمينه بالعكس حلي نفسج بعينه وادعي انه ربج يزينج اكثر واكثر بعينه والله جذي يطير فيج خلي ثقتج بنفسج وشوفي شلون بشوفج احلي واحلي
والله يوفقج ويسخرلج زوجج يارب

هذا اللي أفكر فيه بذات أني مسويتها وأفكر

أسعدني مرورج

مادري بس هالشي خاص فيج انتي مايخصه .. ماله داعي تقولين له لان شنو بيتغير اذا قلتيله

ادري شي خصوصي

بس في بنات يستفرغون الاكل ومو كل اكل يتقبلونه كلش

احنا عندنا لازم البنت تقوله حالها حال البنت الي فيها سكر أو ضغط أو سوت عملية و أثر العملية واضح بجسمها أو الي فيها حرق .. و في بنات الجسم مترهل شلون ما تقوله و الي جيناتهم امتان .. ولازم تسألين فيها عن الحلال و الحرام

آيه هذا اللي اقصده

لازم تقولين له لان راح يكون وياج طوول العمر

وبعدين اذا صارحتيه احسن ترتاحين

ولا تنسين ان ان شاء الله في المستقبل اي حمل او اي مراجعه راح يسالج الدكتور مسويه عمليات ووو عشان جذي مو حلوه تطلعين جذابه جدامه

والله يوفقج

ربــــــــــي يســـــــعدج

ضروري تقولين له
تدرين ليش لانه ممكن تكون الوحده جسمها مترهل والريل ياخذها
وينصدم وما تعجبة
ويعني هل موضوع ما يعتبر عملية بسيطة لانها شي تأثر بحياتج كلها
مو مثلا دودة زايدة ولا جرح بسيط

بقولج مثال بنت عمي مسويتها ولمن انخطبت علمت خطيبها بس بعدين رفضها
وانخطبت مره ثانية ونفس الشي قالت له وعادي عنده وتم هل شي سر بينهم

مابي احبطج بس ضروووري تعلمينه وتكونين صريحة وياه

ودي إصارحه بس الا غلبيه عندي معارض

ما اشوف فيها شي لو قلتي له

الا عملية تكميم

يعني انتي عملية جراحية مب تجميل