|
السلام عليكم …..
خواتي منو فيكم عندها من عيالها معاه هالمشكله لاني تعبت من ولدي اروح المدرسه يقولون شاطر بس مايركز واذا حل يحل طياره يحب يخلص اول واحد والخط كلمات داشه بعض مع انه فاهم ولو مايستعجل يطلع خطه زينه وفوق هذا يتلفت ويهزر بالصف
كلمت نصحته كافأته يومين زين والباقي يرد لوضعه
وديته اخصائيه قالت مافيه مشكله كلمت المدرسه تغير مكانه عمك اصمخ شالحل لان هالموضوع مأثر علي دراسته وحله بالامتحانات
ياليت اي احد يعاني من هالمشكله ولقت لها حل تفيدني وشكرا
سألت كثيرا
و السبب يمكن تستغربين منه و تقولين ليس له علاقه
لكن له علاقة و يؤثر بنسبة 50%
الأكل ….. أقصد الوجبات السريعة و الحلويات و كثرتها
الوجبات السريعة اضرارها …… سعرات حرارية عالية مع هرمونات منشطة …… تجعل الطفل متسرع في كل شي و عنده طاقة لكن بدون تركيز و بدون فائدة
و 50% على شخصية الياهل ….. الحوار ….. حاوريه ان مو من صالحه هالشي و يسبب الخطأ و راح يسبقونك الشطار اللي يحلون شوى شوى ………. و بعدين لا تعطين الموضوع اكبر من حجمه ….. يكبر و يعرف مصلحته و يتغير ان شاء الله
يعطيج العافيه علي الرد
كفيتي وفيتي يعطيج العافيه
كانت ماتركز وكلا حركه وتحل بالصف الكلاس وورك غلط , كله عذرها : ماشفت ,, نسيت ,, مانتبهت ,, أقصد غير …
بس بالامتحان تييب درجه كمله تفاجئني ..
الحين بدت تركز أحسن لكن للحين عندها سالفة الاستعجال شوي.
طالما ماعنده الله يحفظه أي مشكله من مشاكل عسر الدراسه أو صعوبات التعلم فلا تحاتين راح يتطور مستواه بتطور النمو عنده .
شوي بشوي ان شالله تلاقينه بدا فجأه يتغير ويتحسن ان شالله.. وملاحظه في حالات يصير الطفل عنده ضعف بسيط بالنظر يأثر على أداءه مع انه شاطر..
أسأل الله لكم التوفيق…………………
وفعلا امتحانات نص الكورس كانت علاماته احسن من الاشهر
وربي يوفقج ويوفقنا يارب للصلاح