|
|
صباحكم /مساكم خير
بدش بالمواضوع دايركت
كتبت قبل هالمره موضوعين عن حياتي مع زوجي
بحاول اختصر نقاط معينه وبكتب لكم الموقف اللي حصل تو
زوجي كان في البدايه حبوب وطيب وكنت عادته كل شي بحياتي
الى ان قرر اسكن مع اهله بدت المشاكل سكنت شهر والله وكيلكم دشيت المستشفى 7 مرات من اللي شفته منهم حسبي الله ونعم الوكيل الاب متوفي والام استغفر الله تروكع وتنافق ومالها شخصيه جدام بناتها
والبنات اعوووووووذ بالله معروفين راعين مشاكل يتطاقون مع خوالهم عمانهم كل الدنيا وربي حتى حقين المحلات هبلوني
حتى الدين يالفون على كيفهم مسحوا فيني الارض تكلموا بسمعتي خالتي المحترمه تسميني اليهوديه والجلبه بنت الجلب حسبي الله عليها واخته تقول لي والله لااسحرك والثانيه تقول لناس اني اتدخل بحياتهم واحسدهم لله لايبلانا احسدهم على شنو امراضهم النفسيه واالثالثه تقول لزوجي طلقها وانا بكره ازوجك باللي احسن وداني لاهله عشا يهينوني اهانه جماعيه يعني وتخيلوا قبل اقنعني اروح عشان تتصافى القلوب اثاري الاخ غير كلامه بالسياره وقال ترا انتي بتعترين لهم قلت اعتذر عن شنو قال كل شي قلت انت قلت الغلطان يعتذر قام يرفع صوته ويهدد ويهزا ووداني وقاموا يسبون ويهزون ومسخرون واللي تقول انتي جلبه واللي تقول يالزقه وووووووو الى نهاية الالفاظ زوجي المحترم واقف يطالع حسبي الله عليه اهلي زفوه وقام يتعذر وقال ايه خواتي جلبات طبعا هالكلام فقط انقال عشان ابوي واخواني كلموه وهو الله لايحلله لمن انا والا امي نتكلم معه يرفع صوته يستقوي ع الحريم ووعد اهلي انها ماتتكرر وطبع تكررت وياما شفت مسجات منهم الله يسخط عليك يابنت اليهود وووو
وسكت وصبرت
طبعا زوجي بخيل نفس اهله واناني وحقود ويخاف من العين حتى مكافئتي ياخذها ويعطيها خواته انا اداوم واتعب وهو ياخذها بارده مبرده كان يقول لي انا اخسرك عادي بس مااخسر اهلي وانتي بالطقاق مع انه يدري ان هم راعين مشاكل من عمر الدنيا كل كلمه والثانيه يقول اذا ازعلوا اهلي منج بطلقج وبيوم من الايام ذبني عند باب اهلي الساعه 11 بالليل والله لو رفيج ورفيجته ماسوا فيها جذيه وسكت وزفوه اهلي على هالكلمه وقالوا تبي اتطلقها روح المحكمه يله وقام يتاسف ان موقصده الجذاب
والييييييييييييييييييييييييييييييييييوم
وتحديدا قبل شوي قام يصارخ علي على سالفه تافه قال لي سوي شاي وقلت ابسوي لمن تطلب باسلوب حلو وعصب وحقرني واليوم قام يصارخ ويقول احمدي ربج على عيشتج ……استغفر الله ماشفت بهالعيشه شي حلو والحمدلله على كل حال هالكلام اقوله بقلبي……….وقال جنه مو عاجبج موعاجبج قولي شكو انا عايش معج يعني رجع على طير يالي الجذاب طبعا لاننا بغربه واهلي مو حولي وانا حامل بالشهر الثاني فداري اني ماراح اقدر اركب طياره بس حسبي الله عليه عمري ماانهت ولااحد ذلني الا هو واهله والله اني كنت بيت اهلي مددله ومعززه بس معه اعوذ بالله الامان مااعرفه جذاب ويقلب الحجي ومره مسك القران وحلف كذب تخيلوا يحلف كذب استغفر الله وانا تعبت
يعني زوجي تربيته فاشله باختصااااااااار
ومن شب على شب شاب عليه هذي تربيته ماراح يتغير لو تمر الف سنه وانا خلاص لاعت جبدي عمري 21 سنه وشفت الذل والاهانه حقي اعيش براحه وامان حقي يكون تفكيري مثل تفكير اللي كبري دراستهم ووناستهم تعبت اعيش كل يوم خايفه لايزعل لايقول بطلقك والله انه مره مسح فيني الارض وسمته وحده صرت كل مارحت مكان قاموا ياشرون علي حرام حلوه ومودبه وصغيره بس طاحت باللي مايستاهلها تعبت ناس تكشر بوجهي عشان سمعتي اللي شوهوها حمولتي تعبت والله تعبت ابي اعيش مثل باقي البنات خل يطلقني وافتك ماابي لازواج ولاهم ابي ارد بيت اهلي اكل لقمه بكرامتي واسولف واضحك زي قبل .gif "Eh S(2)")
انا بغربه وبدوله حيل بعيده وحامل وابي ارد لاهلي خلاص عوووووووووووووع مااعاد اتحمل وسنتين من عمر ضاعت مااي يضيع اكثر احس اني عفته خلاص ولااحد يقول هذي نسات لامن قبل مااحمل وانا جذيه بس لمن رجع بوعده اليوم صممت ع الطلااااااااااااق
اهلي ماعلموني شلون اتعامل مع هالاشكال كله الله يسامحهم والله ياخذ حقك بس والله جرح الكرامه شيييييييييييييين
ما حاولي تجيبي واحد من اهلج عندج عشان يحلوون مشاكلج ويشووفون اذا في مجال للاصلالاح بينكم … انزين اذا طلعتي ابيت ابروحج ماراح تنحل هالمشااكل … يا اختي الطلاق مو سهل انتي حامل الحين .. الوحده من تحمل المفروض ما تفكر بروحها كثر ما تفكر بالبيبي .. تلاقينا نتنازل عن اشياء وايد عشاانهم .. حاولي تدخلين اهلج أو انكم تطلعوون
هذا رايي … الله يهدي الحال
اول شي اشلونج واشلون الحمال معاج؟
ان شاءالله تكون امورج زينه لانج بغربه وكنتي تحاتين الحمال قلت اتطمن عليج بالمره..
بالنسبه لزوجج الله يهديه ويسخره لج علاجه بما انكم في بداية زواجكم انج تدعينله وتكثرين استغفار وطلبي ربج تالي الليل قومي صلي كل يوم قبل الفير وطلبي من ربج ان يهديه ويصلحه وانتي حاولي تجذبينه ناحيتج لا تياسين بما انج حامل لو مو حامل جان مو مشكله التفكير بالطلاق بس حرام اشذنب الياهل الي بييكم؟؟
الحين انتي بالغربه حاولي تشدينه صوبج وتسوينله غسيل مخ فرصة بما ان خواته وامه مو عندكم
عاد تعرفين حركات البنات اشلون تجر زوجها ناحيتها خليه يحبج ولا حبج راح يوقف بوجه اهله معاج صدقيني وادعي ان الله ينصرج على من عاداج ويغسل قلبه من الحقد والبخل والحسد وان شاءالله يارب يتغير ترى جدامج فرص كثيره انج تغيرينه حاولي تستغلينها و الطلاق ما يقع فترة الحمل فانتي مضطره تكملين معاه علشان جذي الاحسن انج تغسلين مخه وتجرينه صوبج وتدعينله بالهدايه وعسى ربي يوفقج يارب ويهدي ويسخره لج ويصلح امورج يا قلبي 
والله يصبرج ليش هالرجال مايفهمون النبي موصي ورفقا بالقوارير ليش اهو لاقيج من الشارع
حسبي الله على كل ضالم الله يرد كيدهم لانحرهم *
عمري ماراح انسى ذبته لي بالليل عند باب اهلي عمري ماراح انسى كلامه فيوم قال روحي لااخوانج خلهم ينفعونج والله ماينفعني الا اخواني اجل هو اللي يكوكونه خواته
وسكت وماقلت لاهلي ولمن يرسلون لي خواته سب بمسجات يمسحهم عشان اخواني مايشوفونهم جذااااااااااااب شلون اعيش مع جذاب وخاين ومال امان ليه اضيع عمري مع واحد باسوء الاخلاق
لاتقولون اصبري ملللللللللللللللللللللللليت من الصبر
بس اذا تبين نصيحة اخت انتي الحين حامل ممكن يكون الطلاق حل لو انج ماحملتي بس الحين صعب
انتي ليش ماتروحين لاهلج تقعدين فترة ع الاقل ترتاحين شوي وتهدى نفسيتج وتبتعدين عنه عشان تفكرين صح وتحسبينها عدل ,,
وبعدها دخلي واحد من اخلج دخلي ابوج اخوج الكبير مافي شي مايتصلح انتي الحين خسرتي اشياء بس حاولي تردين اللي خسرتيه
وماراح تردينه الا بالدعاء ادعي من قلب واستغفري وراح تشوفين ربج ياخذ حقج منهم وحدة وحدة جدام عينج ,,,
هدي بالج يقلبي وقوليله اليوم برد ديرتي حتى لو من باب التهديد شوفي ردة فعله شنو هل هو بايع خلاص او في مجال كل شي يتصلح ,,
والله يبدل حالج الى الافضل عاجلا غير اجلا
وانا ضد الطلاق بس بحالتج انتي اقولج تطلقي ودربج خضر
ريلج ماعنده شخصيه ومدامه فبداية حياتكم جذي مو حاسبلج حساب
عيل لما تصيرين قديمه ويصير عندج كوكش عيال شنو بيسوي فيج ؟؟
لا حول ولا قوة الا بالله العلي العظيم
انتي سئلي الدكتور مالج اذا منعج من ركوب الطياره لاتسافرين ونطري لي بعد الولاده
بس يمكن حالتج تتحمل انج تسافرين
الله يعينج
وحبوبه انا كنت اعاني من زوجي سابقا جذي وبعدين بعد الولاده رفعت عليه قضيه نفقه والحين راح ياكلها هو
والحمدالله عايشه بيت اهلي معززه مكرمه ولا مذلته ماكو شغل اقعد مع واحد ما يعرف يربي حتي نفسه
عموم الي راح راح حاولي المستحيل وردي لاهلج والي مثل هذا فرقاه غنيمه
مادري شقولج ماودي اشيشج انتي بروحج تعبانه
الله يصلح الحال ويسعدج وين ما كنتي