عادي تتابعون التبويض اثناء الدورة؟

بنات انا حيل مستحيه الدكتور قال لي تعالي يوم 8 من الدوره وانا قلت مايخالف على بالي اني بخلص يوم ثامن …الدوره هالمره ماطلت فيني ولا نزلت عدل الا يوم خامس …يعني لاتزال الدورة موجوده وبقوه ..
عادي يسوي لي الدكتور سونار مهبلي ؟؟
طب شلون؟؟والدوره ؟؟احس فششششششله
علموني شسويتوا وشنو تجاربكم تكفون …حدي مفتشله

اي عادي حبيبتي يبين التبويض حزة الدوره

و وايد اسمع بنات سوو سونار حزت الدوره بس ولا مر سويت وولا راح اسوي لوول على قولتج فشششله

اي والله فشله ….ميته من الفشله …وودي ااجل الموعد بس مو عارفه اخاف ضروري ايي له 8 الدوره

والله مادري بس اعتتقد يصير لما اتخلصين الدوره اتروحين مو ضروري اتروحين الحين

انا مره دكتورتي قالتلي تعاليلي 12 الدوره ورحت لها وسوت لي سونار وقالتلي على ايام التبويض

لا لاتأجلين شي دام قالج ثامن روحي ثامن .. عادي انا مجربه صج فشله بس شتسويين و اذا دكتووور لا تحاتين السستر بتحط الجهاااز و اهو بس يمسكه كلش مايشوووف المكاان

انا اقول اتصلي على الدكتور وقوليله انج لي الحين ما خلصتي ..

بس مو جنه السونار داخلي ؟؟

سبحان الله كنت بكتب موضوع متى نسوي سونار التبويض حزة الدوره او لا

انا والله اللي سمعته ان بعد ماتخلص الدوره وانا الحين انطر الدوره تخلص عشان اروح

انتي اي دكتور ؟

يا بناات عادي تسوونه وقت الدوره انا كذا مره مسويته…سونار داخلي

عادي يابنات اصلن التبويض اذا تبين اتابعينه لازم من ثاني او ثالث يوم الدوره وانا جم مره اسويه وصج احراج بس شسوي مضطره وتوكلي على الله وربي لايضيع تعبج

حبيبتي والله عادي انه يسويه وترى يا قلبي لا تفتشليين ولا شي تدرين ليش لانه انا مثلج استحي بس لما كانت الدكتوره اتسوي لي السونار لا تطل ولا شي يعني جنها قاعده تفحص على بطنج ومجرد انه يحط الاله من غير لا يشوف وعليج غطى بعد تطمني يا قلبي وروحي موعدج ولا تطوفينه حبيبتي

انا يابنات كل مره اروح عقب الدوره وللاسف تطلع البويضات صغيره ويروح علي الشهر ..
هالمره قال لي تعالي بدري عشان يمدينا نعطيك منشطات زود اذا احتجتي
بس تبون الصج اليوم كله متوتره …شلون اتصرف …
انا دايم اسوي سونار مهبلي بعد الدوره والممرضه تحط الجهاز عادي ..
لكن الحين شلون ؟؟وملابسي الداخليه شسويي فيها ؟

عادي والله انه الوضع عادي اهما يعطونه اكيد فرصه انج تفصخين وتتعدلين انتي حطي صروالج تحتج او بجنطتج بسرعه عادي والله لا تفكرين جذي وايد

عادي حبوبه ما فيها شي
صج ان الوضع مو مريح بس شتسوين بعد لزوم العلاج

مشكوره عروسه على الرد السريع ..
ومشكورين بنات كلكم على نصايحكم …والله يعدي باجر على خير …حيييييييل شايله هم …
اليوم كله وانا امشي على اساس تنزل الدوره بسرعه وتخف بكره …
يافشلتي اذا كانت غزيره

سوان هو مو بس مو مريح الا يفششل..
اتخيل الممرضه تقول وع ماني حاطه لج السونار
واتخيل السرير يتوصخ ..
واتخيل واتخيل …
حييييييييييل شايله هم