عاجل لأولياء الأمور!!

السلام عليكم ورحمة الله وبركــــاته

شرايكم بمنهج الرياضيات والعلوم للمرحلة الإبتدائية

والله مو عارفه أدرس ولدي نهائي

والمشكله إن المنهج لبناني صاروا عيالنا حقل تجارب للوزارة قسما بالله شي موطبيعي

درسنا من قبل وتخرجنا وشحلاتنا وشحلات مناهجنا قبل

بعرف هالتغيييييير الاعجازي ليش ؟؟؟

يعني المدرس والطالب كلهم يعانون من هالمشكله

يعني شنو يبون يوصلون له هالوزاره ؟؟؟

ياجماعه حدونا على المدرسين يعني لاطبنا ولا غدا الشر !!!

يعني مو الربحان إلا هالأجانب والله كسبوا من ورانا بسبة الدروس الخصوصية

والله موقصدي قطع أرزاق ومن عرض هالفلوس اللي ندفعهم بس شي يقهر لأن قبل تخرجنا وكانت مناهجنا روعه وعمرنا مانحدينا على المدرسين الخصوصين

أبد وألحين حتى بالإبتدائية نجيب مدرسين بسبة هالمناهج التعجيزيه :@:@:@

قسماً بالله مدرس مصري يقولي هذي مناهج لبنان وإنتوا ليش ساكتين ؟؟؟

شرايكم نسوي مظاهرات قدام مجلس الأمه مع أزواجناااا نطلب منهم يرحمونا ويرحمون عيالنا والله تعبنا من هالمناهج شوفو موظفين

الهيئه شسوا يوم مامشا الكادر حقهم سووا إعتصام ثلاثة أيام وهذا حقهم وإحنا أولياء الأمور ليش مانعتصم ليش

تكفون خلونتا نتكاتف ونعتصم ونسوي مظاهرات جدام مجلس الأمه على هالمناهج المتعبه للمدرس وللطالب

يعني ولدي بخامس ومننهجه ثانوي العلوم شالسالفه تخرجنا قبل هالمناهج التعجيزيه وصرنا دكاتره ومهندسين ومدرسين ولله

ولله الحمد بس مادري هالوزاره شيبون يوصلون له ؟؟

اناا مو قاهرني إلا ان كل سنه مطلعييين لنا نظام جديد زهقنااا وتعبنااا وتعبوا عياالنااا وحتى المدرسين

وأغلب العيااال كرهوا الدراااسه ومااايبون يكملووون
وبعضهم رااحوا السعوديه يكملوووووووووووووون

ليش ننحد وحنااا بديره مثل الكويت

شرايكم .. نبي حلول .. ومظاااهرااات
خلونااا نتناااااقش بعقلاااااااانيه

أنطررركم

هههههههههههههه
والله على كثر ماني منقهره
على كثر ما ضحكني موضوعجج
حسيت صج باحساسج
انا طبيعتي وحده عصبيه حدي
مسكين ولدي من كثر ماني متعقده من الرياضيات اقوله افهم ولا اطقق
حتى ابلة الرياضيات يسميها ابلة الانماط هههههههههههه
كرهت حياتي بتدريسه
مسكين اولى ابتدائي ومعطينه حفظ جدول الضرب
والله على ايامنا اخذنا جدول الضرب برابعه ابتدائي
مدري اولى متوسط

والمصيبه الانقلش
واااااااااااي
يعطونه سؤال بالنجليزي ويقلون له جاوب بالانجليزي
اهوه عرف يكتب بالعربي حتى يكتب بالانجليزي
اولى ابتدائي وجذيه
والله لو ادري دخلته من الروضه خاصه علشان يتعلم
اولدي يقولي الابله تقول انسخو واهي تتكلم بالتلفون
الله لا يحللها بمعاشهااا
يعني النسخ بيفيده
وانا اجابه من يرد من المدرسه الى المغرب
وللحين حبيبتي كاسر خاطري كل شي صعب عليه
ودايما يدعي على المدرسه واقوله مالومك انا وياك ادعي
جابر الخير انشهد انك فقيييييييييييده

ههههههههههههههههههههههه

مدري ابكى:::::::::::::::(((

عندى ثلاثه وصلعت والغده كبرت وصوتى رااااااااااح وعيونى تفاقعت

واصابعي ذبحتنى من كثر ماحل لهم الواجبات

صج مايعرفون وانا هم بعد ماعرف على الله وعلى كتاب الشامل فيه الاجوبه شريته من مكتبة العجيري

وبالمتحانات شنو بنسوى

ساقطين طبعا؟ هذا اللي يبونه؟ سقووووووووط

اخ لوتشوفون منهج العلوم سادسه ولا الحاسوب طمره ثانيه

3سنوات بالنجازى يلعبون وبعدين رااااااابعه
الرياضيااااات شىء وطبيعي حتى الاذكياء تنحو فيه

الله يساعدنا على هالدنياااااااااااااااااااااا

حظ للمدرسسيين الخصوصيين

يعني مو بس انا اللي منقهره من المنهج الصعب واللحين كلنا قمنا نحل لعيالنا عيل شيبون يشون بالامتحانات!!! والله حتي مدرسة الرياضيات تحل لولدي دليل انه المهج صعب

الله يعيينكم
هالسنه غيروو مناهج رابعه
مدرسة ولدي تقوول لهم سااعدووناا احناا بعد مو عاجبنا المنهج

الله يعينا كلنا ان شالله

خواتي سهلوها تسهل باذن الله

بالعكس والله عيالنا اذكياء و المناهج حلوة بس صعبه عاليهال لان مافي تدريس سنع عند بعض المدرسات ولا في توجيه سنع

احنا قبل كنا ماشين وتعودنا عالمناهج لان مدرساتنا سنعين وشطار مو الحين المدرسات مو فاهمين المنهج وياخذون دورات وبلشوا اليهال معاهم

تدرون ابلة بنتي العلوم تقول لابوها الله يعين اليهال احنا قاعدين نعطيهم درس بعد درس والمعلومات واايد بس غصب عنا التوجيه طالب جذي

فانا اقول لكم توكلوا على الله واللي تعرف تدرس عيالها تجابلهم وتحاول تبسط لهم المعلومات كثر ماتقدر خصوصا العلوم ترى بالتجارب الياهل يستوعب سوي بيتكم مختبر واللي ماتعرف ماكو الا اسوأ الاختيارات وماحبها المعاهد والمدرسين الخصوصيين

وخذوها مني نصيحة اخت
عمرج لاتحلين لعيالج خليه يغلط مو عيب راح يتعلم بعدها صدقيني انتي بس ساعديه

ربي يعينا ويسهل علينتا ويوفق عيالنا وينور بصرهم وبصيرتهم

شرايج انه انا بنتي بثانيه ابتدائي وانا شهادتي جامعية ماخذتها بالانجلش

وماني عارفه واجبها الرياضيات شلون ينحل؟؟؟؟؟؟؟؟؟؟؟؟؟

لا وازيدج من الشعر بيت

مدرستهم الانجليزي مطرشه معاها 23 صفحه حل بالكتابين وورقه عمل فيها 40 كلمة حفظ

والرياضيات كل يومين تطرش لي 4 او 5 صفحات حل

عدا طبعا عن باقي المواد

انا بفهم

وزارتنا مالت التعليم شنو علاقتها بالتعليم شنو يعرفون عنه

حبيبتي اذا بنتج بالحكومة

راجعي المدرسة اكيد في شي غلط بالموضوع ولدي بثانية

انا عندي مرحلة ثانية ابتدائي
مايعطون جذيه !!!!!!!!
غريبة

يالله يالله الحمدالله فيه احد يعاني مثلي انا احسب بس انا
انا عندي 3 مراحل وميته من التعب تخيلوا ماانام من زود مااحاتي
مجابله هالكتب 24 ساعه
كله كوم والرياضايات بكوم يعني بثالثه وطامرين على الالوف اهو خل يثبت روحه بالمئات بالاول
يعني اذا الولد ذكي نقول الله يوفقه بس اذا الاستيعاب زيروو شنو بيدنا الحل حتى لو بدخله دوره ولا معهد يعني متى يرتاحون حرااااااااااام

الانجليزي كل يوم 6 كلمات وين بلا يمدي الواحد يركز على الاقل كلمتين لين الحفظ وبعدين كلمتين ثانيه
شنقول وشنو نتكلم اذا مجلس الامه ماصل صوتنا تبون اهنيه يوصل
مانقول الا الله كريم وانشاالله يشوفنها بعيالهم

والله انا معاك ياسارة وعد بس انتى عطينى موعد للمظاهرة وراح تلقيينى اول واحدة جدام مجلس الامة

اشوه لقيت ناس افضفض لهم انا شقول وخلي انا عندي بناتي رابعه وخامسه ولدي اولى ابتدائي اذا فتحنا الجناط ودي ابجي على مناهج قبل والله العظيم بنتي الي بخامسه مو ملحقه على شي تكتب من الساعه 3 واجباتها بعدين تروح تقويه رياضيات و ترد اتكمل كتبتها طبعا معطينهم كل ماده واجب باالدفتر والكتاب ماتخلص الا الساعه 9 وامس مسكينه اصبعها وارم مكان القلم طالعه ورمه شكبره من كثر الكتابه يعني مو معقوله كل هذا الضغط عليهم في البيت والمدرسه والله ونفسيتهم زفت اسال بنت عمي مدرسة علوم تقول والله انا اقوم الساعه خمس ونص اقعد استرجع الدرس الي بشرحه اليوم علشان ماانساه تقول جني داشه امتحان فما بالج في ها الطلبه المساكين الي فجاء يتغير عليهم المنهج انزين بتغيرون يكون التغير من الروضه واولى ابتدائى ويمشي معاهم بتدريج مو فجاءه جذى وعلى فكره بنتي الي الحين برابعه من العام مغيرين منهج الرياضيات والعلوم والانجليزي لما كانت بثالثه يعني انا ماكلتها من العام ومابي اتكلم عن اولى لاني تعب قلبي وطولت عليكم وكلكم عارفين مناهج اولى السنعه واخر شي الله يعينا ويعين ها الجهال المساكين

يا ليت يغيرون المناهج
يردون لنا القديم

؛؛ تدرون !! .. نفس مشكلة المدارس الخاصه اللي منهجهم أمريكي وأبلاتهم عرب !!!

أظن المشكله بالتدريس و التأسييييس

المشكله والله بالمدرسين

يعني افهم عيالي يفهمون ليش بالصف مايفهمون
الابلات طبعا البعض مو الكل تعطي الدرس وتمشي ماكو اخلااااااااااااااااااااااااااااااااااااص
اللي فهم فهم واللي مافهم مايشوف شر
ومالها خلق تركز على واحد واحد
قبل الابله تفتر علينا واحد واحد الحين تقعد مكانها والبنات يفرون عليها
والا ابله بنتي تكتب الاجابات على السبوره ليش بالله مادري
على ابو اني درست عدل وحلوا
والله خصوصا الرياضيات والانجليزي محد الى الان عارف يدرسه عدل
اللهم بعض الابلات المخلصات العسل اللي يدرسون من قلب بس نااادرا تلقين مثل هالنماذج مو كل سنه كل جم سنه بنتي تطيح بوحده زينه
والله كريم