|
|
ابـــــلاتي الـــعزيزات شـــــلووونكـــم؟؟
اول شي بغيت اقول لكم انكم انتوا اساس المجتمع وبدونكم الدنيا ما تكتمل ووو منكم نستفيد
اول شي بغيت اعرفكم بنفسي انا توني متخرجه من الثنويه وانشاءالله راح اكمل دراستي واصير دكتوره بالتخصص اللي ابيه
وفي موضوع حبيت اكلمكم فيه يا ابلات اذا ممكن
الا وهو:
(عــــلاقـــة المعلمة بطالباتها في الفصل )
يمكن في بعض الابلات ما يهمهم الموضوع هذا بس والله العظيم ومن واقع انا عشته بالمدرسه ان البنات كلهم ودهم ان ابلاتهم يكونون ريلاكس معاهم وصدقوني اذا الابله اهتمت بنفسية الطالبه وعززت العلاقه بينها وبين طالباتها راح تمشي البنت على ما تحب الابله
صح يمكن تقولون البنات ما ينعطون ويه ولازم نشد عليهم وانا معاكم في ابلات اذا عطوا الطالبه ويه البنت تفصل عليها لأن الابله ما يكون عندها المعلومات الكافيه بطريقة تعاملها مع بناتها
في ابلات وااااايد اعرفهم نحبهم واااايد وحيل يراعونا ويحترمون الظروف النفسيه اللي نمر فيها لكن مع كل هذا نحترمهم واحنا من نفسنا حاطين حدود لأن مثل ما اهما محترمينا لازم نحترمهم
والله في بنات يكرهون المدرسه والسبه الابلات وفي بنات يكرهون الابلات بس جذي من دون سبب بس لأنها ابله وتعطيها اوامر والطالبه هذي تكره اللي يعطيها اوامر وما تحب انها تكون اقل من احد طبعا هالشي غلط بس لو لقت لها ابله تفهمها وتحتويها وتبين لها انها نفس امها او اختها بالعكس راح تتقبلها وتبدع معاها وتسوي كل اللي تبيه
انا بقول لكم طريقه سويتها وابكم تعطوني رايكم فيها
لما كنت بالحادي عشر صارت انتخابات في مدرستنا وانا متعوده بالمتوسط كل سنه ما انزل انتخابات انا اترشح بالتزكيه وادخل المجلس مع البنات ويكون كل شغلي مع الاداره والضيوف واطلع مؤتمرا و و .. الخ
المهم بالصف العاشر ما كانوا يعرفوني وانا كنت شيطانه بالمدرسه واول سنه بالثنوي ومستانسه بصراحه وما كانوا البنات يعرفوني بالحادي عشر قررت انزل انتخابات عقب ما كونت لي قاعده جماهيريه
وحبيت اسوي شي غير عن كل سنه وبالثنوي اللي شفته من تجربتي مع قوائم عاشر ما سووا شي البنات كلش ولا فادوا الطالبات انا حبيت اسوي شي مختلف كنت ناويه افيد البنات بشكل يفيدهم طول حياتهم واهوا انهم يتعلمون شلون يكسبون معلماتهم ويعاملونهم وخذيت ارقام دكاتره عشان يحاضرون بمدرستي ويعطون البنات دورات وجذي المهم سويت شعاري انا وبنات القائمه (معلمتي صديقتي)والبنات بالمدرسه استانسوا وتقبلوا الفكره اغلبهم بس للأسف في ابله الله يسامحها اعترضت على هالشعار وكلمت الاداره وطلبوا مني اغيره والله صابني احباط كبييييير حيل والابله هذي طلعت من مدرستنا قبل يوم الانتخابات بفتره على ما اعتقد يعني انتي مو عاجبج الشعار وبتطلعين من المدرسه ليش ما سكتي ؟؟
المهم البنات كلللللللللهم زعلوا وطلعت المركز الثالت للأسف بصراحه وما نزلت بالثاني عشر انتخابات لاسباب لو عرفتوها بتحقدون على اللي كانت السبب بس ترشحت من الاداره بالتزكيه ورفضت وقلت حق الاداره ما ابي ادخل المجلس بس بصراحه انا حاضره واي شي يطلبونه مني الابلات والبنات والاداره اوافق بس اهما ما كانوا يطلبون مني وايد بس اكثر شي ياخذوني رحلات ومسابقات وجذي ,,
المهم كل اللي بوصله ابيكم تناقشوني فيه ليش الابلات لي الحين بهالوقت المتقدم من الزمن مو راضين يعدلون علاقتهم بالطالبات وحتى الطالبات ودي ان نتناقش لعل وعسى نوصل لحل
ومشكورين واتمنى الكل يشارك ويعطينا رايه
على فكره في ابلات بصراحه ابدااااااااع وفاهمين بصراحه ومتميزين والفئه اللي انا اتكلم عنها قليله وهم الطالبات موجه لهم الكلام بس انا ركزت على المعلمات لأنهم اكبر وافهم من الطالبات
واتمنى نتناقش عشان استفيد انا وغيري لاني ودي اكون بالمسقبل دكتوره مثل ما قلت لكم بعد ما اكون ابله واكمل دراستي لاني عشقي التدرييييييييييس والله من الحين مفكره بدروس نموذجيه وتحضيرات حتى امي يايبتلي من سنتين دفتر تحضير واغراض ابله وداااايما اكتب الافكار اللي تييني بهالدفر <<<طوولت ومصختها
وجزاكم الله الف خير
و عسى الله يوفقج و يحقق لج اللي تبين و نشوووفج دكتورة انشالله ….
و الصرااحة أبلات لطيفة الشمالي ما عليهم كلام ….
و انا الحمد لله علاقتي مع ابلاتي زينة و انا احبهم و اهماا بعد يموتون علي << فدييتهم …
و ادعيلي انا رايحة 11 ع
و يسلموؤوؤوؤو حبي …
شوفي الأبلة اللي اعترضت على شعار (أبلتي صديقتي) معاها حق وانا مأيدة موقفها
لاننا مدرسات مربيات مو صديقات
صديقتج لازم تكون من نفس عمرج تقريبا , اهتماماتها قريبة من اهتماماتج
والمدرسة مهما كانت صغيرة هي اكبر منج , وتفكيرها غير عن تفكيرج
ف ما في مجال للصداقات , صديقتي اقدر اطيح الميانة بيني وبينها واسولف معاها على راحتي وازعل عليها واراضيها وتراضيني واهاديها وتهاديني
بس هالنوع من العلاقات غلط تصير بين مدرسة وطالبة
لكن في مجال بالتعامل معاهم بالحسنى
يعني انا في طالبات اعتبرهم مثل خواتي الصغار ياخذون رأيي في امورهم الدراسية العائلية وفي بيني وبينهم تواصل حتى بالعطلة الصيفية
وبعضهم خلصوا دراستهم الثانوية ومازلت متواصلة معاهم ويستشيروني حتى بدراستهم الجامعية
يعني العلاقة اللي بينا علاقة احترام مو علاقة زمالة وصداقة
مشكوووووره
مشروع معلمه مبدعه
حبيبتي حطي في بالج إن مو اي وحده ممكن تكون معلمه بس كل وحده ممكن تكون مدرسه .. اكو فرق
احيانا ندخل مجال غصبا عنا … في ناس يبدعون في مجالهم ويراعون الذمه وفي ناس لا .. شغل مش حالك على ما اطلع
عالعموم اكيد هالمدرسه عطت سبب مقنع للإداره .. واحيانا الإداره تخاف يكون من وراء هالشعار دلالات ثانيه وان البنات ياخذونها من محمل الميانه
يعني لو انتي مسويه الشعار مزدوج مثلا " معلمتي امي – معلمتي صديقتي " ممكن كانت راح تسكت اعتقد لفظة صديقتي سوت لها حساسيه
عالعموم كل اللي قلتيه صح .. الرفق ماكان في شيء إلا زانه ومانزع منه إلا شانه .. الجديه مطلوبه بحدود بس الموضوع مو اضطهاد .. بالعكس لو كانت المعلمه تعتمد على العصبيه في كل تعاملها داخل الصف هذا دليل ضعف شخصيتها وعدم مقدرتها على موازنة الامور والتعامل مع مختلف العقليات
موفقه حبيبتي .. اتمنى اشوفج دكتوره وينشار لها بالبنان 
اب
اب
|
المشاركة الأصلية كتبت بواسطة بيكاسو
 الله يعطيج العافية ويوفقج
شوفي الأبلة اللي اعترضت على شعار (أبلتي صديقتي) معاها حق وانا مأيدة موقفها لاننا مدرسات مربيات مو صديقات صديقتج لازم تكون من نفس عمرج تقريبا , اهتماماتها قريبة من اهتماماتج والمدرسة مهما كانت صغيرة هي اكبر منج , وتفكيرها غير عن تفكيرج ف ما في مجال للصداقات , صديقتي اقدر اطيح الميانة بيني وبينها واسولف معاها على راحتي وازعل عليها واراضيها وتراضيني واهاديها وتهاديني بس هالنوع من العلاقات غلط تصير بين مدرسة وطالبة لكن في مجال بالتعامل معاهم بالحسنى يعني انا في طالبات اعتبرهم مثل خواتي الصغار ياخذون رأيي في امورهم الدراسية العائلية وفي بيني وبينهم تواصل حتى بالعطلة الصيفية وبعضهم خلصوا دراستهم الثانوية ومازلت متواصلة معاهم ويستشيروني حتى بدراستهم الجامعية يعني العلاقة اللي بينا علاقة احترام مو علاقة زمالة وصداقة |
اايدج الراي
وعسى ربي يوفقج وتدخلين التخصص اللي تبينه..
اسعدني مرورج..
الــــف شكـــر لــج وصدقيني رايج على عيني وراسي ,,
وانـــا ابي احـــد يــوضح لــي وجــهة النظر,,
وانتــي ما قــصرتي ,,
بس انا اشوف معلماتي او بعضهم اذا دخلوا الصف يقولون اعتبرونا صديقاتكم وخواتكم وانا عشان جذي حطيت هالشعار وكل هدفي كان اساعد ولو بالبسيط عشان احسن علاقة الطالبات بمعلماتهم لأني بعمرهم وافهم وجهة نظرهم وملاحظاتهم,,
وبالمقابل كان في ابله خذيت رايها بالشعار وعجبها حييييل
ولما تغير الشعار حييييل تضايقت وفي ابلات وايد قالوا لي حسافه وكان خوش شعار ,,
بس من كلامج حسيت ان الناس تختلف والابلات اطباع في وحده ترضى ووحده لا ..
وانا والله عندي ابلات اعرفهم يمكن لو عندي خوات ما كانوا قراب على قلبي نفسهم حييييل مع بعض ..
مشكوووووووره وايد على كلامج واتمنى انج تشاركين بمواضيعي اللي اطرحها كلها لأنج فعلا راقيه واسلوبج راقي يدل على طيب اصلج..
،
اول شــي بقــول لج مشكوره واااايد على كلمــة مشروع معلمة مبدعه والله وايد استانست لما قريتها..
ومــشكوره عــلى الــرد الحــلو ويمكن نفس ماقلتي الكلمه سببت حساسيه حق الابلهـ
بس ما ادري احس المفروض تتصرف تصرف ثاني يعني واضح من نشاطاتي ايام الانتخابات والاوراق اللي طبعت فيها الهدف من الشعار اني اقصد تحسين علاقة الطالبة بالمعلمة,,
يعني لو يايتلي ومكلمتني احسن ,,
عموما احنا مانبي نتعمق بهالموقف اللي مرت عليه سنتين تقريبا وانا الحين تخرجت ..
بس ودي نناقش موضوع علاقة الطالبات بالمعلمه
,,وشنو الواجب على الطالبه وشنو الواجب على المعلمة ..
واشكرج مره ثانيه بصراحه اكثر تعليق عجبني تعليقج ,,
حسيت انج فاهمتني ولا قصور بخواتي الباجي ..
نورتي الصفحه ,, نورتي الصفحه
ويسلمو عالطرح