طلب جزء من المهر – تعطينه؟؟

بنات اذا خطيبج قصرت معاه المادة وطلب منج جزء من المهر عشان شهر العسل – تعطينه؟
والا تخلينه ياخذ قرض من البنك؟؟

اذا اهوا مايقصر وطيب ويستااااهل واكرر يستااهل وصج محتاج .. اعطيه ليش لا .. خصوصا اذا فيها سالفة القرض .. حااولي قد ماتقدرين ما اتمرمطون بسالفة القروض ترا القروض مثل الادمان قرض ورا قرض وراقرض ليين مااتكود وتقعدون اتيررون .. عالاقل مو الحين توكم معااارييس ياحافظ شخليتو حق بعدين .. واذا على شغلة ضرورية ..بس طبعا مو دايما تعطينه .. عشان ما يتعود .. صدقيني الريال على ماتعودينه ..
.
قبل لا تعطينه قوليله لا .. مو لازم نسافر عيل.. وحاولو ما تفسفسون عشان ما ينحد على فليساتج عيني عليها ماامدااج تاخذينهم توج شهر عسل بياخذهم اخذو شي على قد رويلاتكم
.
.. بعد مهرج ياربي والله لو صج يبي فلوس يطلع من تحت القاع بس لييش يخسر نفسه واهله .. عنده مرة غشيمة ..
.
..

لا طبعاا مااعطيه
بعد حتى المهر فيه مننه
وبصراحه هذا خطيبج غريب من البدايه يطلب اجل بعدي شلون شكله بيحوش على الراتب كله
واعذريني اذا ضايققتج بس واالله ابي مصلحتج لاني مجربه

ما ادري هذا قرار حده شخصي وانتي ابخص بخطيبج ؟؟؟
ومن الافضل مناقشة خواتج او اخوانج بهالموضوع احسن؟؟
واذا المادة مو زود لا تروحون شهر عسل نطرو لين الله يفرجها وسافرو وبالتوفيق انشالله

انا معاج حبوبة 100%

زوجي خوش واحد ويستاهل كل خير

وطلب مني جزء من المهر وانه يرده لي خلال 4 ايام

رفضت !

وخليته ياخذ قرض من التسهيلات وراح سكر اللي عليه من اقساط وديون .. الخ وصار اللي عليه قسط واحد بقيمه 61 دينار بدال ما كانوا يقصون فووق 200

واذا على شهر العسل والسفر ترى مو ضروري

حبيبتي مو لازم شهر عسل لي ربج يفرجها

اصلا حتى السفره مراح تكون حلوه لانها على احسابج و منته او منتج

لا والله ……….البننوك موجوده وماتقصر ….المهر شكوو؟

مو لازم السفر والاصول اصوول ….

بالنسبه لي مانسافر احسن عيل

و بعدين تقولون ليش رياييلنا ما يحبونا . اذا انتو من اولها نحاسة

شدعوة اقصاه مهر . شنو المشكلة اذا عطته ؟

مهر تشترين فيه خرابيط ، و الا زوجج المحتاج ؟

يستاهل اعطيه ليش ما اعطيه

اختي أنا مو معاج برأيج تدرين ليش ؟؟ لأن بعدج ماعرفتي زينه من شينه لو زوجج بو عيالج أو حتى صار لج عشرة عمر معاه ممكن هذا توّه معرس وعينه عالمهر بصراحه ينخاف من تاليها ,أصلا كون ان فتح هالموضوع وطرحه للنقاش منقصه بحقه وشي يثير الشبهه بالأيام اليايه .

سمعوا هالسالفه وخلكم حيين قلب ,في وحده تقدم لها ولد حلال واسألوا عنه لقوا ماعليه شي بس انه كان مسسسسستعيل عالملجه دودههم وملجوا ومن تطاول ورقة الملجه واسبوع وطرش ورقة الطلاق ليشش لأنه أصلا مادفع المهر قال بس آخذ فلوس الحكومه أعطيكم وكلها أيام قالوا يالله الهون أبرك مايكون وبالأخير منو اللي انظلم البنت والسبب الثقه صحيح ان الأهل غلطانين لكن المقصد ان الحذر وااااجب وكان مقصده فلوس الحكومه