طلبت الطلاق تعالو شوفو انا على حق

يابنات انا خلاص ضاقت فيني الدنيا من تصرف زوجي معي صارت حياتي جحيم معه
لانه يعصب على اتفه الاشياء ويفشلني قدام الناس ويحرجني قدام الي يسوى والي ما يسوى وانا ساكتة ومستحمله علشان بنتي واني ماريد اعيش دايما في مشاكل وهواش
عاد من يومين مصخها على الاخر لاني كنت طالعة من العيادة مضايقة لان الدكتورة احبطتني ودمرتني علاخر ولما طلعت قلت لزوجي وهو عادي ما كان صاير شي ابدا ورحنا ناخذ اغراض لبنتي وكان نفسي شوكلاته اريد اغير ماجي ابي اريح شوي من الي صاير معي وانتو تعرفون كل شخص لما يضايق يعمل الي يحبه يرتاح وانا لما اكل شوكلاته ارتاح نفسيا شوي المهم قلت لزوجي لحظات اخذ حلاوة عصب علي وقالي بسك حلاوة مايكفي الدكتورة شو قالت انك ما راح تحملي وبعدك تزيدي نفسك مرض انا تضايقت من اسلوبه الوقح ومن كلامة يعني انا مضايقة وحالتي حاله وتعبانة نفسيا وهو يعطيني كلام مثل السم وانا عصبت ورحت عنه لاني شوي وابكي وهو اجى من وراي وقالي بصوت عالي قدام الناس احترمي نفسك انتي ما محترمة وقام يعيدلي اياها كم مرة ويقولي انتي ما محترمة ابدا احترمي نفسك وبصوت عالي حتى الناس يشوفونا ولما وصلت البيت قام يصارخ ويقولي بقولك نفس الكلام اذا عدتيها وانتي وحده ما متربية وقليلة ادب
انا قمت اقوله مشكور اذا انت تشوفني كثير ما محترمة وانت ما شفت نفسك كيف تصرفت هذا الي يقدر زوجتة المهم انا طالبة الطلاق منه ومستحيل مستحيل اني ارجع له مهما صار

.

الطلاق مو هين !!

فكري عدل و اذا تبين تتطلقين و خلاص كارهه العيشه وياه
انا اقول استخيري و تطلقي لانه ماعندج عيال ..
باجر اذا يبتي عيال بيصير الطلاق صعب ..!

الله يهديه يارب :*

يا قلبي هونيها

استخيري قبل ما تطلبين الطلاق

عبالج إذا تطلقتي راح ترتاحين اصبري عشان بنتج وحاولي تغيرينه

وعسا الله يسخره لج

كل زوج وقت الغضب يقول اشياء تجلط على قولة السوريين
عديها وتعدى الطلاق مو هين وانتى عندج بنت واذا على كلام الدكتورة
ما عندها سالفة هذا شى بيد اللة استهدى باللة وعديها واذا على الكاكاو
بتشبعين كاكاو لا رضيتو بس

ادري الموقف صعب
حاولي تتحاشينه يوم يعصب
ولا تطلبينه شي
صارحيه بآغلاطه لو انتي مصره على الطلاق وحطي ببالك ان هالشي اخر فرصه قبل لاتقرري
امسكيه وتناقشي وياه وقولي له كل اللي بخاطرك يمكن بعدها الله يصلحه
ابكي له حسسيه انك ضعيفه واكسري خاطره وتناقشي معاه
هذا زوجك وحبيبك ومابينكم شي
سوي اي شي واتعبي عشان ينصلح حاله قبل لاتفكرين بالطلاق وخاصه ان عندك بنت منه
صلي اخر الليل وادعي واستغفري وتصدقي بنيه اصلاحه لك وبنيه الحمل . . حرام تتطلقين
ترا وربي مافيه رجال بهالدنيا مابه عيوووب
اصبري ياقلبي
وربي اعرف لك وحده من جماعتنا يضربها ضرب وكانت صابره وحاولت بكل الوسائل انها تصلح شأنه
واعرفت لزوجها واسلوبه وقامت تداريه الين ماصار خاتم بأصبعهاا وانصلح حاله
لاتخلين الطلاق هو الحل . . ربي يوفقك ويسهل امورك ويسخره لك

انا عايشت انسان جذى اخلاقه بعمره مايتعدل لانه اسلوبه قذر وبالاخص ان شاف اللى قدامه ساكت على الاهانه كل ماله يتمادى
وعلى فكره مساله الدكتوره قالتلج بعد ماتحملين هذى بيد الله مو بيد الدكتوره لكن ممكن ريلج بعد يستغلها نقطه ضعف ضدك
اللى ابي اوصله ريلج يبيله وحده قويه ان فكرتى بالرده له لازم تكونين قويه والكلمه تردين عليها مو شرط بنفس وقاحته تردين
باسلوب محترم توقفينه عند حده لازم يعرف انج انسانه لج كيانج وماترضين على نفسج مشكلتنا احنا الحريم ماخذين مبدا داري على شمعتك اذا هيا شمعتي طافيه اساسا شدارى عليه كلمه اقولها لكل حرمه ان ماسويتي لنفسج مكانه لاتنظرين من الغير يجعلك كرامه بالاخص ان طحتى بيد من لايرحم وربي يهدي سركم .

حبيبتي تعوذي من ابليس وكلهم نفس الطقه لما يعصبون ويزعلون يقولون كلام يجرح ومايحترمون الي قدامهم استخيري بالاول وتناقشي معاه وقوليله الي تبينه وعلى الكلام الي يقوله لانه شافك ساكته من البدايه وقال عادي ماتقدر ترد وخذاها فرصه لو راده عليه من اول مره ماعادها ولا يفكر يقولك هالكلام
وبنسبه حق ماتحملين لا تصدقين لانه في وحده تقرب لي قالو انتي عقيم كلش ماتحملين وكل التقرير اثبتت هالشي حتى بدول برا لكن معجزة الله فوق كل شي واحملت

مافي سبب قوي علشان تتطلقين
كلنا لي عصبنا قلنا كلام يضايق

اذا الطلاق عشان اكلت شوكلاته وهو يصرخ

اجل انتي استيعابك للحياه الزوجيه محدود

اي زوجه تعرف انه زوجها ما عنده كنترول على الفاظه امام الناس

لا تستفزه باي حركه

وهكذا يكون عالجتي اي مشكله قادمه

فوفو

حياتك وانتي حره فيها

لا تاخذين راي ولا شور احد

انتي قرري مصيرج بيدج

طولي بالج اتوقع ريلج كان متضايق من كلام الدكتوره مثلج اذا مب اكثر

انتي مكبرة الموضوع
حتى لو اهو غلطان في وايد حلول
شدعوة طلاق مرة وحدة

لاتعليق

يااختي لا تخربين حياتك بتطلقين منه علشان بس انه معصب كل الرجال عصبيين عاد لو هاينك وظربك وش بتسوين او حتى خاينك يااختي غيري شريط حياتك اسئلي نفسك متى بدات الشراره الاولى متى قام يعصب ويرفع صوته وخليكي قويه وعينك حادة طنشيه واضحكي كل ما شافك خليه ينقهر امشي بالحيله والله اعرف قصص كثيرة صارت قدام عيني وعايشين مع بعض عسل في عسل وبالاخص غيري روتين لبسك بالذات ((هههه))وهذي طريقة امي مع ابوي مع انه اذا عصب ما يعرف ابوه تخيلي ويكسر الجدار بس شفنا امي كيف تعامله وتعلمنا منها وصارر الجميع اذا عصب ابوي يركضون الا احنا حبيت اعلمك حافظي على بيتك ولا تنسين اول ما تزعلين منه اذكري محاسنه ثم عيوبه ولا تشمتين عدوانك فيك