|
|
اول شي انا مو معلمه روضه بس وحده نختني وقالت اسئلي ربعج بالمنتدى
رفيجتي تعيين جديد وعطوها النادي العلمي 
والمسكينه ما تدري شنو سالفته المهم يا خواتي ابي افكار حق النادي العلمي وشنو المواضيع حق هالنادي واي شي يتعلق فيه
ولا تخيبون ظني ومو تكشتون فيني ابي اكشخ عندها 
يالله ان شاء الله غيرنا يفييدنا
ركن بحري طاوله عليها قطعه قماش زرقاء تمثل بحر وعليها رمل وقواقع وبيئة بحريه كامله
اسماك سفن نجمة البحر وصخور وطحالب
يعنى فيها ابداع كان بصراحه
وركن البيئة الصحراويه نفس الشي طاوله كبيره عليها قماش ابيض ملصقين عليه رمل وحيوانات البيئة البريه
وخيمه وبدو ومجسمات كانت تهبل وملفته بصراحه
ركن مسوينه عالم الفضاء الركن كله اسود وكله نجوم بالطوفه وهلال ومن فوق السقف
والارض كلها قصدير معفس ومسوين مجسم رجل الفضاء كبير طولنا تقريبا
وبالارض موجود مركبة فضاء و تلسكوب كبير
وطبعا على حواجز طاولات فيها اشياء واجد
علب فيها تسلسل مراحل نمو النبات
علب فيها حشرات
علب فيها اشياء اللى نحتاجها للتجارب
هذا اللى اذكره صراحه ويعطيهم العافيه البنات اللى سووه كانت بصراحه ابداااااع
ممكن تحط ركن للبيئة البحرية وركن للبيئة البرية وركن مثل الثلج تحط الدب القطبي وتحط الأرضية بيضة وتنزل مثل السلاسل بيض يعني ثلج ويحطون فقمة اذكر شفته بروضة كان فضيع وحاطين مثل المجسم حيوانات تجر عربة على خلفية الثلج
وبعد تقدر تحط ركن لخبرة النفط أنابيب وموانيء وناقلات وحقل نفط
اتمنى تستفيدين منهم 
تقدرين تسوين التجارب وتحطينها بعلب وتكتبين اسم التجربه على كل علبه
خل تنزل من السقف صور لاشياء مودجوده بالنادي دائما مثل كره ارضيه ومجهر
تسوين مجاميع طبعا وكل مجموعه تسمينها باسماء ولهم باجات والبالطو لا تنسينه
واذا فيه جديد ارجعلج انشاءالله