طلبات وقرطاسية المرحلة الابتدائية |ساعدوني|

السلام عليكم

كل عام وانتو بخير

عيالي كانو بمدرسه خاصة ونقلتهم هالسنة مدارس حكوميه

ومادري شنو الطلبات الي يبونها

مابقى شي وتبدي المدارس وماشريت ولا شي مابي تبدي المدارس واتوهق بالزحمه

المطلوب

شنو الطلبات للمرحلة الابتدائية .. الدفاتر جم صفحه وشكثر؟ وباجي الطلبات بالتفصيل

ابي ثانية و رابعه و خامسه

ومشكورين مقدما

اهو مهما جهزتي هم راح تحتاجين تروحين المكتبه اول الايام بالزحمه الله يعينا … احنا مدرستنا يعطونا طلباتهم اول يوم دوام للطلبه .. بس عموما الضروريات المتعارف عليها الدفاتر العربي والانجليزي وبعض المواد يطلبون 40 ورقه وبعضهم 60 ورقه ويطلبون فولدرات بحيث كل ماده لها فولدر طبعا .. وكانوا بعض المواد يطلبون السبوره اللاصقه والماركرز الخاص بالوايت بورد .. انا كان ولدي بالصف الثالث وهذا اللي اعرفه ,,ايه بعد العلوم لازم توفريله البالطو الابيض .

أنا ادرس رياضيات
ثانيه يحتاجون دفتر مربعاتسبورة ذاتيةقلم سبورةألوان خشبية
رابعه و خامسه دفتر بو 40 صفحهسبورة ذاتيةقلم سبورة
و الأكيد مطلوب منهم بالطو ابيض لماده العلوم

موفقه حبيبتي
اتمنى اني أفدتج

صح كلامج بس فيه اساسيات حلاته تفتكين منها من الحين

مشكوووورة

مشكووووووووورة

إلي اعرفه لان ولدي هالسنه اولي فبحثت
دفاتر عربي 40 صفحه ودفاتر انقليزي 40 صفحه اربع خطوط او 60 صفحه اهم شي تكون
الجنطه خفيفه عليه كافي الكتب
بالطو ابيض للعلوم وللبنات لبس صلاة وكل ماده حطيلها ملف عشان مايضيع الطالب ويعرف الماده
دفتر موسيقي ودفتر مربعات للرياضيات ولبس الالعاب الابله تختاره بس هذا إلي اعرفه
ومدرستنا كل سنه تعطينا الطلبات او يوم دوام يعني الزحمه فينا فينا لا مفر

ترا الملفات بعض الابلات يطلبون لون معين

لاتستعجلون الروحه للمكتبه بالزحمه فينا فينا

اشتروا الاساسيات بس

اقوولج على ثانيه

دفاتر للعربي 4 ب40 بس انا اشتري ب60 او 80 يالله انلحق
والانجليزي دفتر 4 اسطر اخذي 2 احتياط
وبالطو علوم
وملفات 4 تقريبا للاوراق مااذكر اي المواد
والوان خشبيه
واخذيلج ملف علشان اتحطين كل ماده داخل هالملف ارتب واسرع حق الياهل
وصمغ
واشياءالعاديه اقلام وووو———-الخ

العربي : 4 دفاتر عادة يطلبون بو 40 ورقه بس انا بييب لبنتي بو 60 أو 80 لأن بسرعه يخلص
الانجليزي : دفتر واحد لو 4 أسطر
الرياضيات : سمعت ان الدفتر المربعات يبونه
العلوم : بالطو العلوم بييب لها 2 لأن اخاف تضيعه
الاسلامية : ثوب الصلاة بشتري 2 احتياط
والفلايلات بنطر الابلات شنو الألوان اللي يطلبونه

اب اب

دفتر مربعات!
اي واحد فيهم في نوعين؟

السلام عليكم. اختي مهما كان عدد عيالج انا عن نفسي اخذ درازن يعني كل وحده احسب لها درزن عربي. بس اولى ٤٠ ورقه ولاتقولون حطوا ٦٠ لانه الدفتر راح ينهري منها اول السنه يعني بس تشوفينه تقولين متى يخلص واغيره من كثر التمسح. ثانيه خلي ٦٠ ورقه احسن لانه يكتبون واجد. ثالث وخامسه ورابعه ٦٠ و ٨٠ بس العربي ملاحظة الابلات يطلبون دفتر طويل. والانجليزي اربع اسطر حتى سادس يطلبون اربع اسطر.
وعلى قولتج اشتري اللحين قبل حرب المكاتب اول يوم دواام.

رابعه الرياضيات يطلبون دفتر؟؟
تربيه اسلاميه؟؟
يكتبون بلحبر ؟؟

كل عام وانتو بخير
الاضمن تاخذين دفاتر ٤٠ صفحه لان في مدارس تمنع ٦٠-٨٠ صفحه علشان تخفيف الحقيبه المدرسية
مدرستنا كانو يرجعون الدفاتر ممنوع يستلمونها من الطلبه اذا اكثر من ٤٠ صفحه
فولدرات واحسن شي الي فيهم سحاب كل ماده يحطون كتبهم بفولدر وخلي كل فولدر لون علشان يميزون
بالطو علوم
ثوب صلاة قطعتين للبنات حق الاسلامية
سبورة لاصقة الي تلصقينها بظهر الكتاب بدون لا يطلبون لصفيها على كتب العربي والرياضيات والعلوم ويمكن الاسلاميه يحتاجونها مو اكيد
اقلام سبورة
الباجي عادي الوان وخرابيط هاذي عند كل المدارس

وعليكم السلام

وكل عام وانتم بخير

تفضلي أهني

كل ما يخص المدارس تحت سقف واحد