طلبات المدرسة لمرحلة أولى ابتدائي

السلام عليكم .. شلوونكم بنات ..
و تقبل الله طاعتكم …

الحين بما أن ما بقا شي عالمدارس .. و بنتي ان شالله بتروح أولى ابتدائي .. فودي أخلص أغلب طلبات المدرسة قبل الدوام ..
فبنات ياليت تفيدوني بطلبات المدرسة لجميع المواد …
اللي تقدرون عليه ..

و أنا سمعت إن أولى ابتدائي بطلبون منهم دفاتر ب 40 صفحة ؟؟
و كل مادة جم دفتر .. ؟؟ و شنو طلباتهم الثانية ..
و جزاكم الله خير …

هلا فيج حبيبتي

انا بقول لج اللي اذكره وان شالله ما انسى شي

العربي يبون منهم دفتر حق الصف والواجب والاملاء والتعبير كلهم 40 صفحة

ولوحة لاصقة علشان يلصقونها خلف الكتاب واقلام وايت بورد حق اللوحة والوان خشبية وصمغ

الانجليزي يبون فترين 4 اسطر 40 ورقة
ولوحة لاصقة واقلام وايت بورد والوان خشبية وصمغ

العلوم يبون لهم بالطو ابيض حق المختبر والوان خشبية وصمغ

الرياضيات يبون لوحة لاصقة واقلام وايت بورد والوان خشبية وصمغ

وفي بعض الواد يطلبون ملفات للاوراق اشتري لها جم واحد احتياط

انا طريقتي مع عيالي كتب كل مادة احطها في ملف واكتب اسمها عليه اسهل للياهل ان يطلع كتبه بالحصه وما يتأذى فاذا عجبتج الطريقة عملي حسابج بالملفات

هذا اللي اذكره واذا طرى عليي بعد شي كتبته لج بس هذي اغلب الطلبات اللي اعرفها

والله شعور حلو الله يخليلجياها

تعيشين وتشتريلها بعرسها يا رب

تسلمين حبوبة

المشكلة طلبات المدارس ما تخلص

ما انصح تشترين الا بعد ما يطلبون لان اغلبيه المدارس يتشرطون

مشكووووورين حبايبي ما قصرتوا ….

و أم عبود : ماشالله خوووش فكرة .. وأنا بعد ناوية أجلد دفاتر كل مادة أو أشتريلها كل مادة دفاترها نفس الشي …
عشان بسرعة تميزهم .. بس ان شالله بسوي طريقتج واايد حلوة ..

أنا قلت بشتري الأساسيات .. الدفاتر .. اللوحات اللصقة .. أقلام السبورة … الخ ..

و باجي الطلبات لما يطلبونها ..

اي صج بنات يطلبون دفاتر مربعات ؟؟ دفتر موسيقى ؟؟ الوان شينية ؟؟؟ كراسة رسم ؟؟ و أي حجم تقريبا ؟؟

العفوووووو حبيبتي

لازم كراسة حجمها زين مو الصغيرة كلش ويطلبون الوان شينية ودفتر موسيقى

دفتر المربعات العام طلبوا من ولدي بس ما كتبوا فيه شي فمادري على حسب مدرستكم

الله يوفق بنيتج وتشوفينها عروس ان شالله

الله يخليها لج ويبلغج فيها

ام عبود ما قصرت ,,,