|
|
طلبات الحريم
السلام عليكم ورحمة الله وبركاته
قسم علماء الإجتماع طلبات الحريم في أخر نظريه والتي تسمى نظريه الحروف الأبجديه في الطلبات الحريميه كالأتي
الألف : أبي فلوس بروح معزومه عند صديقاتي
الباء : بكره أبيك توديني لبيت أهلي عندهم عزيمة
التاء : ترى اليوم ماني مسويه عشا جيب من المطعم لنا عشا
الثاء : ثلاث أسابيع ما طلعنا الملاهي يا لله ودنا اليوم
الجيم : جيب لي خدامه تساعدني في شغل البيت (البيت شقه صغيره قهر)
الحاء : حبيبي ودي بساعة شوبارد ،مليت من ساعتي الاوميغا
(شوفوا النفاق .. توها تذكرت هالأسم)
الخاء : خل الشلة اليوم ، أنا عازمتك نتعشى برا بس على حسابك
الدال : دور لنا فيلا على 3 شوارع وفيها سرداب
الذال : ذيك السنة قلت بتشتري سيارة فان لنا روح اشترها الحين
الراء : روح قدم على أجازه خلنا نسافر أوربا مثل غيرنا
الزاي : زيد مصروف البيت هذا ما يكفي أغراض البيت
السين: سجاد البيت صار قديم غيره يا أخي (السجاد ما كمل سنتين)
الشين: شيل ولدك قاعد يصيح هناك أنا مليت من العيال
(وما تمل من الدورة في الأسواق)
الصاد: صفف الملابس هناك منثورة ،مليت وأنا القط وراك
الضاد: ضبط أوضاعك ،ترى كبرت المسئولية (توها والدة)
الطاء: طالع السيارة سكراب تفشل ،نبي نشتري شبح
الظاء: الظاهر انك ما تحبني ،ليش ما شريت لي عقد الألماس اللي بغيته
العين: عيوني ،اليوم شفت نفنوف عند زوجة أخوي يهبل …خاطري
بواحد مثله
الغين: غير يا أخي أسلوبك معاي ،كله برود … حسسني بحبك شوي
الفاء : فديتك حبيبي وين تبينا نسافر هالصيف؟
القاف: قدر يا أخي ،كل شغل البيت على راسي تكرم وساعدني شوي
الكاف: كفاية ملينا من هالبيت متى تشتري لنا بيت أكبر منه
اللام : ليمتى محبوسين في هالبيت ما نطلع مثل خلق الله
الميم : متى توديني لبنان مثل ما واعدتني قبل
النون: نبيك تحجز لنا شاليه في شرم الشيخ طول الصيف . لا تنسى
الهاء: هاه ترى ماشوفك شريت لي هدايا ها ليومين شالسالفه
الواو: ورني شطارتك ،رح لخوك وخذ منه الورث (راعية مشاكل)
وقد تم اعتمادها من الجمعيات النسائيه والهيئات العالميه…
منقوووول
يسلموووو خيتووووو على موضوعج الطريييييف
اش حلاتنا لا نتطلب ولا شى و فوق هذا بعضهم حاط عينه على معاشها و اللى مو متزوج يقول ابيها موظفة ولا جم راتبها موضة يديدة
الله يكون بعونه اللي عنده مثل هالحريم
عجبني المووضع برفعه لان كنت بنزله وسويت بحث الا موجود
مشكوووره ياعسل
بس ظلمتينا احنا الحين احنا اللي نصرف على روحنا
وعلى عيالنا ونصرف بعد على البيت
ومرات ابو الشباب ياخذ مني فلوس عشان معاشه خلص
على اخوانه وامه والسيارة لا انه معاش ضعيف
وبما اني اول مولود الله يستر الحين يقولي الخدامة عليج ماعندي تدرين بمعاشي على القروض
يسلموووووووووووووووووووو