|
|
طفلى الوحيد عمره اربع سنوات اول سنة له فى الحضانة لاحظت انه هادى وخجول جدا فى الحضانة عكس البيت فهو مشاغب جدا فما هو السبب فى رايكم
هلا حبيبتي حاولي تسألين المدرسه عن سبب هالهدوء وشرحي لها وضع الولد بالبيت شلون ويمكن لانه مو متعود انه يختلط بين اليهال او الناس فالوضع عنده شوي متغير
وايد ياهال جذيه بس شنو السبب مادري
انا اشوفه شي طبيعي لان احنا لما كنا يهال جذيه بالمدرسه مالنا صوت ولي ردينا البيت علا صوتنا …
انا اختي جذي بالبيت معلمه و نافشه ريشها وصوتها لي اخر الفريج وبالمدرسة تقولين ماشاء الله شنو هالبنت شنو هالادب صوتها مايطلع عادي طبيعتها جذي بالبيت نسرة و معافر مع خواني وبالمددرسة قمة في الهدوء والانعومة
يمكن ليلحين مو متعود على الجو
لان يعتبر هالشي يديد عليه من مكان من اطفال واشخاص
ففي يهال يبيلهم فترة شوي على ما ياخذون عالجو ويتعودون عليه