طريقه سحريه لتسلخ الجلد من الحفاظ !!!!!

مرحبا بنات

بدش بالموضوع انا ولدي اسم الله عليه عمره ماعرف تسلخ الجلد من الحفاظ واهلي كله ينادونه نعومه ولدج ترف لأن باستمرار احط له سودو كريم بعد كل تغيير بعد 2ساعتين فترة النفاس و4ساعات لما صار 6شهور والحين عمره سنه ونص ,
و رحنا الشاليه من شهر ودخلته البحر مع ابوه بحفاظته ادري ام غشيمه عليميه أخاف يوصخ البحر ذابحني الحفاظ على البيئه :eh_s
وتسلخ جلده تسلخ والكل زفني على هالسالفه !!!
وماظل كريم ماحطيته مع تدليك للمنطقه ومساج بس مافاد شي سودو كريم , فازلين , نيفيا ؟؟؟
وقمت وسويت سيرج بالنت الا بموقع ثاني وحده حاطه *** عجيب لتسلخ الحفاظ واهوا
(((((((((( النشا)))))))))
الله يجزاها كل خير

طبعا اول ماسويت الطريقه قلت اي ماكو فايده بس بعد اربع ايام صج راح التزلغ والدم اختفي والطريقه اهي
بعد كل ماتغسلين البيبي باستمرار موتخلين الحفاظ اكثر من 4ساعات تجففين المنطقه من الماي وتحطين النشا, طبعا تفرغين علبة بودره وتحطين النشا داخلها وتكتين على جلد الياهل كل ماتغيرين حفاظته

والله يحفظ عيالكم من كل شر
تذكروني بدعوه منكم صالحه

يسلموووو
خووش معلومه

مشكوووره ..

اي حبيبتي النشا وايد زين و المستوسف يعطون كريمين تخلطينهم مع بعض عجيب

يعنى احطه مثل البودر والا لازم اخلطه بماى …………؟؟

يعطيج العافيه حبوبه

انا قالوا لى اخلط النشا مع زيت زيتون !!!!!!!!

مع زيت زيتون او بروحه كلهم نتيجتهم وحده وحلووة…بس والله يا بنات عن تجربه كلامي..مو بكل تسلخ راح يمشي معاه النشا

لا …
بتقولوون ليش؟؟

اقولكم ليش..

ساعات التسلخ يصير ناتج من بكتيريا بالجلد نفسه..فا لما تحطين النشا او اي بودره اهني راح تزيدين الفرصه في انه يزييد اكثررررر واكثرررر

انا قبل كنت جذذذذذذذذي كا ما شفت الجلد تسلخ ركضت للنشا بس شكثر مرات مافاد وياي بالعكس اطينه اكثررر ويصير حتى التسلخ يطلع دممم !!

الي تشوف جذي مافاد .. ترووح تسوي خلطع الكريمات الي قالت عنه اختي الي فوق من المستووصف .. كريم كنستاين + كريم بيرديرم اذا مو غلطانه بالكتابه… المهم اهم علبتين ابيض في احمر..واذا تروحين اي صيدليه قوليله يطعطيج كريمات للطفح الجلدي راح يعطييييج نفسسسسسسهم مالت المستوصفات !!

واهم شي في حالة جذي لااازم تخلوون البيبي كل يووم ساعه بدون حفاظه عشان يتهوا.لانه الحفاظه كاتمه الجلد من جذي يزيد..والدكتور بنفسه قالي اذا ما تهووين البيبي ساعه على الاقل ترا ماراح يفيدج اي كريم ولا علاج بهالدنيا..من يومها وانا كل يوم اهيت عيالي يدون حفاظات لمدة ساعة ههههههههههههههه………

اتمنى فدتكم …ومشكورة اختي صاحبة الموضووع بس حبيت اسوي اضاافه لموضوعج

يسلموو عالمعلوومه بس ال سودو كريم والفازلين والنيفيا هذيلا كريمات للوقايه يعني مو كريمات علاج يمنعون الجلد انه يتسلخ بس اذا تسلخ ماتقدرين تعالجينه بهالكريمات لانهم كريمات مو حق العلاج
وفي كريم انا اخذه من الصيدليه لونه اصفر بس نسيت شسمه هذا عجيب من اول استعمال تلاحظين الفرق بدال لا انطر اربع ايام هذا ماشالله من اول يوم ويخف التسلخ

بنات طريقته عادي مثل مااهو تحطينه بودره على جلد البيبي
وتدرون شنو السر بالنشا لأن النشا اهوا يمتص الرطوبه اللي تتكون فيها الفطريات والبكتريا اللي تعيش بالرطوبه والماي

بس بنات لازم تغيير مستمر للحفاظ وتحطين البودره النشا بعد ماتجففون المنطقه من الماي بعد ماتغسلون البيبي

وترى على فكره هذا تسلخ ولدي كان من الدرجه الاولى مو تسلخ الحفاظ العادي
لأن حاشه ماي البحر المالح واهوا لابس الحفاظ

ومشكورين كل البنات اللي ردوا

اي والله النشا ***
انا طريقتي احط سودو كريم
واترسه على السودور كريم من فوق يعني اغطي السودو كريم
كله نشا
وانتبهوا بنات لايدش داخل الجاهل مووووووووزين

وااااااااااااااااااااااااي ..
تدرون بنتي من متى منسلخه …

من شهر 1
تخيلواااا

كلل شي جربت كل شي

سودو وميبو والصيدليه عطتني كريمين اخلطهم مع بعض هم ماكو فايده …

وفي وحده يزاها الله خير قالتلي عن النشا..
جربت بس ما فاد

اول يومين خف ما شاءالله استااانست
وتمييت عليه .. بس رد مره ثانيه ..

كاسره خاطري ماجري وين اوديها ولا شحطلها ولا شسوي

حبيبتي نصيحه وديها مستشفى الفروانيه الجلديه في دكتوره شاطره هناك مصريه نسيت اسمها

صارلي نفس الحاله من بنتي استمرت تقريبا شهرين او اقل شوي

مافادني غيرها رحت دكاترة خاص و حكومه وااايد و الصيدليه عطوني كريمين اخلطهم صج فادوني بس مو بشكل نهائي

رحت يبت المراهم اللي عطني اياهم الدكتوره من الدرج بكتبهم لج

اهم ثلاث مراهم حصلت اثنين بس الثالث الظاهر ناسيته ابيت اهلي

بس معروف اصفر من المستوصف اذا قلتي بنتي فيها طفح بالحفاظ يعطونج اياه على طول

والمرهمين الثانين

fucidin
warimazol derm لونه من بره سماوي

تحطين كل واحد بروح اول شي الاصفر

وبعدها لمن تغيرين الحفاظ و تجففين المنطقه عدل حطي warimazol derm لازم هذا يكون بالنص بينهم لان الاصفر و fucidin موزين يحوشون بعض عرفتي

واخر شي حطي fucidin

بجذي تكونين حطيتي كل كريم مره عيدي هالبرنامج مره ثانيه عشان يكون كل كريم مرتين باليوم فهمتيني

ولازم تغير الحفاظ اكثر شي كل ساعتين و تهوين المنطقه بعد كل تغير حفاظ نص ساعه

وماتغسلين بصابون الا في حال خرج صابون طبي لازم

والله العظيم انه اربع ايام و خفت بنتي بعد ما يأست

لازم تستمرين عليه 5 ايام او اسبوع ما اذكر نسيت

هذي تجربتي قلتها لج بعد تجربتي مع بنتي و الحمدالله يارب

عفيه ادعيلي ربي يرزقني و احمل ما

ونصيحه اخر مره روحي الجلديه راح تشوف المنطقه تحت اشعه تشوف نوع الالتهاب شنو لان يمكن التهاب فطري وهذا حيل خطير

والله يشافيها و يعافيها

ينات اخلطو النشاء مع فازلين مررررره عجيب

مشكورة خوش معلومة ..

وبالنسبة لبنتي مشالله تبارك الرحمن ماصار معاها الحمدلله لأن كل ساعتين ثلاث ابدلها ومن اغسلها ماحط وايد صابون واحيانا اذا مو موصخة بس بالماي وشووووية سودو كريم ..
بس استخدم سودو مرتين باليوم جذي .. عشان المنطقة تتنفس بعد حرام الجلد كافي مخنوق من هالحفاظ لاازم تهوية

اي والله انا جربته حتى بنتي طخت عليه يبرد وينشف واااااايد زين