طريقه حبوب خل التفاح مع بذور الكتان

بنات تكفون ابي حبوب خل التفاح الي مخلوطه بحبوب بذره الكتان اشلون الطريقه يعني بذور الكتان ندقهم او لا نحطهم على عدالهم ؟؟؟ الله يرزقها ويعطيها الي تتمنى

حبيبتي انا بخل التفاح ما اقدر افيدج بس اللي اعرفه اتحطين ملعقه كبيره مع كوب ماي وتشربينه بعد الاكل بس بالنسبه لبذور الكتان فتلقينه جاهز بالجمعيه عند ركن الرجيم بس قبل لاتستخدمينه تطحنينه شوي وترشينه على السلطه وتاكلينه بس انتبهي انج ما تطحنين الا الكميه اللي تحتاجينه بهاليوم وهي تقربيا 3 ملاعق كبيره لان اسبب تسمم اذا طحنيه وخليته لي اليوم الثاني موفقه

بالنسبه لخل التفاح
سألت الصيدلانيه .. قالت لي حبوب خل التفاح اذا عندج مشاكل بالمعده حرقه او حموضه .. مو زين لج خل التفاح ..
مو كل وحده يناسبها خل التفااح !!

و سمعت انه زين بمقدار ملعقه وحده لاستكانه ماي .. بعد الوجبات الدسمه الي فيها دهن ..

انا اول مره اعرف انه حبوب الكتان تنطحن

مااعتقد انا كل اللي يبيعون المواد الطبيعيه قالو لي اكليها من غير طحن مادري احس الطحن بيغير طعمها وايد

اما حبوب خل التفاح انا كنت ماخذتهم من لبنان قال لي الصيدلي اكليهم عادي حبه الصبح وحبه بالليل لو حبيتي

مشكورين بس مافهمتوني

خواتي انا اقصد ان اخلط خل التفاح مع بذور الكتان واحطهم بشريط مال الدوا واثلجهم وكان سؤالي اطحن بذور الكتان او لا احطهم على عدالهم

اذا ساءله بالموضوع اوكي .. بس لا تألفين خلطات .. لانه ممكن تكون مضره .. وايد اشياء مفيده لما تنخلط ما تتحملها المعده ..
لانه مجربه صارت فيني ( اخلط انواع اعشاب ) يعني شاي اعشاب .. بس مفعوووول ما انام من عوار البطن ..
بس ديري بالج .. العافيه قبل الوزن ..