السلام عليكم ،، عندنا حفل استقبال حق عروس وعقبها بيدخل المعرس وياخذها معاه
بنات حبيت أعرف طريقة الإستقبال حق العروس من ناحية :
* دخلتها للقاعة؟
* ومتى تقدر تقوم من الكوشة؟
* وإذا بيدخل المعرس ترجع الكوشة عادي ولا في شي قبلها؟
* وإنتوا يا حلوين أدرى مني في سوالف الإستقبالات نبي أفكار ونصايح وطريقة الإستقبال من 1 إلى 10 بالتفصيل
وشاكرة لكم تعاونكم أبي تفاعلكم معاي الله يخليكم الحفلة مابقى عليها شي
اذا الاستقبال عقب العرس ماله داعي يدحل المعرس ولا لا؟
يمكن العروس مو مسوية عرس علشان جذي بيدخل؟
مساكم الله بالخير مشكورة يا روز للمرة الثانية و مشكورة يا هارموني الصراحة هو كان مفروض عرس بس البنت غيرت بالأخير و لأنها ماسوت حفلة ملجة وللحين ما راحت بيتها
مو شرط اتسوي ملجه خل اتسويه عرس مره وحده وبعدين الاحلى انها تلبس ابيض واتفك نفسها من سالفة استقبال ….. وبعدين ليش استقبال والمعرس بيدخل ….. الناس اتسوي استقبال اذا المعرس مو راضي يدخل.
مشكورة بنت بلادي على التعليق العروس ماودها تتعب طول النهار وآخر شي ياخذها المعرس ويمشي عقب لويتها بالصالون تقعد لها ساعتين بس وأصلاً هي مخططة تلبس أبيض أو كريمي وتبي المعرس يدخل علشان التصوير والذكرى وماكو فرق بين العرس والإستقبال كلهم نفس التكاليف والمخاسير بس أحس الاستقبال العروس تستانس مع أهلها وحبايبها والله يوفق الجميع
شربات على كلامج صارت السالفه عرس .. تبين دخلة للعروس و تقعد و بعد فتره يدش المعرس و يصور و خل العروس ترقص لها شوي جدام ريلها و المعازيم و تالي يطلعون .
الاستقبال مافيه دخله للعروس تكون عند الباب تستقبل الناس مع اهلها .. و بدلتها تكون عمليه و مونافشه حيل و احيانا بدون طرحه .. و المعرس ما يدش .. و اذا تبي تصور معاه خل تصور معاه قبل لا ايوون المعازيم .
هذا اللي اعرفه و على التكاليف جانه عرس و الا استقبال نفس التكاليف . 
زينة مشكورة على المرور الصراحة مرة وحدة أعرفها سوت إستقبال بدخلة خاصة لها،، وعن الإستقبال العروس تبي تاكل كيكة مع ريلها ويطلعون يعني المعرس ماراح يطول بالقعدة وحلو منكم نسمع آراء كثيرة وجزاكم الله خير
اذا عروسكم ودها تقعد واايد بالحفله خل تدخل امبجر ابزفه وتقعد وتستانس ويدخل المعرس آخر شي متأخر ….. وبعدين بقولج على حركه شفتها بعرس بالبحرين مو اهني …. بالبحرين الله يسلمج العروس دخلت مع المعرس مع بعض وبعدين قعدو وصورو على كيفهم عقب طلع المعرس وظلت العروس ترقص وتصور وتستانس مع رفيجاتها ويوم انتهت الحفله ييه المعرس مسك ايد العروس وطلع وسلامتكم.
انا فاهماااكي يا شرباات
شوفي انا رحت كذا استقبال .. طبعا المعرس ما يدش و الا جان مثل ما قالت زينة بيصير عرس و نفس التكاليف ..الخ ..
المهم .. في عرايس يدشون بزفة .. و في مثل ما قالت زينة يستقبلون المعازيم مع اهلهم .. بس اذا العروس لابسة بدلة بيضة يتروالي المفروض تدش بزفة ..
و عقب تصعد حق المعرس و الا تنزله على حسب اذا كانت بالدور الأرضي أو بالسردااب < اقول حلفي خخخخ
اهي و اهلها المقربين جدا .. طبعا مو كل المعازيم وراها ..
وعاد اهي اهني تصور معاه يقصون الكيكة و يطلعون بزفة و عليه بالعافية هاللي خذاها
مشكورة بنت بلادي على فكرة أهل البحرين وهي أساساً فكرتها تدخل مبجر وتستانس وع أهلها وحبايبها وآخر شي يدخل المعرس يصورون وياكلون الكيكة وهم اللي ماشين،، ماقصرتي يا فلانة على المرور وإبداء الرأي
سوري تستانس مع أهلها وحبايبها (( بدلية شكبرها))
هههههههههههههه علبالي ما عجبتج الفكره وقاعده اتقولين وع
عادي حبيبة قلبي كلنا نغلط وانصلح