طريقة تثبيت الكريستال

السلام عليكم بنات

عندي سؤال عن طريقة تثبيت الكريستالات والفصوص على الاقمشة مثل القطن والكروشية والشيفون وغيرها..

ياليت حد فيكم تقول لي اشلون الصقهم بالتفصيل؟؟

وشكررررا

حبيبتي في طريقتين

الاولى تقلبين الاوتي ويصير الصوب الحديد لفوق وتحطين عليه الكرستال بحيث يكون الظهر الكرستال اللي عليه الصمغ فوق

ومع ابره طويله تخذينه من الاوتي وتحطينه على اللي تبينه

او تستخدمين الاله مالت الكرستال التثبيت موجوده بالبلوكات وعند بركات بعد

تحطين الكرستال بالمكان اللي تبينه وتختارين حجم الراس المناسب لمقاس الكرستال وتحطينه على الكرستاله عشرين ثانيه لما يثبت

وبس

اتمنى تكونين فهمتي

انا جربت الاله استخدمي الاله يبيعونها عند ملوت الكلف بعد وايد سهله ولها اكثر من راس بحيث تستخدمينها على المكان الي تبين وعلى حجم الكريستاله الي عندج وموفقه حبيبتي

السلام عليكم
مثل ما قالوا الاخوات الاله اسهل في تثبيت الفصوص بس الفصوص تحطينها على الاقمشه كلها ماعدا التور ترى صج يلصق بس ما انصحج ابتعدي عن التور انشالله قدرت افيدك